राजेश रुम्बा लामा

शान्तिको बिगुल फुक्दै
सारा नेपाली नाँच्ने दिन,
आफ्नै ठाउँमा पसिना पोखी
निर्धक्क मनले हाँस्ने दिन ।

जहाँ फुले नि, बनमा फूल,
भमराले, चाल पाउँछ,
धेरै घमण्डी नगर मैच्याङ्,
मेरो पनि ताल आउँछ !

भनेको कुरा टेरिनौ,
फर्केर मलाई हेरिनौ,
सम्झियो आफैंले मै रानी,
कसैको नभा’ जवानी,

कमाउन नि कमाएँ बूढा,
मोटाउन नि मोटा’ छु,
समय अनुसार चल्ने पर्यो
कपाल पनि छोटा’ छु!

तिम्रो जीवन थम्थामैर
‘बाँच्न’ मन थियो मलाई पनि,

उजाड जीवन देखी देखी
बहार तिमी ‘खोज्छौ’ किन ?

जिउँदै मरेतुल्य छु म
तिखो बाणले ‘घोच्छौ’ किन ! ??

बिर्सियौ तिमीले मलाई सम्झिन
भुलेछौ मासुको चोक्टा र रक्सीको घुट्कोमा,
रम्दै होलाऊ अँझ,तिमी साथी-संगी सँगै
लिङ्गे पिंङ्को झट्कोमा !

न अट्कोस मासुले,न सर्कोस रक्सीले,
जति नै चोक्टा र घुट्को पिए नि,
न चुँडोस ती लिङ्गे पिंङ्को डोरी
जति नै झट्का तिमीले लिए नि !!

दशैंमा मार हान्न उदाएका
खुकुरी झैं हाँस्नु तिमी,
ती निर्दोष पशुहरूको रगत बगे झैं
मेरो आँसु बगे पनि।

गारो भयो टाढा बस्न
तिमी सङ्गै आउछु सानु,
चहिन्न भो हरियो डलर
आफ्नै ठाउमा अन्न बाली लाउछु सानु !

पहिलो भेटमै हाँसिन् उनी
म नि ‘हाँसी’ दिएँ,
नाता गाँस्ने चाहना देखें
त्यो नि ‘गाँसी’ दिएँ !
त्यति मात्रै कहाँ हो र ?
च्याँखे थापिन् जवानी,
म पनि के कम थिएँ र ?
आफ्नै जवानी ‘मासी’ दिएँ!!

बसन्तले साथ नदिए
फूल कहाँ फुल्थ्यो होला,
पौरखी ती हात नभए
धान कहाँ झुल्थ्यो होला !

ए साथी …… पिर व्यथा टाढा राखी मिठो बोलि हाँसौ साथी, सुख दु:ख बाँच्ने आधार… Read More »ए साथी ……

बर्ष दिनको तीज आयो, सम्झना चेलीको
पोहोर साल जस्तै लिन जान्थे, नियतिले खेलिगो !

लिन जाँदा चेली आउँथिन, सारै रमाई रमाई,
एउटा हातमा झोली बोकी, अर्कोले सारी समाई !!

लिलामी छ यो मन मेरो, कोहि छ भने “भने” हुन्छ, गहिरहिमा डुबी रहन्छ सक्छौ भने… Read More »लिलामी छ

ज्यो-ज्यो आले याङ्बा तिम्री याङ्जी
ख्लाङ्जी छ्याम्-छ्याम् नेसी,ख्रासी,
ज्यो ज्यो आले ला जे रो थे तिम्
ङ जा निदोबा रो थे ख्लासी ।

मे फुइ बा देन, धुलो स्यन्ग्बदा
अतनी रो हलान्नु,
धारेंग तजी आमा आपा ला
ङ् गी मुबला जा कोल्लानु !

वारी गाउँदेखि पारी हिमाल हाँस्ने
बिचैमा त्रिबेणी,
माथि है पाखा मृगले नाच्ने
गीत गाउनी सेर्पेनी !

मेरो पाखा बारी…..हो.. मेरो पाखा बारी,
सिरू-पाती फुल्यो रे,
अन्न, बाली खाना नपाई
दिउँसै मुसा डुल्यो रे !

जलश्रोतको धनी मेरो देश नेपाल
२ घन्टा लगाई पानी भरी ल्याउनुछ,

हामी नेपाली……..
हामी आफैले गर्न खोज्दैनौ
डाहा गर्छौ अरुले गर्दा पनि,
आदर्श बाण गफ दिन्छौ मुखले खुप,
हेर्दै नौ एक अर्का मर्द पनि !

बरु मुकदर्शक बनेर हेरी बस्छौ
नेपाली जातिलाई पर्दा पनि.
पशु समान व्यवहार हामी नेपालीलाई
बैरीले मन लाग्दी गर्दा पनि !!

तान्न खोज्छौ खुट्टा हामीले
बढौन खोज्यो भने कसैले पाइला,
नाङ्गै होस् या भोकै होस् अरु
भर्न खोज्छौ आफ्नै मात्र थैला !

यस्तै

मेरो ढका टोपी हजुर मेरै खुकुरी, चन्द्र,सुर्य झन्डा बोक्ने मेरै पाखुरी ! मेरै ढका टोपीले… Read More »मेरो ढका टोपी,,,,,,,,मेरै खुकुरी,