हाम्रो साहित्य यात्रा

उसले माया लुकाई, मैले देखाएँ
दुई थोपा आँशु, तपतप खसाएँ

ढुङ्गा खोज्दा, मिल्छ कि देवता,
यो दिल फकाएँ, खोज्न पठाएँ

यो शहरमा साह्रै, हेपिदैछ ऊ ।
इमान्दारिता देखाएर, चेपिदैछ ऊ ।

आत्मनिर्भर बन्छु भन्दै शहर झरेको,
हरपल पैसासँग, नापिदै छ ऊ ।

नयाँ दिन, नयाँ सालको शुभकामना !
एकै छिन, नयाँ सालको शुभकामना !!

‘कामना छ, उत्तरोत्तर प्रगति हजुरको’ पाओस्
है मौलिन, नयाँ सालको शुभकामना !!

आयो होली उमङ्ग ल्याई
दुनिया रङगाउंने रङ्ग ल्याई

रमाउंदै खेल्दै खुखियाली
यो सोचमा चङ्ग ल्याई
आयो होली उमङ्ग ल्याई

रङ्ग अविरको खेलमा यो
नयां नयां ढङग ल्याई
आयो होली उमङ्ग ल्याई

नखेल्नेलाई नि कस्तो कस्तो
ल हेर्ननुस त दङग ल्याई
आयो होली उमङ्ग ल्याई

-भुपेन्द्र (बिपिन) बिसी
बिकाशनगर, कोहलपुर बाँके

घुमाएर, डुलाएर पठाएँ, फर्किआयो ।
सम्झाएर, बुझाएर पठाएँ, फर्किआयो ।

नङ मासु झैं सम्बन्ध, उसको, मेरो
टुक्र्याएर, छुट्याएर पठाएँ, फर्किआयो ।

बच्नु मेरा दाजुभाइ बिगार्छन केटीले ।
पाए भने कार्टुन बनाई बिगार्छन केटीले ।

जिन्दगी के हो जिन्दगी, भोग्नेलाई था होला ।
पढाई के हो किताब, घोग्नेलाई था होला ।

मुल्यको कुरा त सुनको बजारमा चल्छ !
तौल के हो केवल, जोख्नेलाई था होला ।

मेरो भाग्य फुटाउने, शहरको मान्छे
सारा सपना टुटाउने, शहरको मान्छे

कति दिन बाँच्लास, हेर्छु म पनि
ठगेर छाक जुटाउने, शहरको मान्छे

गयौ तिमी तर्किएर
आउँदा आउँदै फर्किएर

मर्म बाध्यता कि रहर ?
बुझिनौ नि झर्किएर

प्यास तिर्खा सँगसँगै जल पाईन्छ ।
भनिन्छ संगत गुणा फल पाईन्छ ।

बलभन्दा बुद्धि ठुलो कसरी भो ?
बलमा बुद्धि बुद्धिमा बल पाईन्छ ।

संघर्षको बाटो छेक्दै थियो ।
तुलोमा ईज्जत जोख्दै थियो ।

सम्झाउँदै थिएँ यसो नगर
मानेन पैसामा बिक्दै थियो ।

महान चाड दशै तिहारमा नेपाली हिन्दु रीतिरिवाज अनुसार अफन्तजन इष्टमित्र र टाढा भएका परिवारका सदस्यहरू जम्मा हुने र मिट्ठामिट्ठा खानेकुरा खाने भेटधाट मार्फत सुख दुखका कुरा गर्ने विधिवत रुपमा नाचगान र टिका जमरा लगाउने आफुभन्दा ठुलाबाट अशिर्वाद लिने र सानालार्इ अशिर्वाद दिने अझै तिहारमा त झन देउसी भैलो जस्ता धार्मिक कार्य महत्वपुर्ण रुपमा हुने गर्दछन ।

भुलेको नि छैन सानु छोडेको नि छैन
बाचा अनि बन्धनहरू तोडेको नि छैन

खै ? देखाऊ आजको बास्तबिकता
खै ? नलुकाऊ दायित्वको आवश्यकता