भूपेन्द्र महत

20120103_BhupendraMahat_News-02

अनेसास कोलोराडोद्वारा भीमनीधि तिवारी सतबार्षिकी समारोह तथा साहित्य संगम सम्पन्न

  • by

साहित्यकार भीमनीधि तिवारीको सतबार्षिकीको सु-अबसर पारेर अन्तराष्ट्रिय नेपाली साहित्य समाज (अनेसास) कोलोराडो चाप्टरले नियमित कवि गोस्ठी “साहित्य संगमलाई” निरन्तरता दिनुको साथै भीमनीधि तिवारीको तस्बिरमा माल्यार्पण तथा पुष्प गुच्छा चढाई भाबपूर्ण श्रदान्जली अर्पण गरी मनाएको छ ।

  •  
  •  
  •  
  •  
  •  
  •  
  •  

रपल हरघडी हिँड्नै पर्ने यो टेडो जिन्दगी

  • by

हरपल हरघडी हिँड्नै पर्ने यो टेडो जिन्दगी
चाहेर या नचाहेरै बग्नु पर्ने गल्छेडो जिन्दगी

कति बुने सपनाका घरहरू बिपनामै टुटे
एउटा सोच्यो अर्को हुने कस्तो रैछ बखेडो जिन्दगी

  •  
  •  
  •  
  •  
  •  
  •  
  •  

उज्यालो नै देख्न नपाई रात हुन लाग्यो रे

  • by

उज्यालो नै देख्न नपाई रात हुन लाग्यो रे
भर थियो तिम्रो कुठारघात हुन लाग्यो रे

कलियुगको राम राज्य यस्तै हुँदो रैछ कि
सुन्छु चोरलाई चौतारीको बात हुन लाग्यो रे

  •  
  •  
  •  
  •  
  •  
  •  
  •  

शुभ होस दशै

  • by

शुभ होस दशै भन्दै कति रटनु पट्टु सरी
भोक र रोगले सुकेको छ पेट यो टट्टु सरी

खेर गयो पोहोर पनि शुभकामना दशैको
शान्ति कता पुग्यो बोली भो मेरो छट्टु सरी

  •  
  •  
  •  
  •  
  •  
  •  
  •  

रात ढल्दै गयो म गल्दै छु

  • by

रात ढल्दै गयो म गल्दै छु
तिम्रो यादमा फेरि जल्दै छु

तिमी बदली सकेकी छ्यौ
म किन मनलाई छल्दै छु

तिमी बिना गन्तब्य कहाँ
बेहोशीमै कताकता चल्दै छु

  •  
  •  
  •  
  •  
  •  
  •  
  •  

सबैतिर लुटिएपछि, आँखाबाट पोखिएँ म

सबैतिर लुटिएपछि, आँखाबाट पोखिएँ म
दुई कदम सँगै हिँडेथे, बेसरी ठोकिएँ म

जिन्दगी तिमी साथ हिँडोस यही चाह थियो
तिमी बेग मारी कता पुग्यौ, बिचमै रोकिएँ म

कहिले रत्न भए कहिले पथ्थर यस्तै भो
अनुरागमा दाग लाग्यो कौडिमा तोकिएँ म

  •  
  •  
  •  
  •  
  •  
  •  
  •  

ग्रह दशा बिग्र्यो क्यारे

ग्रह दशा बिग्र्यो क्यारे, देशलाई राहु केतुले छोको छ
लौन धामी झाक्री, डाम्न पर्‍यो देश डस्ने कोको छ

लुतो खोरेत के हो कुन्नि, टन्की रहने कस्तो महामारी
फुटाऊ आऊ अब, देशभरि पाप भरिएको फोको छ

गिदी कुहिएपछि टाउको के काम, खाली गनाउँछ
फाँकौ अब साथी, यहाँ धेरै सडेका बिचराको पोको छ

  •  
  •  
  •  
  •  
  •  
  •  
  •  

सेवक हाजिर छ

सेवक हाजिर छ जब हजुर बोलाइसिन्छ
बैंशमा यस्तै हो मैसाप किन टोलाइसिन्छ

के के गर्न जान्या’ रैछ यो गरीबले नि हजुर
मौका त दिएर हेरिस्यो ब्यर्थै किन लोलाइसिन्छ

जस्ले हान्यो तेस्ले जान्यो निशानाको कुरा हजुर
कल्पी कल्पी बस्दै फेरि मन किन घोलाइसिन्छ

  •  
  •  
  •  
  •  
  •  
  •  
  •  

देश हरा’को सुन्न पर्छ कि!

भय लाग्छ अचेल, देश हरा’को सुन्न पर्छ कि!
दौरा सुराल बिर्सी, धोती कुर्ता पो उन्न पर्छ कि!

ईतिहासको ब्याज सकियो, बर्तमान धितोमा छ
पराधीन भै कतै, स्वाभिमानै थुन्न पर्छ कि!

चन्द्र सूर्य लाजले झुक्यो गोर्खे खुकुरी भुत्ते छ
धुजा भो साँध सीमाना, सबै मिली तुन्न पर्छ कि!

  •  
  •  
  •  
  •  
  •  
  •  
  •  

नयाँ बर्ष तिमी खुशीको अंकुर लिएर आउँछ्यौ कि

नयाँ बर्ष तिमी खुशीको अंकुर लिएर आउँछ्यौ कि
बेसुरमा छ रे देश एक शुर लिएर आउँछ्यौ कि

कतै छिटा रगतका, गन्ध कतै बारुदका छरिए रे
चाहिएन सुनको लंका कान्तिपुर लिएर आउँछ्यौ कि

पाइला पाइला हाबी भयो, कपट निति भन्छन
सकुनीको बिगबिगी भो रे, बिदुर लिएर आउँछ्यौ कि

  •  
  •  
  •  
  •  
  •  
  •  
  •  

छि: किन यसरी तानेको ?

देख्नेले के भन्लान छि: किन यसरी तानेको ?
जे गर्नु एकान्तमा गर्नु, कैले छैन र मानेको

ठाँउ न ठहर छ्या: कस्तो गर्नुभा’ यस्तो रहर
अटेरी नहुनु, मैले पनि छु फेरि जानेको

मात्तेको किन? के छ र नजरमा त्यस्तो मेरो
लठ्ठ हुनु भो त, छैन जादु टुनाले हानेको

  •  
  •  
  •  
  •  
  •  
  •  
  •  

साखिली भै रुनु पर्दैन तिमीले

भाग्यलाई दोष देको छु भैगो साथ हुनु पर्दैन तिमीले
फुट्नेको नै दुख्छ मुटु साखिली भै रुनु पर्दैन तिमीले

दु:खाईमा हाँस्न समयले सिका’को छ अचेल मलाई
चहराए नि चहराउन यी घाऊहरू छुनु पर्दैन तिमीले

म हुनु र नहुनुमा के फरक पर्छ र अब तिमीलाई
जति लागे कलंकका ती दागहरू धुनु पर्दैन तिमीले

आँखामा बगिरहेछन थोपा थोपा भै पुराना पलहरू
नयाँ घाम बोकी मेरा आँसु सुकाउनु पर्दैन तिमीले

  •  
  •  
  •  
  •  
  •  
  •  
  •  

नयाँ बर्ष, तिमीले एउटा आयाम थाल्नु पर्‍यो

  • by

नयाँ बर्ष, तिमीले एउटा आयाम थाल्नु पर्‍यो
चेतनाको दियालो निभाए, तिमीले बाल्नु पर्‍यो

धुजा धुजा भै मक्किसक्या छ इज्जत आबरु नि
सकेदेखि आउनु, देश यो मिलेर टाल्नु पर्‍यो

भोका छन यहाँका उपियाँ उँडुस जति डसे नि
खोजी खोजी लेराउ अचुक ओखती हाल्नु पर्‍यो

खै कसरी कुहियो टाउका ती आलु कुहिए झै
गनाउन थालेछ गिदीको फोहोर फाल्नु पर्‍यो

  •  
  •  
  •  
  •  
  •  
  •  
  •  

कालोलाई सेतो भन्न जानिन मैले

  • by

तिमीले जस्तो कालोलाई सेतो भन्न जानिन मैले
आत्मा बन्धकी राख भन्नेका कुरा मानिन मैले

स्वाभिमानको मोल के था’ ईमान बेच्नेहरूलाई
चोर बजारका नक्कली मान शान छानिन मैले

बिना बिधि-बिधान, कस्तो पूजाको उपसना गर्नु
शाधक फटाह थे आफूलाई योग्य ठानिन मैले

  •  
  •  
  •  
  •  
  •  
  •  
  •  
20101016_Dasain

यसरी आऊ दशैं तिमी

  • by

सुकेका पेट, दुखेका मनमा, खुशी बोकेर आऊ दशैं
चन्ड मुन्डको झुन्ड धेरै भो, लात ठोकेर आऊ दशैं

कौरबको बिगबिगी धेरै हुँदैछ, अर्को कुरुक्षत्र रच्न
कपटी सकुनीको जाली पासा, रोकेर आऊ दशैं

घिच्नेहरूले थिच्न छाडेनन, निर्धा घाँटीहरू यहाँ
दुर्गा कालीको जस्तै, अग्नि ज्वाला पोखेर आऊ दशैं

मान्छे मान्छेको हुलमा, मान्छे भेटिंदैन अचेल यहाँ
युग बदल्ने एउटा सच्चा मान्छे खोजेर आऊ दशैं

  •  
  •  
  •  
  •  
  •  
  •  
  •  

मेची र काली चेपिएको छ रे!

सुन्दैछु, मेची र काली पनि चेपिएको छ रे
भुत्ते भो कि गोर्खे खुकुरी नै हेपिएको छ रे

कति धितो राख्नु बिचरो छ सगरमाथा नि
धाक नलगाऊ भो लाजले सेपिएको छ रे

हात मुख जोर्न शीप शिल्प पलायन भए
बचेँका पेटमा अझै रिन खेपिएको छ रे

  •  
  •  
  •  
  •  
  •  
  •  
  •  
BhupendraMahat

धार बनायौ कि ?

छारो उड्न थाल्यो अरे, आङ कनायौ कि ?
नाकै थुन्न पर्ने भो रे, तिमी गनायौ कि ?

न बनायौ, न सघायौ, पर्छ ओतिनु त
भत्काएर आफ्नै घर, जात जनायौ कि ?

च्याँखे थापी मनहरु, कस्तो पन जित्यौ
खुशी भनी कतै फेरि, शोक मनायौ कि ?

  •  
  •  
  •  
  •  
  •  
  •  
  •  

अरबको तातो घाममा तिम्रो मान्छे ढल्यो भन्दिनु

अरबको तातो घाममा तिम्रो मान्छे ढल्यो भन्दिनु
तिम्रै नाम जप्दा जप्दै उस्को श्वास चल्यो भन्दिनु

पूर्णिमाको जुन जस्तै तिम्रो रुप सजाउछु भन्दै
सुन टिप्न गाको मान्छे आगो भित्र बल्यो भन्दिनु

  •  
  •  
  •  
  •  
  •  
  •  
  •  

मान्छे

  • by

ढुङोलाई बरु मान्छेले देउता यहाँ बनाउँछन्
कुल्चिएर छाती मान्छेकै मान्छेले जात जनाउँछन्

उधारोमा नाम किनेर निर्लज दात ङिच्याउदै
सुझबुझ नभा’ स्वाँठ नै आँफैलाई ज्ञाता भनाउँछन्
कुल्चिएर छाती मान्छेकै मान्छेले जात जनाउँछन्

  •  
  •  
  •  
  •  
  •  
  •  
  •  

शान्ति जित्न युद्धमा बुद्ध पनि खटायौ रे

  • by

शान्ति जित्न युद्धमा बुद्ध पनि खटायौ रे
सुन्छु फेरि नचिनी शान्ति डाँडो कटायौ रे

उस्तै रंग, नचिन्नेलाई जे अर्थ लाए नि
खोइ के भो चिनी हो भनि नुन चटायौ रे

  •  
  •  
  •  
  •  
  •  
  •  
  •