युवामञ्च २०६७ पुस

कविता उसले राम्रो लेख्न थाल्छ
पीडा जसकेा धेरै पाक्न थाल्छ
देख्छन् फुलेको जब आफ्नो केश
मन्दिर तिर अनि ऊ लाग्न थाल्छ ।

माया भन्नु घात रैछ
मन दुखाउने जात रैछ ।

दस वर्षपछि आयो जनसङ्ख्या गन्ने
साँचो कुरा नलुकाई गणकलाई भन्ने

चमेली फूल
झोक्राइरहेछ नि
पीर पर्‍यो कि !

झरेर गयो फूलका थुँगा फर्केर आउँदैन आमा
छोराले देउरालीमा झ्याउरे त गाउँदैन आमा
वियोगमा रोएर मात्र के हुँदोरहेछ र ! संसारमा
ईश्वरको अदालतबाट माफी पाउँदैन आमा

जाग्न सकोस् हृदयमा हरपल परम शक्ति
सृष्टि/आकाश अमर हुन्छ प्राण देशभक्ति

आफ्नै मनको भर नभए अरू कसको भर हुन्छ ?
सँगै हिँड्ने छायासँग पनि पलपलमा डर हुन्छ

भीमसेन महाभारतका अत्यन्च चर्चित र श्रेष्ठ योद्धाका रूपमा वणिर्त पात्र मध्येका एक हुन् । उनी सुगठित शरीरले युक्त, अग्ला र भयङ्कर स्वरूपका थिए भनी विभिन्न पौराणिक ग्रन्थमा उल्लेख उनको यसै अजङ्गको आकार प्रकारको स्मरण गर्दै हाल सम्म पनि कुनै ठूलो स्वरुप भएको मानिसलाई ‘भीमकाय’ आकारको भनी वर्णन गर्ने गरिन्छ ।

रामलाल अधिकारी नेपाली साहित्यका बहुमुखी प्रतिभाका रूपमा सुपरिचित छन् । उनले साहित्यका धेरै विधामा कलम चलाएका छन् । रामलालको जन्म वि.सं. २००३ साल असोज २८ गते भारतको दार्जिलिङमा भएको थियो । उनका बुबाको नाम भक्तिप्रसाद शर्मा अधिकारी र उनकी आमाको नाम मनमाया शर्मा अधिकारी हो । उनका बुबाआमाका छ जना छोरा र चारवटी छोरीमध्ये उनी जेठा छोरा हुन् ।

गएको महिनाको कुरा हो । झापा फर्किएर व्यावसायिक बङ्गुरपालन सुरु गरेको खबर थाहा पाएपछि झापाका एकजना पत्रकार बन्धुले टिप्पणी गरे- “तपाईंले आफूले आफैँलाई चिन्न सक्नु भएनछ….।”