प्रेम चापागाईं

ढाल बनाएर सोझाहरूलाई तात लगायो
ताल मिलाउन नजन्नेलाई लात लगायो

भाग्न खोज्ने निर्दोसलाई छेक्यो अनि
जालमा पारेर पकड़नालाई हात लगायो

पालै पालो आयो धमक्यायो अनि आफू खुसी
बाल उठायो जसले उसैले खात लगायो

तिम्रो अघि पछि पर्दा चुरा बजाउछु
अलिअलि मात्र होइन म पुरा बजाउछु

बिग्रेजस्तो गर्छु कहिले बहानाले कराउछु
लडाऊछु साइकल अनि धुरा बजाउछु

बाहना त्यो बुझ्छन अरु मेरो खिल्ली उडाउछन
तर्काउन म बेग्लै बेग्लै कुरा बजाउछु

बैंश हुदा जे बोले नि ताली दिनेहरूको ताती हुन्छ
चिन्नु जान्नु छैन यहाँ साली दिनेको ताती हुन्छ
लक्ष्य आफ्नो एकातिर कुरा आउछ कता कता
दुनियामा नबिकेका काली दिनेहरूको ताती हुन्छ ।

आखा आखा मिलाउदाको क्षण
दुइटा मुटु संगै सिलाउदाको क्षण

अतालिएको मन, नबुझ्धाको पिडा
अन्त्यमा विश्वास दिलाउदाको क्षण

अतिथ सम्झदा इतिहास बन्छ
छुटटा छुट्टै मिलाएर खिलाऊदाको क्षण

खुसी खुसी मिलाएर यौटा खुसी बनाउदा
उमङ्गका काडाहरु जिलाऊदाको क्षण

हतारिएर दगुर्दै छिटो छिटो तरेका
खहरेहरु नदीपुगेर बिलाउदाको क्षण

बिगतमा पूर्वजले मेची काली तरेको शान
तोपसँग तरबारले मुकाबिला गरेको शान

पानी बिनै नालापानी युद्ध लड्ने हाम्रा पुर्खा
लड्दा लड्दै यिनका अघि अंग्रेजको झरेको शान

कहिले पूर्व टिस्टा अनि कहिले पश्चिम काँगडामा
सर्दा सर्दै स्वदेश अनि बिदेशमा सरेको शान

थाहापायौ चाडै माया फुट्दा कस्तो हुन्छ
फुटीसक्यो मुटु अझ टुट्दा कस्तो हुन्छ

बिरुद्धमा तिमीभन्दा समय बलवान भइदिदा
भोग्नु पर्यो आफ़ैलेनि छुट्दा कस्तो हुन्छ

आफ्ना सबै एकातिर आफु एकातिर हुदा
बिपक्क्षमा आफ्ना जति जुट्दा कस्तो हुन्छ

हिजोसम्म सुम्सुम्याउदै ओरिपरी हिड्नेहरु
सर्बस्व त्यो तिनेरलेनै लुट्दा कस्तो हुन्छ

हुनेबेला आफ्नै घर पर पर भइ दिन्छ
घरकालेनै घरभित्रै कुट्दा कस्तो हुन्छ

धेरै माया चोखो माया जुनी जुनी भन्नेहरु
बदलिएर मायालाईनै चुट्दा कस्तो हुन्छ

झरी बादल बर्षा मौसम बर्खा लागेको छ
छितिजमा झरी बादल निरन्तर सरेको छ

चोटै चोटको चोटेरुलाई दुख्दैनकी सोच्छन क्यार
नत्र किन घोच्छन फेरी हेर्दा सबै फाटेको छ

संघर्सको मैदानपनि कति फराक बनिएछ
एउटा कुनो छितिजमा अर्को पाताल पसेको छ

थुन्दै गयो एका तर्फ़ अर्को तर्फ़ फुट्दै जाने
नथामिने नरोकिने मनमा पैरो लडेको छ

चारै तिर छेक्दै पासो, जाल नजिक आउदै गर्दा
भाग्दा भाग्दै जिबन अचेल साह्रै साह्रै गलेको छ

मुसा पस्ने दुला दुली थुन्दै थुन्दै जानु साईला
जाल थाप्नु पर्छ पक्का बुन्दै बुन्दै जानु साइला

धान खान नपाएर नारा जुलुस गर्दै होलन
अहिलेपनि कराउदै छन सुन्दै सुन्दै जानु साइला

कमलो छ जता ततै जाही दुलो पार्न सक्छन
यिनै कुरा मनमालीइ गुन्दै गून्दै जानु साइला

दुलोपार्ने भत्काउने यिनको नियती भो
सम्याउने राम्रो विचार तुन्दै तुन्दै जानु साइला

कटेका छन धेरै वटा ओड्ने सिरकहरु यहाँ
सिलाउन सियोमा धागो उन्दै उन्दै जानु साईला

रुख बाहेक हाम्लाई देख्ने तारा अनि जुन थियो
अरु हुदा नबज्ने त्यो संगीतको धुन थियो

बादल लाग्दा छाया पर्थ्यो त्यही छायामा छेल्लिएर
पर्तेकले पर्तेकलाई अलग अलग छुन थियो

झरनाको पानी बाहिर छंग छंग गरि बजे पनि
गड-गडाएर बग्ने केवल नसा भित्र खुन थियो

रसिला ती मोती दाना जुन ताराले बर्षाउदा
खान्न खान्न भन्दै खाने त्यही राम्रो गुन थियो

जे -जे आउछ आउदै गरोस जाने जादै गर्छ
मलाई, उनि मेरी म उनको त्यती मात्र हुन् थियो

आट थियो जात थियो भरोसा र साथ थियो
आजपनि बहकिन्छ मन अनि साथी सोध्छन कुन थियो

समुन्द्र पार तरेर गयौ छुटायौ सम्बन्ध
माया र प्रेम छरेर गयौ फुटायौ सम्बन्ध

ह्रदयमा पस्यौ तनमा खेल्यौ सजियौ आखामा
यौवन मेरो चोरेर गयौ चुटायौ सम्बन्ध

आकासमाथी उड्नेछु भन्थेउ उतै पो बसेछौ
छोडेर साना लाला र बाला टुटायौ सम्बन्ध

दौतरी तिम्रा छिमेकी साथी बिर्सेका कहाँ छन
सबैलाई आफै बिर्सेर उतै जुटायौ सम्बन्ध

सृष्टिको खेल दैबको लिला कुन खेल रच्या हुन्
त्यही खेलमा तिमी परेछौ प्यारा लुटायौ सम्बन्ध

सबै भन्छन तिम्रो बारे अचेल जाहा बस्छौ साथी
यता आउने भन्दै हिड्यो बीचमा अन्तै पस्छौ साथी

बहाना त ठिकै गर्छौ कला भको मान्छे तिमी
ओहोर दोहोर हेर्दा लाग्छ अब छिट्टै फस्छौ साथी

विश्वास तोड्यौ भित्र बाहिर देख्दा उस्तै नै छ
आट कित छोड अब नपत्याए खस्छौ साथी

लालीगुराँस सुनाखरी फुलोस देश नेपाल
झलमल दिपमाला झुलोस देश नेपाल

सहिदको रगतले रंगिएको मातृभूमि
बिदेशीले हेप्न अब भुलोस देश नेपाल

मेची काली फैलिएको तराई पहाड यहाँ
संसारमा पहिचान खुलोस देश नेपाल

तिमीसँगै हराएका पल खोज्दै छु म
तेतै आउन ठेल्नलाई गल खोज्दै छु म

हराई गए अमन चैन शान्ति हराई गयो
मन माझ शान्ति ल्याउने जल खोज्दै छु म

फाटे पनि मन मुटु सिएको नै राम्रो हुन्छ
हिम्मत गरी सबै सामू जिएको नै राम्रो हुन्छ

मनभित्र चाह लुकाई गुम्सिएर रहनुभन्दा
मिलीमिली कहिलेकाहीं पिएको नै राम्रो हुन्छ

उसको माया अन्तैतिर सारी दिने कुरा गर्यौ
जबरजस्ती सप्तकोशी तारी दिने कुरा गर्यौ

आफै मात्र बोलिराखो बोलेनन् त्यहाँ कोही अरु
अरु बोल्दा बंगारा नै झारी दिने कुरा गर्यौ

हेर्दा राम्रै थियो नि तर बानी नदेखिने
के थ्यो बिगत उस्को कहाँनी नदेखिने

कथा व्यथा गाथा उनकै सुनिदिउ जस्तो
उनलाईनै जिबन साथी चुनिदिउ जस्तो

तानाबाना मिलाएर अल्मल्याउदै आफैसंग
मिलाएर आधा आधा उनिदिउ जस्तो

हरेक पल हरेक क्षण मुटु भित्रै सजाई राख्न
कोठा भित्र हुदा झ्याल थुनिदिउ जस्तो

लाखौ लाखमा एक उनि रोजाइमा पर्दा ,लाग्छ
जुनी जुनी सयौ जुनी ,जुनीदिउ जस्तो

पर पर अलग अलग -अलग अलग कति हिड्नु
माया जाल नफुत्किने बुनिदिउ जस्तो