करन बिवश

हजारौ बहानामा मनमुटु, लुट्छन मान्छेहरू
आफ्नैलाई फसाउन जाल, बुन्छन मान्छेहरू
ए मानव अब हरेक पलपल बन्नुपर्छ होसियार
हरेक क्षण बिरोधका निम्ति, जुट्छन मान्छेहरू

१)
तीजमा पनि र्‍याप गीत पो,गाउँन थाले आजभोलि
गरगहनाले शिरदेखि पाउसम्म,छाउँन थाले आजभोलि
हातेमालो गरेर बचाउनु पर्छ, हाम्रा मौलिक सस्कारहरू
नयाँ पनसँगै कयौं विकृतिहरु,आउँन थाले आजभोलि ।

ए कलियुगे मानव पत्थरमा, किन फूल चढाउँछौ
भन त तिमी कस्का निम्ति, त्यो बृद्धाश्रम बनाउँछौ
वर्षको एकचोटी ईलेक्ट्रोनिक मिडियामा फोटो राखेर
बाको साथमा बस्नु छोडी, किन ‘फादर्स डे’ मनाउँछौ

गाउँ पस्दा नेता बाँझो, त्यो खेतको आली हेर्न लाउनु
फुटेका चुरासँगै नारीको, त्यो सिउँदो खाली हेर्न लाउनु
नेताको स्वागत मात्र गर्ने हैन, हरेक जन-जनका पीडासँगै
दिनहुँ पेट भर्ने जनताको, त्यो भातको थाली हेर्न लाउनु

कुन्नि खै के भो,तनाव छ अचेल
औषधीमा मात्र,लगाव छ अचेल
यी डक्टरले नि,के-के देखाउछन्
ज्यानमा नराम्रो,प्रभाव छ अचेल

© करन, बिवश
धनगढी, कैलाली

सामाजिक सञ्जालमा नि, चुनावी प्रचार के गर्नु र बाबै
लेखेर चुनावी नाराहरु, सोसल साईट नि के भर्नु र बाबै
जितेर आफ्नोपराई हेर्छन, नेता त सिंहदरवार छिरेपछि
के देश बनाउलान ए हजुर, यी नेताको भर के पर्नु र बाबै

हरेक दिन हजारौ युवा
खाडी भूमि हानिदै छन
मिठा-मिठा सपनाहरू सजाएर
भविष्यको सुन्दर कल्पना सँगालेर
कमाउनलाई धन भनेर
राम्रो लगाउन मिठो मसिनो खाने

मेरो जिन्दगीको लक्ष्य
मेरो एउटा सपना
जीवन जिउने आधार शीला
मन भित्रको आशा
हो
त्यही आशा
जीवन जिउने

बिरक्तिएर जिन्दगीमा रमाउनु पर्छ कहिलेकाही
आशुं थोपा मै परेली सजाउनु पर्छ कहिलेकाही

यस्तै यस्तै नियति पर्दाका पीडा सहन गरेरै
जलेको मनमुटु नी हसाउनु पर्छ कहिलेकाही

रोदन मै बाच्नु पर्दा आसुमा डुबेकै छ जिन्दगी
नयनहरु बर्सिदा अचेल बहरमा लुकेकै छ जिन्दगी

सधैं जसो मन मुटु भरि धसि-धसी छुरी धारहरु
शुन्याताको गन्तव्यहिन यात्रामा पुगेकै छ जिन्दगी

जिन्दगीका रङ्गहरु खुसी बहारमा भेटिन्छन
जङ्गलका ढेडु बादरहरु सरकारमा भेटिन्छन
नेपाल भूमी दिन प्रतिदिन सुनसान बन्दै गइरहेको छ
नेपाली मन मुटुहरु खाडी भूमी दुबै कतारमा भेटिन्छन..

तिमी भन्दा पहिला म मरे भने, तिमीलाई राम्रो लाग्छ र…?
फूल्न नपाउदै तिम्रो बगैचामा झरे भने, तिमीलाई राम्रो लाग्छ र…?
मेरो त वास्तै गर्दिनौ रे सुन्दैछु, निष्ठुरी हुँदै छौ रे तिमी अचेल
छिट्टै यो धर्ती बाट अन्त कतै सरे भने, तिमीलाई राम्रो लाग्छ र…?

१)

जिन्दगी यो कहिले त दियो झै जल्दो र’छ
जीवन यात्रामा कही कतै हुरी नि चल्दो र’छ
सोचे झै मनका हरेक रहरहरू पुरा हुनै लाग्दा
अन्त कतै गन्तव्यको बाटो पूरै नै बदल्दो र’छ

सारा नेपालीका घरबास, उडाएर के पाउदैछस् दैव
हरेक पलपल सपना सारा, ढलाएर के पाउदैछस् दैव
हामी सबैलाई जवाफ चाहियो, ए निष्ठुरी निर्दयी दैव
यसरी दिनका दिन यो, भूमि हल्लाएर के पाउदैछस् दैव ।

मेरो भूमि आज भक्कानिएर रोइरहेको छ पलपल
यो कस्तो पीडा ? आसुले नै मुख धोइरहेछ पलपल
यो भूकम्पीय तमासा कति देखाउछस ए निष्ठुरी दैव
हरेक बस्तीहरूमा पिडैपीडाले छोइरहेको छ पलपल

आज आम नेपालीको
तन मनमा
भूकम्पीय त्रास छाएको छ
आयो-आयो भूकम्प आयो रे
चारैतिर हल्ला छाएको छ
चोक-चोक र गल्ली गल्लीमा
भूकम्पको चर्चा चलेको छ