देशमा बुढा पाका छन्
युवा विदेश गाका छन्
अाउलान् भन्ने अाश छैन
अाउने धेरै भाका छन् ।।
केही छाेरा अाका छन्
पैसा केही ल्याका छन्
धेरै छोरा उतै छन्
ब्वारी यता ब्याका छन् ।।
केही छाेरा विदेशकाे
जागिर राम्रै पाका छन्
केही जागिर नपाउने
बाक्साभित्र अाका छन् ।।
पुरानो घर चुहेर
अामा बाबु भिज्दै छन्
अाफ्नाे घर चुहुुन्छ
अर्कैकाे घर छाका छन् । ।
मधुको जस्तै गजल
कोहिनुर आज किन खिया लागी टल्किएछ
नसोचेको मान्छे आज मधु पिउन पल्किएछ !
सेतोलाई सेतो भन्ने सकिएछन् दिनहरु
मेरो मधु गीत गाउँथ्यो गजलतिर सल्किएछ ।
इलामको चिसो हावा किन किन तातो हुन्छ ?
भूमिसुधार गर्दागर्दा झापा उसलाई सातो हुन्छ ।
अझै पनि यतै तिर बस्या भए हुने थियो
मेरो साथी मधु किन कोशीतिर ढल्किएछ ।
विकृतिका लहरहरु फैलिए नि फैलिरहून्
मधुशाला मधुसँगै उतै पनि रित्तिरहून्
टाढा जाँदा के भयो र टाढैबाट टल्किएछ ।
मेरो मधु किन किन कोशीतिरै झल्किएछ !
अन्तु डाँडा, कन्याम डाँडा मधु खोजी सुसाउँछन्
देउरालीमा मालिङ्गाका टुसाहरु टुसाउँछन्
सावधान !!
कुलमान सावधान !
प्रिय कुलमान
नेपालीहरुको तर्फबाट
सल्लाह आइरहेको छ
अलिक होस गर
जथाभाबीकाहरुसँग भर नगर
यसो हेर्ने गर आफ्नो वरपर
चारैतिर भोका गोहीहरु
तिमीलाई दार्न दाउ हेरिरहेका छन्
कति बेला खोरमा पार्न सकिन्छ
ओरिपरिबाट घेरिरहेका छन् ।
कसरी तुरुङ्मा पार्न सकिन्छ
भाउ हेरिरहेका छन्
कहाँ त्यति मात्र
तिम्रा ओरिपरि हान्ने भोका अर्नाहरु
बिजुली चर्न नपाएर
खुट्टाले जमिन खोस्रँदै
छुलछुल मुत्तै
जमिनमा सिँगौरी खेलिरहेका छन् ।
राम्रो गरी याद गर
सुशीला कार्कीको नियति भोग्नु पर्ला
गङ्गामायाको नियति हेरिराख
त्यही नियति भोग्नु पर्ला
मैलै कतै जानु पर्दा अहिले निकै सजिलो भएको छ । कहाँ कुन पार्टीको हड्ताल छ, कहाँ कुन व्यवसायी, समाज, संगठन, मुक्तिमोर्चा आदि कसकसले कहिले चक्काजाम गर्दैछन् भनेर थाहा पाउने मेरो सजिलो साधन छ भद्रे भाइ । ऊसँग यस फेटको हडतालको क्यालेन्डर नै हुन्छ । ऊ मेरा छिमेकी पनि हो । मेरा मामा खसेकोले सखारै गाडी चढेर मलामा जानु पर्ने भएकाले र गाडी चल्ने नचल्ने बुझ्नलाई एकाबिहानै म भद्रे भाइकोमा गएँ । ऊ बिहानैदेखि राँकोका लागि तयारीमा रहेछ । ऊसँगै दुई जना भाइहरू पनि भाटा खुर्किरहेका रहेछन् ।
गजलः
रोकूँ भन्दा भन्दै आँसु आँखाबाट झरेको छ
मेरो भाग्य दलानबाट परपर सरेको छ ।।
विरहका भाकाहरु न्याउली गाउँछ रुखमा बसी
उसको गीत सुनी मेरो मुटु चिरा परेको छ ।।
साँझ बिहान झ्याउँकीरीले उराठ्लाग्दो कराएर
शरद काल नै मेरा लागि शिशिर जस्तो गरेको छ ।।
सुसेलेर हावासँगै डबलीको सल्लो घारी
विरहका गीत मानौं छाती भरी छरेको छ ।
ढकमक्क फुल्नु पर्ने फूल पनि वैलिएर
ठिँगुरिए जस्तो भई बिचमा कतै झरेको छ ।।
यस पालिका चुनाबका स्वच्छ पार्टीकाे अहम प्रदर्शनका लागि पार्टीका अफिसमा मिटिङ्ग चलिरहेको थियो । याे चुनाबमा कसरी सबैको भन्दा राम्रो परिणाम पाउन सकिन्छ भन्नेमा सबैको धारणा आयो । साइकल मोटर साइकल र्याली गर्ने पनि सर्वसम्मत निर्णय भयो । सीमानाकाे ठाउँ परेकाले सीमानापारिका पनि सकेसम्म माेटर साइकल साइकल र मान्छेहरू पनि र्यालीमा मगाउने उपाय हुने भाे । सभा भव्य हुनु पर्ने सर्तमा कार्यकर्तालाइ खानपिउनमा लाग्ने सबै खर्चको र भन्डारकाे बन्दाेबस्त साम्सदज्यूले गर्नुहुने भो ।
यस पालिका चुनाबका स्वच्छ पार्टीकाे अहम प्रदर्शनका लागि पार्टीका अफिसमा मिटिङ्ग चलिरहेको थियो । याे चुनाबमा कसरी सबैको भन्दा राम्रो परिणाम पाउन सकिन्छ भन्नेमा सबैको धारणा आयो । साइकल मोटर साइकल र्याली गर्ने पनि सर्वसम्मत निर्णय भयो । सीमानाकाे ठाउँ परेकाले सीमानापारिका पनि सकेसम्म माेटर साइकल साइकल र मान्छेहरू पनि र्यालीमा मगाउने उपाय हुने भाे । सभा भव्य हुनु पर्ने सर्तमा कार्यकर्तालाइ खानपिउनमा लाग्ने सबै खर्चको र भन्डारकाे बन्दाेबस्त साम्सदज्यूले गर्नुहुने भो ।
देशभित्र अन्यायले सगरमाथा नाघेको छ
अर्कातिर नैतिकताको खडेरी नै लागेको छ ।।
बाढी अाकाे थाहै नपाइ दुला पसी लुकी बस्ने
मधेशकै मसिहाले छब्बिस अरब मागेके छ ।।
नेपालका खेलानाला हाताहाती जस्ले बेच्याे
अाजभाेलि त्यस्कै भूत मधेशमा जागेकाे छ ।।
केही कन्ची सहयाेगकाे भिक दिइ लाेभ्याउँदै
नेपालकाे जलस्राेत बैरीले नै दागेकाे छ ।।
लम्पसारवादीहरू देश बेच्न लस्कर लाग्छन्
राष्ट्रियता भन्ने कुरा नेपालबाट भागेकाे छ ।।
गजलः
रागविराग
बुढेस कालमा मायाप्रीति लाउनु पर्या छैन मैले
हुन ता हो लगनगाँठो सम्म गर्या छैन मैले ।।
दोधार हुन्छ मनमा अझै किन हाेला अहिलेसम्म
मायाको बिउ जथाभावी कतै छर्या छैन मैले ।।
माया गर्न कठिन खोलो तर्नु पर्छ भन्दा रैछन्
कता खोलो तर्नु जँघार सम्म तर्या छैन मैले ।।
पक्कै पनि बुढेसकाल अाएकै हाे जान्दछु म
तरै पनि कपालमा ध्वाँसो छर्या छैन मैले ।।
फुक्का साँढे जस्तै केही राखापाखा चर्दा रछन्
तिनका जस्ताे जथाभाबी खेत चर्या छैन मैले ।।
थाेरै म लेख्न खाेज्छु केही डराइ डराई
मेरा अनन्य साथी राेहित हुन् पराइ ।।
उनका विशेषताकाे पहिचान गर्न खाेज्दा
भित्रै कता कता हाे जान्छु म ता हराई ।।
उत्कृष्टता छ उनमा रच्छन् कृति अनेकाैं
साेचेर पढ्नु हाेला अब्बल कुनै ठहराई ।।
तौलेर भाव हाल्छन् केराउँदै निफन्दै
लेख्छन् मिठास घाेली उनकाे छ हाइ हाइ ।।
थाेरै म लेख्न खाेज्छु केही डराइ डराई
मेरा अनन्य साथी राेहित हुन् पराइ ।।
गरेर स्नानका क्रिया पवित्र गण्डकीनिर
पुगेर ज्ञानकुञ्जका कतै म झोपडीतिर
म काव्यको समाधिमा बसूँ मिठो सुधा पिई
जहाँ छ आर्यजातिको सुरम्य देव मन्दिर ।।१।।
नजानिंदा र स्वादिला विभिन्न भाव जन्मियून्
नयाँ नयाँ कथाहरू मभित्र फेरि पन्पियून्
जसै कथाहरू नयाँ मभित्र पन्पिँदा यहाँ
विभिन्न ज्ञानकुञ्जमा नयाँ विचार अन्मियून् ।।२।।
नजानिंदा र स्वादिला विभिन्न भाव जन्मियून्
नयाँ नयाँ कथाहरु मभित्र आज पन्पियून्
जसै कथाहरु नयाँ मभित्र पन्पिँदा यहाँ
विभिन्न ज्ञानकुञ्जमा नयाँ विचार अन्मियून् ।।
कथा व्यथा बिहानीका कता यहाँ सुकाउनु
सुकाउने छ योजना यसै कता फुकाउनु
जसै उठेर आउँदा कथाहरु नयाँ नयाँ
कता कता पिरोल्दछन् कहाँ कहाँ लुकाउनु ?
मनुष्यका दिमागमा अनन्त स्वैर कल्पना
फुरेर आउँदा र’छन् रसालुशिक्त भावना
ती श्वैर कल्पनासँगै अनेक गीत गाइयोस्
अगम्य दिव्य ध्यानमा निमग्न बन्न पाइयोस् ।
उडेर माहुरी कतै परागमा बसे सरी
म बस्न पाऊँ योगमा र ध्यानमा भिडे सरी
दिमागमा फुलून् नयाँ नयाँ गवेषणाहरु
गजलः
शहर मात्र हेर्नैहरू गाउँकाे पनि याद गर
आफू तिमी जन्मिएकाे ठाउँकाे पनि याद गर ।।
सधैं भरि ब्याजै मात्र तिर्न कति मरिहत्ते
कहिले काहीं ऋण तिर्दा साउँकाे पनि याद गर ।।
एकै पटक उफ्रिएर अकास कहाँ छुइन्छ र
माथि कतै ठाेकिएला टाउकाे पनि याद गर ।।
बाेकेका छाै बाेकेका छाै ऋणकाे भारी राताे दिन
संसार भरका अाशामी हाै साहुकाे पनि याद गर ।।
अासामीका रूपमा सधैं परेका छाै भड्खालाेमा
असुल्रनलाइ थाापिएकाे दाउको पनि याद गर ।।
गाँस केही कटाएर देशकाे ऋण तिर्नु अब
शरीर झिर्न भाका अामा बाउकाे पनि याद गर ।।
