बैगुनीले यथार्थमा

बैगुनीले यथार्थमा भुलिदियो गुन प्रिया
गुन भन्दा संसारमा मँहगियो सुन प्रिया

परिवर्तन् छ संसार अस्ति, हिजो, आज हेर
दाँजी हेरौं आकाशमा कलामुखी जून प्रिया

समय र ज्वारभाटा लिन्छ आफ्नो गति सधैं
अर्थ विहीन पसिना वग्न जान्छ खुन प्रिया

कर्तव्यको बोध गरौं भइ कर्म कर्ता सबै
अविवेकी कर्म गर्दा खेर जान्छ नुन प्रिया

लागौँ सबै कर्म गर्न आत्मसात गरी गरी
अनि बज्छ नेपालीको आफ्नै लय धुन प्रिया