छि: किन यसरी तानेको ?

देख्नेले के भन्लान छि: किन यसरी तानेको ?
जे गर्नु एकान्तमा गर्नु, कैले छैन र मानेको

ठाँउ न ठहर छ्या: कस्तो गर्नुभा’ यस्तो रहर
अटेरी नहुनु, मैले पनि छु फेरि जानेको

मात्तेको किन? के छ र नजरमा त्यस्तो मेरो
लठ्ठ हुनु भो त, छैन जादु टुनाले हानेको

कटिन सक्छ कुरा कति, चियो चर्चा होला फेरि
शरम मान्नु अलिकति त, किन ख्याल ठानेको

फुक्न मन न भा’को कहाँ हो र मलाई पनि
रिसानी माफ होस है , समाजले छ बानेको