आदित्यको नमस्कार प्रतिदिन बिहानिमा,
बल वीर्य सदा तेज बढाउने शरीरमा।
प्राणायाम छ भस्त्रिका अनुलोम विलोम नै,
आयु बृद्धि सदा गर्ने पाचक अग्निसार नै।
स्वास्थ रक्षक राम्रोछ कपाल भाति उत्तम,
प्राणायाम सवै गर्न , पद्मासन छ उत्तम ।
ध्यान छित्रिन्छ हल्लाले एकान्त उत्तमै हुने,
उत्तम ध्यान हुने नै शून्य हृदय नै हुने।
काष्ट मण्डप मन्दिर्मा, गुरुको जन्म उत्सव,
शिष्य शिष्या भए भेला, सिंगारे खूब सुन्दर।
आकाश वायु माटो र, आगेा पानी रहे तक,
गुरु शिष्य हुने एक , भूमण्डल रहेतक।
निजलाई निजैले नै, गर्छौँ दर्शन ध्यानमा,
योगपछी वियोग त,अवश्य हुन्छ विश्वमा।
पश्चात्ताप किन गर्नु, भयो वियोग बन्धु को
गुरु कृपा सदा हुन्छ, समाऊँ ज्ञान मार्गको ।
पशुपति महादेव तिमी नेपाल पालक,
हाम्रो रक्षा सदा गर्छौ शान्ति माग्दछ बालक
पशुपति तिमीलाई नम: शिवाय भन्दछौँ,
आमा बाबु कता तिम्रा भनन सुन्न खोज्दछौँ।
पुत्र गणेश जेठा हुन् कान्छो कुबेर भन्दछन्,
पत्नी हिमाल पुत्री हुन् पार्वती सव जान्दछन्।
ब्रह्मा विष्णु महादेव बनायौ अति सुन्दर,
मिलेर तीन भाइले हाम्रो जगत सुन्दर ।
तिम्रै नै फुलवारीका हामी विविध फूल हौँ,
माली रक्षक हाम्रा हौ देऊ आशीष माग्दछौँ।
टुप्पैमा रूखका हाँगा, काग बथान नै बसी,
स्वर कर्कस काँकाँ ती, सन्ध्या काल सदैगरी ।
छहराका लता हाँगा, बारिका रूखमा पनि ,
चराका गुँडमा हुन्थे , च्याँच्यॉ गर्ने चल्ला पनि ।
स्वर सुनेर बच्चाको, आउँथी माउ बेसरी ,
ठोँडमा अन्नको दाना ल्याएर खान त्यसरी ।
माताको ममता हेर, आफू भोकै भए पनि,
अन्न दाना कतैबाट, खोजेर ख्वाउँछन् तिनी।
दामोदर कुण्ड
हिमालमाथि आकाश, ठूलो निर्मल कुण्डमा ।
मीटर पाँच हज्जार, आठसय उँचाइमा ।
शिव रक्षित नेपाल, शीतल जल सिन्चित ।
स्वर्ग सोपान अग्लोमा, हिमचुली छ छादित।
दामोदर्कुण्ड बीचैमा,जहाँ शिव निवास छ।
किल्ला उत्तर नेपाल, मुस्ताड भनिने ज छ ।
त्यही नेपालको जिल्ला, हिमालपारि एक छ।
यही हो बलियो दुर्ग, प्रकृति शिर ताज छ ।
उच्च हिमाल टुप्पैमा, मनमोहक ताल छ ,
गणेश सहितै आद्या, शिवा-शिव निवास छ।
सरोवर छ नीलो नै, दामोदर्कुण्ड सुन्दर ।
शिव-शक्ति निवासैमा,,गणे़श शिव सुन्दर।
विश्व माता पिता हाम्रा, पुष्पान्जलि सदैभरी,
धूपदीप छ नैवेद्य , शुद्धजल घडाभरी।
सम्युक्त कर बाटै नै, वन्दना शिव पार्वती ।
श्रीगणपति नै हाम्रा, हे वन्दनीय भूपति ।
प्रेमोपहार रानी को छ कृष्णा गण्डकी तट,
ताज महल आग्राको सदृश यमुना तट।
उता मुगल शाहीले राणा शासकले यता,
उताको हो चिहानै त्यो सपत्नी छन् पुरिएका।
रानी महल पाल्पाको स्थित छ गण्डकी तट,
यातायात भए राम्रो हुन्छ वृद्धि पर्यटक ।
जलचर जलैमा ती उफ्रेर नाच्दछन् पनि,
मत्स्यासन गरी त्यहीँ मत्स्यन्द्रनाथ नै पनि।
बनचर नगीचै नै सुनिन्छ गीत नै पनि,
कोइली सुरिलो गीत चखेवा नाच्दछन् पनि।
कोहो कोहो भनी सोद्छन् टाढैबाट तिमीसित,
टलक्क टल्कने काली हुरूक्कै नै तिमीसित।
चन्द्रलोक पुगेरै नै , अत्याधुनिक यानमा ।
चाँडै फर्कन्छु भन्दथ्यौ , गुन्जन्छ स्वर कानमा।
उतै घर बनाएरै , बसोबास गर्यौ किन ?
यता त्यागी उतै तिमी , माया मारी बस्यौ किन ?
उडी भूमण्डलैबाट, चन्द्रलोक पुगीकन।
आत्मा छाडी उतै फर्क्यौ, स्थूल मात्र यता किन ?
यन्त्रशाला यता नासा, प्रत्येक चाँदनीसित।
खै मेरा प्रिय यात्री ती ,भन्दैछ चन्द्रमासित।
क्रिष्चीको नयाँ वर्ष : शुभकामना
नयाँ यो वर्ष क्रिश्चीको स्वागत गर्न तयार,
बित्यो सत्र गयो टाढै देखाउँदै मतियार।
राम्रै गर्यो चुनाऊ त यही वर्ष सुरू भयो,
पूर्णता त नयाँले नै गर्नु पर्ने पनि भयो।
पाँच प्रतिशतै नै ज थ्रेस राख्नु पर्ने थियो,
बलिया सवै सप्रन्थे झार उम्रन्न नै थियो।
दलले नै बनाएको दलीय सम्विधान हो ,
मुटु नै त दलीयै छ , शिर निर्दल हुन्न हो !
असम्भव भनी जान दलमा पति निर्दल,
दलैमा अडिएको छ उनको प्राण निर्भर ।
टेन्डर आह्वान
मुटु छेँड्ने चिसो शीत , उक्ली सकेछ माथि नै ।
झर्यो हिउँ हिमालैको, तीव्र वायु छ साथ नै।
ताप शून्य भयो झर्यो, सुकुर्सुकुर्गरी जल।
मूल फुट्यो दुवै नाक, झराले ती भलै-भल।
दिउँसै सिरकै ओडी, भ्रामरी गर्छ नासिका ।
सिम्हासनसरी हाच्छ्यूँ , बिर्सन्न गर्न नासिका।
आँखा नाकबने स्रोत, जलाधार विद्युतको।
डाक्टर टेन्डरै हेर , म्याद छ सात दिनको ।
पुस ३, २०७५।
