mukund

झन्डावाल गाडी छाडी डन्डावाल गाडीभित्र पस्नुपर्यो आज
मन्त्रीबाट एक्कासी कैदीमा खस्नुपर्यो आज

जहाँ जाउँ गलाभरि माला हुन्थ्यो निधारभरि अबिर
त्यही निधारमा कालो टीका घस्नुपर्यो आज

क्रान्ति र प्रतिक्रान्तिको द्वन्दमा फंस्दैछ मेरो देश
तैपनि शान्ति र संबिधानको आशमा बस्दैछ मेरो देश

मर्ने र मारिने सबै तिम्रै सुचिमा नाम लेखाउन तानातान भैरहेछ
सांच्चै सहिद आज तिम्रो अपमान भैरहेछ

हांसी हांसी देशको निम्ति बलिदान दियौ तिमिले
तर आज राज्य तिमि प्रति बेइमान भैरहेछ

लोडसेडिङ्ले देशैभरि अन्धकारमा छन् जनता
मैनबत्ति बाल्नलाइ हतारमा छन् जनता

जताततै हाहाकार छ पेट्रोल अनि डिजलको
लाइनमा बस्दा बस्दा दिक्दारमा छन् जनता

जुन सरकार आएपनि बढाउंछ मुल्य मात्रै
एक पछि अर्को गर्दै महंगीको मारमा छन् जनता

सभासद र मन्त्रीबाटै अपहरित हुन्छन् मानिस
ठूलाबडा शासकहरुको अत्याचारमा छन् जनता

गरिबहरुको हालत बिग्रंदैछ झन् झन्
गाउं गाउंमा भोकमोरीको सङ्घारमा छन् जनता

न त बन्यो संबिधान न त आयो शान्ति
अब त अति भयो आन्दोलन्को सुरसारमा छन् जनता

गाउँतिरको बसाइ छोडी सहरतिर सर्छन् नेता
जनतालाई भोकै राखी आफ्नै पेट भर्छन् नेता

भोट खाईमन्त्री बन्छन् फर्किंदैनन् गाउँमा कोही
गाउँको बिकास गर्छौं भन्दै भ्रम मात्र छर्छन् नेता

दिन रात पैसा झार्ने बाटोमात्र हेर्छ पुलिस
त्यसैले त अपराधीको बयान फाइल फेर्छ पुलिस

पैसाको भरमा छुट्छन ठुला ठुला अपराधी
दोषीलाई भगाएर निर्दोषको घर घेर्छ पुलिस

सानालाई लाग्छ ऐन ठूलालाइ सधैं चैन
पहुंचवाला मान्छेको आदेशमात्र टेर्छ पुलिस

मान्छे मारुन् देश लुटुन् लाग्दैन कुनै कानुन
डनहरुलाइ कठघरामा उंभ्याउन छेर्छ पुलिस

सत्य सेवा सुरक्षणम् मुल मन्त्र राखेपनि
अफ्नो नारा आंफैले ब्यर्थ किन केर्छ पुलिस

दिन रात पैसा झार्ने बाटोमात्र हेर्छ पुलिस
त्यसैले त अपराधिको बयान फाइल फेर्छ पुलिस

पैदल हिंड्ने नेताज्युका करोडौंका चिल्ला कार
फस्टाउँदैछ देशमा आज घुसखोरी र भ्रस्टाचार

कोही सांसद घुस लिन्छन् कोही बेच्छन् रातो पासपोर्ट
संसद भित्र मान्यज्यु बाहिर अर्कै अवतार

गरिबको निम्ति आफैँलाई भार भैरहेछ जिन्दगी
दाब बिनाको खुकुरीको धार भैरहेछ जिन्दगी

हातमुख जोर्न पनि धौ धौ पढाइ त कता हो कता
कालीदासको कथाको सार भैरहेछ जिन्दगी

फेरि एउटा क्रान्तिको दियो बाल्ने रहर छ
परिबर्तनको नयाँ इतिहास लेख्न थाल्ने रहर छ

संबिधान बनाउन रोक्दैछन् प्रतिगमनकारीहरू
संघर्षको कडा कदम चाल्ने रहर छ

जनमुक्तिको अन्तिम युद्ध लड्न अझै बाँकी छ
क्रान्तिका अग्ला पहाड चढ्न अझै बाँकी छ

जनताले हारेको इतिहास नै कहाँ छ र?
शहिदका बलिदानी गाथा पढ्न अझै बाँकी छ

गैरी खेत साहुलाइ बुझाइ कमाउनलाइ बिदेश आंए
जीउ पाल्न नि धौ धौ भयो नसोचेको दुख पांए

जताततै मरुभुमि खट्नु पर्ने तातो घाममा
राम्रो काम नपाएर सधै हण्डर मात्र खांए

न त पुग्यो दुइछाक खान न त पुग्यो राम्रो लाउन
नयां फेर्न नसकेर सधै एउटै लुगा लाएं

साहुको हप्कि खानु पर्छ रातदिन दुख गर्दा पनि
तलब बढ्छ भन्ने आशमा उल्टै उसको गुणगान गाएं

गरिबको ब्यथा बुझ्ने को नै हुदारैछन् आखिर
बैङ्कको ऋण तिर्न भन्दै ब्यर्थ अरब तिर धाए

गैरी खेत साहुलाइ बुझाइ कमाउनलाइ बिदेश आंए
जीउ पाल्न नि धौ धौ भयो नसोचेको दुख पांए

सयपत्री र मखमली ढकमक्क फुल्न थाले
साथिभाइ देउसी खेल्दै घर आंगनमा डुल्न थाले

दाजुभाइ नाच्दै छन् दिदीबहिनी गांउदै
मादलको ताल संगै स्वरहरु खुल्न थाले
साथिभाइ देउसी खेल्दै घर आंगनमा डुल्न थाले

प्रदेशको तातो घाममा किन दु:ख काट्यौ दाजु
यो तिहारमा आउँछु भन्थ्यौ तर किन ढाँट्यौ दाजु

मखमली फूल फुलाई राखेँ मैले आँगनभरि
यसपाली नि किन निधार खाली राख्न आँट्यौ दाजु
यो तिहारमा आउँछु भन्थ्यौ तर किन ढाँट्यौ दाजु