सुरेन्द्र महर्जन अमर

त्यो भाग्यमा जे लेखेको छ त्यही हुन्छ हुन्छ
देखेको पाइन्न र भेटिन्न हुने भएर छाड्छ

सधैंँ तिम्रो सामुन्ने म हुँला नहुँला चिन्ता यही
साथ बस्ने बानी पर्‍यो हुन्छु हुन्न भोलि यहीँ ।

तिमी र म हाम्रो पालैपालो यसै रिसाउने बानी
दु:ख होस् या सुख सधैंँ साथ साथ बाँच्ने हामी,
जिन्दगानी सधैंँभरि हाँसेर बाँचौं धर्तीमा यहीँ
साथ बस्ने बानी पर्‍यो हुन्छु हुन्न भोलि यहीँ ।

सनचाहेरै छुटेपछि हृदयभित्र त्यो याद बस्ने रहेछ
माया टुटे नि झझल्को परेलीमा लुकि दिने रहेछ ।

माया यही हो कि क्या हो सम्झनामा छाँया तिम्रो
दोष दिन्न ईश्वरलाई मिलन नहुने रहेछ हाम्रो ।

छुटेर पनि हरपल सुख होस् तिम्रो मेरो चाहना
एक्लै बाचूँ तिम्रो सुख होस् यस्तै छ मेरो सपना ।

फुटेर हैन जुटेर बिहानीको सूर्य किरण जस्तो बनी
नेपाल आमा हँसाउन ईश्वरलाई चडाउने फूल बनी
नेपाली हामी एक बनौं आमाको सपनाहरू यही ।

हाँस्दै बाँच्नु जिन्दगीको मजा बेग्लै रीसमा छैन केही
एक नेपालीलाई दु:ख पर्दा साथ दिनु सुख सब यही,
हिमाल पहाड तराईका फाँटमा फुल्ने फूल झैं बनी
एकताको बीउ छरौं बाँच्न सिकौं हामी एक बनी ।

आशाको दीप बालौं अँध्यारो हटाइ उज्यालो खोजौँ
मन्दिरमा बस्ने ईश्वरलाई पूजा गरि मनभित्र खोजौं,
मान्छे मान्छेभित्र पनि ईश्वर पूजा गरौं मान्छे बनी
एकताको बीउ छरौं बाँच्न सिकौं हामी एक बनी

उडेको पन्छी
सूर्य नजिक ताप
गुँडकै बाँस !

२
हृदयभित्र
धर्ती आकाश अट्ने
जिन्दगी हाम्रो !

हाँसेर जीउन खोज्दै छु बादल पारीको देशमा
जहाँ सुख हुन्न किन रमाइलो गरुँ त्यो ठाउँमा ।

जिन्दगीको कथा सबको अलग अलग हुने
देखिन्छन् सब हाँसेको मनभित्र पीडा लुक्ने,
आफ्नो ठानी माया बाँडे व्यथा बस्ने मनमा
जहाँ सुख हुन्न किन रमाइलो गरुँ त्यो ठाउँमा ।

आफ्नो पनि आफ्नो हुन्न मरेपछि किन होला
बगेपछि फेरि उल्टो फर्किन जस्तै नदी नाला,
आश अलग मान्छेहरूका रहर हुन्छन् मनमा
जहाँ सुख हुन्न किन रमाइलो गरुँ त्यो ठाउँमा ।

जन्मेर नमरुँन्जेल
दु:ख कष्ट आइ रहने
मान्छेको जिन्दगी
गल्ती हुन्न भने
क्यै सिक्न नपाउने

सस्तो के नै छ र
फोहोर पनि महंगो

जिन्दगी नपाएको भए
दु:खपछि सुख
सुखपछी दु:ख
जान्न नपाइने
जे हुँदै छ ठिक छ
जीवन बुझ्ने बाटो
यही जिन्दगी ।

रामको नाम लिउँ कि श्याम आखिर एक रहेछ भगवान
मन्दिरमा मात्रै हैन सबको मनभित्र बस्ने उनै भगवान ।

मेरो तेरो तेरो मेरो आखिर को हौं हामीहरू
मान्छेभित्र हुन्छ भगवान सम्झे सबै मान्छेहरू,
रूप फरक फरक उनको आखिर एकै हुन भगवान
मन्दिरमा मात्रै हैन सबको मनभित्र बस्ने उनै भगवान ।

माटो पानी धुवाँ हावा आखिर मिल्ने ठाउँ सबको एकै
यो धर्म त्यो धर्म भन्नू गलत भगवान आखिर एकै,
रूप फरक नाम फरक धर्म अलग एकै हुन भगवान
मन्दिरमा मात्रै हैन सबको मनभित्र बस्ने उनै भगवान ।

राम हो या श्याम आखिर एक हुन भगवान
राम राम हरे कृष्ण कृष्ण एकै हुन भगवान ।

चंचल मन यताउता गर्छ सँधैभरी गर्दै जप
मनमा राख्नु हुन्न हाँसीहाँसी फ्याँक्नु पाप,
रीस राग छल छोडी मनमा राखौं भगवान
राम राम हरे कृष्ण कृष्ण एकै हुन भगवान ।

हाँसीखुशी जिन्दगी बाँचौं हुन्छ मन पबित्र
ढुङ्गामा भगवान हुन्छ गर्नुपर्छ मन पवित्र,
तेरो मेरो भन्नू बेकार जप गरौं सँधै भगवान
राम राम हरे कृष्ण कृष्ण एकै हुन भगवान ।

सपनीमासम्म पनि तिमीलाई म भेट्ने छैन
हृदय तोडी रहर लुट्ने निर्दयी म त्यस्तो हैन ।

बगेको आँसु सुकेर जाओस् अब फेरि रुन्न
पीडा सहेर जीउँछु परेलीमा बस्नेलाई भूल्न,
छाँया मेरो आफ्नो तिमी मेरो आफ्नो हैन
हृदय तोडी रहर लुट्ने निर्दयी म त्यस्तो हैन ।

१)
सुथे या निभा
छिउँ फुक्कँ मरेका
ह्यँने हें व: ल !

२)
ल दुने भ्हिंता
पिने सा: स का व: ल
ल दुने या कि: !

हिँड्दा हिँड्दै कहाँ पुगें पुग्नु थियोे कता अल्झें कता
बिरानो गाउँ भेटें को मान्छे छु यता मन पुग्यो कता ।

आफ्नो भन्ने धेरै भेटें झुठो सपनाहरू बाँड्ने कति
यस्तै होला दुनियाँ आफ्नो बनी पुर्‍याउँछन क्षति ।

पुग्नुपर्ने थियोे टाढा अल्झें बीचमा यता न उता
हराउनु व्यर्थ कल्पनामा पीडा हुँदो रै” छ उता ।

तिमी हिँड्दा लाग्छ धर्ती नै सुन्दर
दिलमै बसेछौ तिमी दीप झैं बनेर ।

लेखेर के लेखूँ तारिफ गरूँ कसरी
राम्री मान्छे राम्रै हुन्छ तिमी सुन्दरी,
लजालु मुस्कान चन्द्रभन्दा सुन्दर
दिलमै बसेछौ तिमी दीप झैं बनेर ।

मतिना
नुग: या खँ नुग: दुने: तया तसा: मतिना खोइ
तापा:क ह्याँथा वंसाँ मिखा: फुसी किपा: वइ
म्वांयत: जित: पाशा माल: नुपा: दुने रहर
लोमंके मफू मतिना झंग बोथें ह्याँबले बोइ ।

माया
मनको कुरा मनभित्र लुकाइ राख्दा माया रुँन्छ
टाढा जाँदा परेलीमा झल्को छाँया बनी आउँछ
बाँच्न मलाई साथी चाहिन्छ मनभित्र रहर
भूल्न सक्दिन मायालाई चरा उडे झैं उड्छ ।

Love
Having a love heart to heart conceals rumncha As magazines and a glimpse of the shadow comes from the remains
I need friends wanted to live heart Can not forget the disaster as love birds fly.

उषा किरण
अँध्यारो रातपछी
आश उज्यालो
मनभित्र सपना
मानवको चाहना !
२)
फुलेको फूल
फुलेर ओइलायो
जस्तै जिन्दगी
आज हाँसो साथमा
भोलि हुने माथमा !

जिन्दगी जीउनको मजा बेग्लै सुख साथ होस्
दु:ख लुकाएर हासूँ आँसु आँखाभित्रै होस् ।

चन्द्र सूर्य आकाशमा धर्तीमा सुन्दर नेपाल
मेचीदेखि महाकालीसम्म हाम्रो देश नेपाल ।

फुट्नु हुन्न जुट्नु पर्छ नेपाली एक भएर
एउटै देशका सन्तान बाँचौं सधैँ एक भएर,
हामी हुन्छौं हुन्न युगौंयुग बाँच्नुपर्छ नेपाल
मेचीदेखि महाकालीसम्म हाम्रो देश नेपाल ।

रोक्दै नरोकी नदी सदा बगिरहोस्
म मरेर के भो देश नेपाल बाँचिरहोस् ।

हिमाल झैँ नेपालीको शिर सधैँ माथि
झुक्दैनौ कहिल्यै अनेकौं जात जाति,
हिमाल पहाड तराई त्रिवेणी जस्तै होस्
म मरेर के भो देश नेपाल बाँचिरहोस् ।