सुन्दर अल्पभाषी

तारे भीर
भीमकाय आवरण बनेर
उभिदिन्छ जिन्दगी छेउ
किरिङ्-मिरिङ्
अक्षरका धर्साहरू
धमिलो स्पर्ष बनेर
मधुरो ऐनाभरि
जिन्दगीको पदचाप

म एक हूँ कहाँ पाउछौ हजारमा
चिहाएर हेर कतै छू तिम्रो नजरमा

कति बन्नू दुई किनार नदीको
आऊ राज गरौ दिलको शहरमा

सारै महँगो रहेछ तिम्रो माया
खारिद बिक्री गरौ बजारमा

१)
देऊ सपना
हेरिदिऊँला आत्मा
प्रेम-प्रवाह

२)
साउन पन्ध्र
खीर खाने समय
आत्मीयताको

१)
कृष्णको लीला
प्रेमतरंगको रंग
गोपिनी राधा

२)
पाप र धर्म
मौनतामा स्पन्दन
पवित्र छैन

कतै शहरसँग डर लाग्छ
तिम्रो रहरसँग डर लाग्छ

आउन त मन लाग्छ समीप
तिम्रो घरसँग डर लाग्छ

जति समीप आत्मीयताको
त्यो स्वार्थी भरसँग डर लाग्छ

१)

तिहार आयो
मखमली फूलेन
क्षितिज पारी
२)

काग तिहार
बेलको रूख छेउ
काग करौछ

१
लाइनसँगै
लाइन बसेको छ
तिहारहरू

२
नाका नजिक
अर्को नाका खोज्दैछन्
सम्बृद्धिहरू

१)
असोज तीन
अपरिभाषित रे
संबिधान त्यो

२)
आगो लगाई
दीपावली मनौ’छ
आक्रोशमा ऊ

लामतन्न सडक छेउ
बसेको छ केही
पुरानो पात्रो
र केही पुराना कपी
र कलम
केही अक्षता
एउटा बुढो आकृति
नापिरहेछ प्रत्येक पैदल यात्राुको पाइला
वर्षौँदेखि
एउटा ग्रहको प्रतिक्षामा
सहेर घामपानी

साँझ छ र त बिहान छ
लिपि भाषा छ र त पहिचान छ
बचाई राख इतिहास सत्यको
शिर ठाडो पर्ने सम्मान छ

यहाँ रुने हजार छन्
एक्लो हुने हजार छन्
लाखै सपना जाग्छन्
दिल छुने हजार छन्

१) आषाढ पन्ध्र
जिन्दगीको रोपाइँ
हर मौसम
☆☆☆

२) रौनक एक
आवरण अनेक
एकदेशमा
☆☆☆

१)
मायाकाे बैश
अाेइली झर्याे त्यसै
फुल्न नपाई

२)
त्याे कंकालमा
पुरियाे पहिचान
खाेज्नु छ अास्था

१)
बाढी पहिरो
स्खलित भूमण्डल
बिछोडिएर

२)
जाति संकट
तमोरको ती माछा
माझी बिचल्ली

वसन्त ऋतु
पल्लवी मुस्कानमा
फुल्छ शिरिष

☆☆

वादलु घुम्टो
ओढेको छ कन्याम
लाजले हो कि

सदा अटल शिर हिमाल छ
सुन्दर शान्त देश नेपाल छ

हिमाल हाँस्छ पहिलो किरणसँगै
गुराँससँगै फूल्ने मायाजाल छ

मोती फूल्छ अलैचीको पातमा
नया उमंग नयाँ नयाँ साल छ

आकाश रोयो
सगै वशन्त ऋतू
पृथ्वी तल

★★

कुकूर रोयो
अधेरी त्यो रातमा
सूनसान भो

काग करायो
त्यो पैयूँको हाँगामा
एकाबिहानै

★★

लालीगुराँस
मुस्कुराउन थाले
तीनजुरेमा

जन्डिसले खाएको
पहेलो घाम
तीनजुरे देउरालीमा
आत्महत्या गरेपछि
-कति खुशी गुम्यो होला ?
-कति दुख लुक्यो होला ?
-कति हर्ष मैलायो होला ?

जोडी परेवा
देह त्याग गर्छन
मौन आकाश

☆☆

सुशेली हाल्दै
सभ्यता स्वतन्त्रको
तमोर नदी

तिमीबाटै
असुरक्षित भएपछि
त्यागेको हुँ
तिम्रो रक्षाबन्धन
र जनैको जन्जिर
छाडेको हुँ
जनवारको जलले
लिंग अभिषेक गर्न