तारा प्रसाद चापागाई

अंध्यारो कुना
पाप त्यो कोचिएर
कठ्याङ्ग्रीदै छ ।

ब्याकुल छन
उज्यालोको खोजीमा
शहिदहरु ।

मार्ने र मर्ने
दुवै शान्तिका दुत
फरक दृष्टी।

गुलाफ चुम्ने रहरहरू पलाँसले गयो
यति राम्रो लोर्के जोवन दाउरा घाँसले गयो

जता हेर्छु अन्धकार छ बिहानी त हुने कहिले
दुःखपछि सुख पाउने आसै आसले गयो

सवालः एक्लै छोडी पराई देश नजाउ ल कान्छा
चाँडै फर्कि आउने बाचा गरिदेउ ल कान्छा

जवाफः तिम्लाई छाडी पराई देश कतै भा छ नभन्नु है
बाचा भयो एक्लै टाढा कतै भा छ नभन्नु है

(१) प्रतिक्षाको अन्तिम घडी हेर्न आउदैछु
तिम्रो इच्छा चाहनालाई फेर्न आउदैछु
बचन दिन सक्दिन म दुःख पिडा हर्ने
तर न्यानो अंगालोमा बेर्न आउदैछु ।

१. चोखो मायाँ संगालेर मुटुभित्र साँचु लाग्यो
माया प्रेमका कुरा गरी सधै भरी हाँसु लाग्यो
निराश भई बाँच्दै थिएँ एक्लो यो जिन्दगी
अचानक तिमी आयौ जुनीजुनी बाँचु लाग्यो ।

१. हे ब्रम्हदेव
नबढाई दे अझै
आयु रातको ।

२. बेचैन भएँ
निष्ठुरीको यादले
सिरानी धोएँ ।

सदा दुःखी म त हजुर लुटिएको मान्छे
आफन्तको हातबाट नै कुटिएको मान्छे

हिडन खोज्दा ठेस लाग्छ अघि बढौं कसरी
यस धर्तिमा नउम्रिदै ठुटिएको मान्छे

दशै तिहार के को पर्व भोरमा परियो
बन्दी जीवन बाख्रा बाँध्ने खोरमा परियो

परिवर्तन
चमत्कारी दुनियाँ
बाँचे देखिन्छ
मानिस अघि अघि
संसार पछि पछि ।
chapagain_t@yahoo.com

सपनीमा आउने गर्छु आँखाहरू लोलाउँदा
आफूलाई नै बिर्सिदिन्छु तिम्रो यादमा टोलाउँदा
भाग्यमानी ठान्छु आफूलाई साथ तिम्रो पाएँ भने
भुतुक्कै पो हुन्छु मनको दैलो खोली बोलाउँदा ।

जेलको कालो रात पनि भुली दिएँ तिम्रो यादमा
छाती चिर्ने बात पनि भुली दिएँ तिम्रो यादमा

मुटुभरि चोट लुकाई बाध्यताको हाँसो देखाई
पराईको लात पनि भुली दिएँ तिम्रो यादमा

आफ्नो अनि बिरानो पन घाम अनि छायाँ जस्तो
दुस्मनको जात पनि भुली दिएँ तिम्रो यादमा

दुई थोपा आंसु हैन गुन माग्छन शहिद
अंजुलीभर पानी हैन खुन माग्छन शहिद

भाई भाई आपसमा तंछाड मछाड धेरै भयो
मेलमिलाप र मातृप्रेमको नुन माग्छन शहिद

(१) नयां बर्ष यो
मृत्यू बोकेर आयो
उमंगसँगै ।