गीत

मेरो कथा खाली खाली वेदनामा खोज
मेरो व्यथा भत्किएको मन्दिरलाई सोध
रुँदा रुँदै हाँसिदिनु गाह्रो छ कि छैन
जली जली खाक हुने मैनबत्तीलाई सोध

मेरो गीत म उभेको धूलोले सुनोस
मेरो गीत यहींको चूपचापले सुनोस
मेरो गीत कोहि सुन्दैन भने
आकाश वतासले सुनोस

जीवनदेखि धेरै धेरै नै थाकेर
म मुर्दा भएको तिमी आज हेर

विपना नभई बाँचिदिने म भित्रका मेरा सपना
म मरे पनि रहिदिने मेरा प्यारा प्यारा सपना

मैले गाएको गीतमा तिम्रै हँसिलो मुहार छ
मैले लाएको प्रीतमा तिम्रै रसिलो प्यार छ

आजै र राति के देखेँ सपना मै मरी गएको
बतास बिना हांगाको फूल भुइँ झरी गएको

अल्झेछ क्यारे पछ्यौरी तिम्रो चियाको बोटमा
बल्झेछ क्यारे सुनको काँडा कलिलो खुट्टामा
अल्झेछ क्यारे पछ्यौरी तिम्रो चियाको बोटमा

तिम्रो जस्तो मुटु मेरो पनि
तिम्रो जस्तो माया मेरो पनि

तिमीलाई भुल्दा म एक्लो परेछु
तिमीलाई सम्झे तिमी साथ आयौ
कुनै चिज मीठो म खोजिरहेथे
म सोंचिरहेथे तिमी याद आयौ

मेरा सबै रातहरु मातहरु भए
जिन्दगी नै नबुझ्ने बातहरु भए
आँफैलाई राखने यहाँ कुनै ठाउँ भएन
सारा रात बेहोशिका बारातहरु भए

चुमेर पानाभरि यति म लेखिदिन्छु
प्रीतिका बाचाहरू जाने जति लेखिदिन्छु

संगाल घुम्टोहरू सजाऊ केशहरू
म आएँ आँधी बोकेर सम्हाल बेगहरू

फूलको आँखामा फूलै संसार
काँढाको आँखामा काँढै संसार
झुल्किन्छ है छाँया बस्तु अनुसार
काँढाको आँखामा काँढै संसार

मायाले मलाई विषै देऊ म निलकण्ठ भै पिइदिन्छु
जलनहरु बोकी छातीभित्र म सधैं तिम्रो भइरहन्छु

बनेको छ पहराले यो छाति मेरो
बगेको छ छहरा रगतमा मेरो
पखेरुमा जन्मी टाकुरामा खेल्ने
म झुक्दै नझुक्ने नेपालको छोरो

थाकिन्न रैछ कहिल्यै उकोलो चढ्‍दा पनि
पीरतिमा त अहो चिप्लेर लडदा पनि