पैतालाको धुलो सम्झी


पैतालाको धुलो सम्झी
खुट्टाले नि किच्न सक्छौं ।
हामी तिम्रो लगाम हैं
चाहेजति खिच्न सक्छौं ।।१।।

आफ्नो शक्ति जमाउन
परदेशीको भक्ति गर ।
कमाउँदै मुटु आफ्नो
सीमा छोडी ओर सर ।।२।।

आत्मा बेची रमाउँछौं
बैरी खुट्टा थिच्न सक्छौं ।
हामी तिम्रो लगाम हैं
चाहे जति खिच्न सक्छौं ।।३।।

आफैं आफैं कुटामारी
गरी देश चलाउँछौं ।
भ्रष्ट्रचारको बोट रोपी
देशमा पैसा फलाउँछौं ।।४।।

अगाउँन्जेल घिच्नु अब
डकारी पेट् मिच्न सक्छौं ।
हामी तिम्रो लगाम हैं
चाहे जति खिच्न सक्छौं ।।५।

स्वच्छ थियो राजनीति
हेर्दा हेर्दै गन्धा भयो ।
मातृभुमि बेची खाने
दाजुभाइको धन्दा भयो ।।६।।

बैरी सीमा मात्र किन
पुरै देश धिच्न सक्छौं ।
हामी तिम्रो लगाम हैं
चाहेजति खिच्न सक्छौं ।।७।।

पैतालाको धुलो सम्झी
खुट्टाले नि किच्न सक्छौं ।
हामी तिम्रो लगाम हैं
चाहेजति खिच्न सक्छौं ।।…….दर्पण

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *