मनमा आयौ अनि मनमै बस्यौ भोले बाबा शिव तिमी
बाचूँजेल जप गरुँ मन्दिरमा भेटौं परेलीमै देखूँ तिमी
ॐ नम: शिवाय ॐ नम: शिवाय ॐ नम: शिवाय ।
जमेर को मर्दैन पीर छैन मर्नमा साथ तिम्रो रहेसम्म
हाँस्दै बाचूँ रीस फ्याँकेर सुख तिम्रो साथ भएसम्म
ॐ नम: शिवाय ॐ नम: शिवाय ॐ नम: शिवाय ।
शरीरमा के छ मनमा जे छ ध्यान गरुँ चित्त शुद्ध गरेर
जीउँदै जप गरुँ प्रभु तिम्रो बाचूँ सँधै तिम्रै नाम लिएर
ॐ नम: शिवाय ॐ नम: शिवाय ॐ नम: शिवाय ।
जिन्दगी हो यात्रा हाँसो खुशी साथमा
सुख ठाने सुख दु:ख माने दु:ख हातमा ।
उदायो सूर्य उमंग छर्दै गगनमा मुस्कुरायो
जाग्ने बेला भो उठौं अँध्यारो सब लुकायो,
आकाशमा बादल नाच्यो अनेकौं रूपमा
सुख ठाने सुख दु:ख माने दु:ख हातमा ।
नदी जस्तो हुन्न जीवन फर्कि नआउने
सयौं बाटो हिँड्नुपर्ने गन्तव्य पुग्नुपर्ने,
चोट पीडा पनि हुन्छ है मान्छेको जुनीमा
सुख ठाने सुख दु:ख माने दु:ख हातमा ।
श्वास बिनाको हुन्न मान्छे फुल्छ मान्छेभित्र आश
मन एक हुन्छ तर मनभित्र हजार करोडौं आश ।
जिन्दगी रहेसम्म नै त हो नि चाहना सँधै पाल्ने
छैन लानु केही हाँस्दै सबसँग खुशी बाँड्दै बाँच्ने,
तेरो मेरो भन्नू व्यर्थ मनमा सँधै प्रेमको होस् वास
मन एक हुन्छ तर मनभित्र हजार करोडौं आश ।
जलेर खरानी बन्छ मरेपछि मान्छेको शरीर पनि
नदीमा पर्दा पानी जल्दै गर्दा धुवाँसँगै हावा बनी,
सँधैभरी बाँच्न सकिन्न आखिरमा बन्नुपर्ने लास
मन एक हुन्छ तर मनभित्र हजार करोडौं आश ।
यो जगत न चलल्ने थियो नभए नारी जात यहाँ
महान हुन उनै धर्तीको शान उनै नारी जात यहाँ ।
देवी उनै हुन आमा पनि नारी सृष्टिको जन्मदाता
मायाले चल्छ संसार उनी बालकको जीवनदाता,
जिन्दगी त्यसै चल्दैन चाहिन्छ साँच्चिकै नारी यहाँ
महान हुन उनै धर्तीको शान उनै नारी जात यहाँ ।
सरिता बनेर बगी रहँन्छिन कंचन गंगा पनि नारी
हामी बस्ने धर्ती माता ऊनी सृष्टिकी महान नारी,
श्वास श्वासमा वास गर्ने ईश्वरको बर्दान नारी यहाँ
महान हुन उनै धर्तीको शान उनै नारी जात यहाँ ।
धेरै दिनपछि तिम्रो मेरो भेट भा को तितो मिठो बात गरौं
सँगै बस्दाभन्दा टाढा हुँदा याद गरें अब हामी साथ बसौं ।
जिन्दगी जीउन साथीको साथ खोजें भूल गरेको हैन
तिम्रो साथ बाचूँ रहर अपार मनभित्र पाप लुकेको छैन ।
आशाको दीप बल्यो सँधैभरी बल्नु पर्छ फूल फुले झैं
मान्छे मर्छ्न रहर मर्दैन सपनाहरू फुल्छन मौसम झैं ।
म भित्र थिएँ
तिमी बाहिर
खुशीमा रम्ने चाह
रहर
बादल जस्तो
मैं हुँ भन्दै
चन्द्र छेक्न पुग्छु
कहिले सूर्य छेक्न
आखिर मेरो क्यै लागेन
हावा हुर्केको साथ
एक बनेर
जताततै हावाहुरीसँगै
लाग्नु भाग्यमा लेखेको जस्तो
चित्तलाई सम्झाएँ बुझाएँ
हिजो एक्लो थिएँ
आज साथ साथ
भोलि फेरि टाढा
तिमी को ? म को ?
हिजोको कुरा छोडौं
भोलिको कुरै नगरौं
आज हामी एक हौं
रमाइलो गरौं
खुशी साटौं ।
नेपाल रहे नेपाली हृदयमा चन्द्रसूर्य अंकित छायाँ
भोलि हुन्छु हुन्न यहाँ मलाई सँधै मेरै देशको माया ।
हिमालको देश पहाड मेरो शिर तराई सुन्दर भूमि
आफ्नो भन्नू देश बाचूँ नेपाली सब आफ्नै ठानी ।
त्यरो मेरो भन्नू किन यो फूलबारी सबको आफ्नो
शरीर आफ्नो भए मुटुको ढुक ढुकी पनि आफ्नो ।
हिरा र मोती जस्तो नेपाल र नेपाली सबको देश
म मरे देश बाँचोस संसारमा होस् नेपाल यही आश ।
सुरेन्द्र महर्जनको देश भक्ती गीत सार्वजनिक
काठमाडौ, वीर नेपालीहरूको शिर भनेको सगरमाथा, सगरमाथा न झुक्छ न टुट्छ सँधैभरी उच्च रही रहन्छ । सगरमाथा नेपालीहरूको पहिचान हो देशको शान हो नेपालीहरू सबैको हृदयमा बालकदेखि वृद्धसम्म जन्मेर नमरुँन्जेल सदा मन र मुटुका रही रहने आफ्नो पहिचान भन्नू देश हो ।
“वीर नेपालीहरूको शिर हो सगरमाथा
चार भञ्ज्याङ्ग हाम्रै हो गाउँछौ देशको गाथा,
गाउँछौँ देशको गाथा”
बहुमुखी प्रतिभाका धनी, दर्जन कृतिहरूका सिर्जनाकार गायक, कवि, गीतकार, तथा चित्रकार कविता, गीत, गीति नाटक, मुक्तक, हाइकु, तान्का आदिका सृजनाकार, गायक सुरेन्द्र महर्जन “अमर” को रचना तथा गायनमा तयार भएको चारवटा म्युजिक भिडियो सार्वजनिक भएको छ । भारत हुँदै हाल युकेबाट गीत रेकर्डिङकोलागि नेपाल आउनुभएका सुमधुर स्वरका धनी गायिका शिखा भारती र सुरेन्द्र महर्जनको युगल स्वरको अमर एल्बमको “चाहनाको फूलबारीमा” गीतको म्युजिक भिडियोको निर्देशन रोशन कुमारले गर्नुभएको छ । अभिनय सनम र रीतिका जिरेलको रहेको छ । संगीतकार राम कार्कीको उत्कृष्ट संगीतमा तयार भएको गीतको म्युजिक मधुशाला म्युजिक रहेको छ भने सहयात्रा डिजिटल प्रा. को भिडियो प्रस्तुतिमा तयार भएको हो ।
