पद्मराज काफ्ले

जन्म दिन परेको छ शुभ नै शुभ जीवन,
कति बिते र बाँकी छ कति गुन मनैमन ?

रवि शशि घुमी धेरै मार्ग पूरा गरी सके,
उनैले सबको काया क्षण क्षण गनी सके!

घट्यो सब्को दिनै आज गर भलो छिटै ज है,
सुयोग्य नाम राखेर इतिहास बनाऊ है ।

हो नेता बन्ने बनाउनेको
नेपालैमा कार्खाना खुलेको ।
कार्खानाको साँचो त्यो खोली
भित्रै पस्ने बाटो त्यो उकालो ।

गोँजी भारी पारी राष्ट्र द्रव्य
खाई पेटै फुट्ने साह्रै देखी ।
बाँडी खाने इच्छा राख्ने लाई
पत्रै लेखी आमन्त्रणै गरे नी ।

तिम्रै नाम जपिसकेँ
तिम्रै शरण परिसकेँ
जतिसुकै लुके पनि
बादलमैँ घुसे पनि
चन्द्रिका ! वायु बनी हेरिसकेँ !

‘हली ऊड हील ‘ डाँडो
‘एन्जलहरू’ नाच्ने डाँडो
अर्ध नग्न खुल्खुले डाँडो
अग्लो हील नाच्ने डाँडो
ओ हो ! अर्ध नग्न नचाउने डाँडो !!

विन्दु विन्दु मिलेरै त बनेका अक्षरै पनि
अक्षर मिलि आपस्मा बनेका शव्द यी पनि’

यिनै मिलि बनाए ती स्वरलाई नजीक नी
स्वर शव्द मिली बसे सुन्दर बन्छ गीत नी!

गीत पस्छ मनै भित्र बन्छ नयनतारा नी
सपनीमा जुन बन्ने विपनीमा विलाउनी !

योग पछि वियोगै नै, नभएको कतै छर?
जन्मपछि त मृत्यु नै , नभएको कुनै छर ?
आएपछि सदा बस्ने, विश्वमा नै कुनै छर ?
पुनर्जीवन सिद्धान्त , नमान्ने हिन्दु हुन्छर ?
रातपछि दिनै हुन्छ, दिन र रात हुन्नर ?
यही जीवन चक्र हो ,असत्य हुन शक्छर ?

उषा तिमी सवैको विहानै घरमा सदै ।
आएर झ्यालबाट नै चियायी अदृश्य सदै।

पछिपछि सूर्य तिम्रो मुहार हेर्न आतुर।
लुकेर छठमा जान्छ्यौ खोज्दै छन् जल किनार।

पूर्व पश्चिम सवै नै नदी नाला सरोवर।
हेर्दै गएर नदेखी जलाशय कतै तिर ।

योग- वियोग जीवन चक्र

हो अक्तूबरको बाइस दुई हजार सत्र नै।
कार्तिक पाँच नै गते भयो बेला त फर्कने।

कलेज स्टेशनै केन्द्र उपस्थित सवै रहे।
बालिका बाल नारी ती भेला त्यहाँ सवै भए।

सैन ऐन्टो नियोका र अष्टिनका सवै गई।
कलेज ष्टेशनैमा नि भयो नि भव्य विदाई।

इन्दु गौरी र कान्ता ती महेश अनि पूर्ण नी।
भयौँ भेला सवै त्यहाँ विमलको घरैमा नी।

समीक्षात्मक सन्दर्भ पारिवारिक काम को।
कुराकानी भयो त्यहीँ वियोग हुन लागियो ।

कान्छो त्यो नाति हेर्दै छन् मुहारमा बुवा भनी ।
नातिनी अनिका नि जान्छु नेपाल म पनि ।

संयोग पछि पक्कै नै वियोग हुन्छ नै सदा।

नेपाली पुग्दछन् जाहॉँ, पुग्छ नेपाल नै पनि । भन्ने देखिन्छ साँच्चै नै, अम्रिका देशमा पनि।… Read More »अमेरिकामा द्यौसी-भैलो

अमेरिकी जीवनचर्या

बिहानै नर नारी र, केटा केटीहरू पनि ।
आ-आफ्नो काममा जान, सावधान हुने अनि ।

केटाकेटी सवैलाई ,खानपान दिई कन ।
विद्यालय पठाऊँन, छ आतुर सवैकन ।

बालक बालिकालाई, सातै बजे छ पुग्नु त।
पढाउन विद्यालयै, नपठाई भएन त ।

विद्यालय नजानेका,बाबु आमा ज दण्डित।
हुनुपर्ने रहेको त्यो, कानून हुन्छ खण्डित ।

पुर्याउन कसैलाई,कसैको बस आउँछ ।
कसैको छैनआऊँने, पति वा पत्नि जानु छ ।

बच्चा सानै भएमा त, हुने अधिक त्रास नि ।
बच्चा हेर्न बसेमा त , कामै छुट्ने डरै छ नि ।

प्रतिक्षण स्वच्छ हावा पाइराछु,
रसायनरहित सबैकुरा खाइराछु,

लस्भेगस (अमेरिका ) – यात्रा

स्यान अन्टेनियोबाट , आयौँ अष्टिन कारमा।

उडीयो अष्टिनबाट , चढेर वायुयानमा ।

फ्रन्टिएर उठ्यो माथि, बोकी श्वान र मानिस।

बादल भित्र आकाश, पुर्यायो लस भेगस।

बसेर बसमा कारै, पार्किंड. पुगियो तब ।

चढेर कार भाडाको , प्याराडाइज होटल ।

केही विश्राम गरेरै ,खाना खाएर नै हिड्यौँ ।

भेगस कारमा कुन्नी , कुन कुना पुगी सक्यौँ ।

नतातो नचिसो कार, सुस्त सुस्त गुडी कन।

व्याख्या गर्दै सवै नाति, आफै तल्लिन देखाउन ।

रामदेवको प्राणायाम

प्राणायाम गर भनेर ,नाकै बन्द गर्न सिकाए ।
नाक बन्दगरेर लामो श्वास फेर्न अह्राए ।

नाका बन्द गरी पेटमा आगे बाल्न लगाए,
नाभीको अग्नि दन्काई जीऊँदै कति जलाए ।

निराहार व्रत बसी करड. पेट टाँस्न लगाए
पेट खाली राखी सातै चक्रमा ध्यान गराए ।

अन्न पानी औषधी प्राणरक्षक बस्तु रोकी,
मूल पेट जालन्धर पनि त बन्ध गराए ।

अहोरात्र बसाली ग्याँसको ध्यान गराए,
यस्तै गरी स्वर्गमा पुग्ने मार्ग नै देखाए ।

कोशी गन्डकी कर्णाली हाम्रा प्राण ताकी,

जस्को कतै घरै छैन, धमिरा कहाँ बस्छ र ?
प्रेमी जस्को छँदै छैन, वियोग कहाँ हुन्छ र ?

श्वर ज्ञान झिनो नै छ, कसरी बज्छ बाँसुरी ?
जस्को त ब्याग नै छैन, सुको नै पस्छ कसरी ?

ध्यानमा मग्न नैआत्मा, कसरी त्यो अशान्त छ ?
गन्दगी नै जहाँ छैन, झिँगा त्यहीँ कसरी छ ?

हिन्दुत्व संरक्षण
( अमेरिकामा )

हिन्दु मन्दिर राम्रो छ, मूर्ती उतै बनेछ नि ।
तुलसी पिपलै रोपी, आउने वासना पनि ।

पूजा पाठ सदै हुन्छ,कैले होम हुने पनि ।
परिसर बगैँचा नै, पुष्प विबिध छन् पनि ।
,
निवारणार्थ प्रदोश, पूजा पनि सदै गरी ।
सकेसम्म हुने भेला ,नर नारी सदै भरी ।

बालक बालिकालाई, गीता समेत कण्ठ नै ।
शिक्षा नैतिकको दिई, ज्ञान दिने सनातनै ।

मात्री भाषा सकेसम्म ,सिकाउने यहाँ पनि ।
नजाने पनि लेख्नै त, बुझ्न सक्ने सवै तिनी।