बुढौतीका रहरहरू (गजलसंग्रह)

तिम्रो चुरा बजेपछि मेरो निन्द्रा खुल्यो सानु
आकर्षक शरीरले मेरो मन डुल्यो सानु

आज भोलि संसारमा सत्य तथ्य भागे हेर
अमूल्य त्यो जोवानी त बिक्री हुन लागे हेर

प्रेमसिन्धु केन्द्रविन्दु पवित्रमूल जान हजुर
अन्तर आत्मा मिलनमा महानता ठान हजुर

सुकर्मी र कुकर्मी त आपसमा लड्छन्
सुकर्मीमा अग्नि हुन्छ कुकर्मी त डट्छन्

सुन्दरताको खोजी गर्दा सुन्दर मिल्छ फूल सानु
पार लाउन गाह्रो रैछ मन मन्दिरको पुल सानु

हो जति सराब पिए पनि पियास मेटिदैन हेर
प्रेम सागर हो यो संसार सयलमा झुल सानु

संञ्चितकर्म छाडीधर्म हुन्न पियास मेट्न कहीं
कसै छाड्न हुन्न खोजीगर्न पवित्र त्यो मूल सानु

लड्न परे गोर्खाली संसारसँग लड्छ
अस्तित्वको संरक्षणमा खुकुरीसँग बढ्छ

विश्वव्यापी राजनीति हुन्छ गोटी चाल
वेइमानी गरी गरी नार्न थाल्छन् खाल

यो हो मेरो देशको माटो शान्तिफूल सधैं फुलोस्
एकताको संसार बनी क्रान्तिफूल सधैं झुलोस्

नैतिकवान लड्दा खेरि हार्नु पर्दैन जेठा
मोहनीको मन्त्र सुनाई खार्नु पर्दैन जेठा

मातृपूजा पितृपूजा जिउँदो छँदै गर्दा राम्रों
आडम्बरी वरखी हामी बार्नु पर्दैन जेठा

प्रेम गरौं सँगै बसौं शुद्ध भाव धारणमा
यो सुद्धताको माया प्रेम मार्नु पर्दैन जेठा

प्रेमिकाको पछि लाग्दा बन्न गएँ तारो साइँला
प्रेम पथ छिचोल्न त साह्रै रै छ गाह्रो साइँला

आकाशको फल हेर खाइन्छ है झरे
आफ्नो हकभोग जति छोडिन्छ है मरे

आज अब लाग्दै छु धनगढी तिर
कति सुन्दर बाटो छ डाँडा पाखा भीर

प्राकृतिक सौन्दर्यमा डडेलधुरा बोल्छ
प्राकृतिक सौन्दर्यमा बग्छ सुद्ध नीर

यात्रा गर्दा छुनु पर्ने हेर डोटी जिल्ला
सहयात्री अति राम्री ठोकिन गो शीर

बैगुनीले यथार्थमा भुलिदियो गुन प्रिया
गुन भन्दा संसारमा मँहगियो सुन प्रिया

परिवर्तन् छ संसार अस्ति, हिजो, आज हेर
दाँजी हेरौं आकाशमा कलामुखी जून प्रिया

समय र ज्वारभाटा लिन्छ आफ्नो गति सधैं
अर्थ विहीन पसिना वग्न जान्छ खुन प्रिया

लहलह गहुँबाला मल्किएको सुन्दरपुर
प्रयोगशालाहरूले टल्किएको सुन्दरपुर

युवा जोडी सिरकभित्र पसे जवानीमा
सारा रात बिताए छन् आफ्नै कहानीमा

बुढा बुढी गनगनी आफ्नै बुढौतीमा
छोरा चाँही डुब्न थाल्छ आफ्नै भवानीमा

बुढाबुढी डुब्नै थाले सम्झी भावी नाति
संसारको कर्म थलो अड्ने कमानीमा

गोठेमल चक्र हेर्दा जीवन चक्र लाग्छ प्यारी
गुणस्तर मलबन्दा माटो सबल जाग्छ प्यारी

डडेलधुरा अति राम्रो हेर देवजी
मन मुग्ध भयो हाम्रो हेर देवजी

सानो सानो बजारमा सबै खाले माल
भाऊ भने अति चाम्रो हेर देवजी

सुन्दरछन् घर गोठ चारैतिर हेर्दा
कृषक पेट रैछ दाम्रो हेर देवजी

कति राम्रो लहलह खेत भरी बाली
तनगोरी हुँदामोरी नाम राखे काली

इन्तजार भयो ठूलो एयरपोर्टमा
समयता गयो ठूलो एयरपोर्टमा

विषाक्तका पाथीहरू चुलिदैछन् धेर
गरिएका गल्तीहरू भुलिदैछन् धेर

पृथिवीको शयनमा झुल्नै पर्छ झुल
अग्रगामी बाटो छोडी डुलिदैछन् धेर