सुरेन्द्र महर्जन अमर

जसरी चम्किन्छ हिरा उस्तै तिमी
फूल ओइलाउँछ हिमाल झैं तिमी ।

हँसिलो मुहार तिम्रो सूर्य जस्तै तिमी
बग्ने गंगा झैँ चंचल सुन्दर छौ तिमी,
गर्मीमा सितल हावा जस्तै उस्तै तिमी
फूल ओइलाउँछ हिमाल झैं तिमी ।

फुलेको फूल
अहंकार जिन्दगी
हँसिलो चन्द्र !

२)
चंचल मन
आकाशमाथि हावा
पानीको फोका !

मनमा बलेको आगो निभाएर हाँस्दै हाँस्दै बाँचौं हामी
शान्तिको खोजीमा बुद्ध सम्झी रिस फ्याँकी हाँसौं हामी ।

न तेरो न मेरो संसारको माया क्षणभर रमाइलो हाँस्दा सुख
जिन्दगिरहे सुख अनि छलकपटमा मिल्छ केवल सधैं दु:ख ।

आफ्नो सम्झे सबै आफ्नो भगवान साथ साथ हुन्छ हाम्रो
कोही छैन पराई सम्झे सबै आफ्नो हुन्छ संसार भन्नू हाम्रो ।

मुटुभित्र तिमीलाई राखेर एक्लै हाँसिरहेँ
तिम्रो साथ यादमा नदी झैँ बगिरहेँ ।

आफन्त पनि टाढा हुन्छन् दु:ख पीडामा
सँगै हुन्छ सधैं छायाँ केवल साथमा,
जिन्दगी भन्नू मिलन अनि बिछोड रैछ
अरु टाढा भए नि यादसँग छाँया हुँदो रैछ ।

मनमा बलेको आगो निभाएर हाँस्दै हाँस्दै बाँचौं हामी
शान्तिको खोजीमा बुद्ध सम्झी रीस फ्याँकी हाँसौं हामी ।

न तेरो न मेरो संसारको माया क्षणभर रमाइलो हाँस्दा सुख
जिन्दगी रहे सुख अनि छलकपटमा मिल्छ केवल सँधै दु:ख ।

आफ्नो सम्झे सबै आफ्नो भगवान साथ साथ हुन्छ हाम्रो
कोही छैन पराई सम्झे सबै आफ्नो हुन्छ संसार भन्नू हाम्रो ।

पत्थरमा पनि हुन्छ भगवान मान्छेको मर्म बुझ्न
दु:ख पर्दा सम्झिने मान्छेको कस्तो स्वार्थी मन ।

सुखमा आफैलाई पनि भूल्छ्न कहाँ को सम्झने
मनमा रहर फुल्छन रहरसँग खेल्दा सबै बिर्सने,
अरूको पीडा बुझ्दै नबुझ्ने मान्छेको कस्तो मन
दु:ख पर्दा सम्झिने मान्छेको कस्तो स्वार्थी मन ।

सपनाहरू
आँखामा र मनमा
हँसिलो चन्द्र !

चन्द्र उज्यालो
हावा सितल चिसो
यात्रा जिन्दगी !

आफू जल्दाजल्दै गर्दा पीडा आफैलाई हुने
लाग्छ खरानी बनेपछि हावासँगै मिलन हुने
लाख सपनाहरू मनमा सजाउनु व्यर्थ रै छ
अरूको आश आकाशको फल जस्तो हुने ।

मन त हो कहाँ पुग्छ पुग्छ सधैंभरि
हाँसेर बाचूँ भन्छु हराएँ फूलभरी ।

यादै यादमा हराई पाउन्न म केही
हावा झैं बहूँ सपना सजाउँ यही,
हराउने मनलाई बुझाउँ कसो गरी
हाँसेर बाचूँ भन्छु हराएँ फूलभरि ।

हरे राम हरे राम नाम तिम्रो सदा जप्न सकूँ
पावन राम नाम जप गर्दागर्दैु मर्न सकूँ ।

जन्म र मृत्‍युको संसारमा जे पनि हुन्छ
जन्मको दिन परिवार सब हाँसेको हुन्छ,
संसार छोडेको दिन नरुवाइ मर्न सकूँ
पावन राम नाम जप गर्दागर्दै मर्न सकूँ ।

दिलभित्र सजाएँ तिमीलाई आफ्नो ठानेर
जीवन जिउँदै म मुटु तिमी धड्कन मानेर ।

फूलबारीमा माहुरी झुम्छन जस्तै फूलसँग
मन मेरो उस्तै बाँच्न चाहन्छ तिमीसँग,
माया दिएँ माया देऊ मेरो आफ्नो ठानेर
जीवन जिउँदै म मुटु तिमी धड्कन मानेर ।

गर्मी मौसम
चिसो हावा सितल
फरक दिन !
२)
कुकुरहरू
रातमा सबै मौन
भुकेर मर्छ !

उकालो ओरालो मन मन्दिरमा भगवान
यात्रामा खोज्दै जाँदा जताततै भगवान ।

मान्छेभित्र पनि उनकै रूप हुँदो रहेछ
जन्मेपछी समय निरन्तर चल्ने रहेछ,
रोकेर रोकिन्न समय चली रहन्छ संसार
यात्रामा खोज्दै जाँदा जताततै भगवान ।

फुलेर पनि ओइलाउँछ फूल दुनियाँमा
झरेको होस् या टिपेको फूल मन्दिरमा,
आफ्नै सृष्टि जन्म मृत्यु गराउने भगवान
यात्रामा खोज्दै जाँदा जताततै भगवान ।

आफ्नो सम्झी भूल गर्नु हुन्न रै” छ पराईलाई
माया पनि उसलाई आफू रित्यो बन्नलाई ।

दु:ख पर्दा नझरे आँसु परेलीमा हुन्थ्यो सधैंँ
मन दिएर भूल गरें एक्लो छु एक्लै हुन्छु सधैंँ,
आफैसँग छैन मन मनबिनाको मान्छे हुनलाई
माया पनि उसलाई आफू रित्तो बन्नलाई ।

मुटु आफैसँग राखें मन दिएँ मन साट्दा पीडा भो
खुशी बाड्न खोजें माया नचिन्नेलाई माया भार भो ।

माया के हो चिन्न नजान्नेलाई माया पनि व्यथा बन्छ
मनभित्र लुकाएर हुन्न हाँस्दै बाँच्न माया साट्नु पर्छ ।

फूलको सुन्दरता फूलसँगै हुन्छ मान्छेको माया दिलमा
माया उपहार दिनु भूल हुन्छ सँगालेर राखौं मनमा ।

चन्द्र सूर्य आकाशमा धर्तीमा सुन्दर नेपाल
मेचीदेखि महाकालीसम्म हाम्रो देश नेपाल ।

फुट्नु हुन्न जुट्नु पर्छ नेपाली एक भएर
एउटै देशका सन्तान बाँचौं सधैंँ एक भएर,
हामी हुन्छौं हुन्न युगौंयुग बाँच्नुपर्छ नेपाल
मेचीदेखि महाकालीसम्म हाम्रो देश नेपाल ।

कुकुर भुक्दा
रातको प्रहरमा
निंद्रा लुकेको
मनभित्र सपना
तितोमिठो कल्पना !

बुझ्ने कुरा अलग जस्तो छ
मन कोमल नौनी जस्तो छ
चाहना मनमा सजाउने होस्
दुई शरीर एक हुन्छ जस्तो छ ।

१)
अँध्यारो रात
भुक्ने कुकुर धेरै
कट्ने समय !

२)
मध्येरातमा
शान्त मौन यो धर्ती
कट्ने समय !