sumaan

प्रतीक्षा

खुशी ! म कहाँ आऊ है
कति प्यारी तिमी ।

उनले भनिन् तिमी पढ म आउने छु
मैले पढे तिनी आइनन्
उनले वाचा गरिन् राम्रो जागिर खाऊ म आउने छु
मैले जागिर खाए तर तिनी आइनन्

  •  
  •  
  •  
  •  
  •  
  •  
  •  
picture-1148

म आउने छु

लिखितम्…
बोलावट भएमा…
तोकिएको मिति र स्थानमा हाजिर हुनेछु
संवत्…साल…महिना…रोज… शुभ म ।

तर,
बोलावट नभए पनि, म आउने छु
अवश्य आउने छु

  •  
  •  
  •  
  •  
  •  
  •  
  •  
20200330_183828

जल्नु पर्छ

यौवनको रापले तिमी धप धपी बल्नु पर्छ
देखेपछि तिमीलाई उनी त जल्नु पर्छ

जस्तो थियो त्यस्तै छ र? “सुमन” अँझै पनि
छेपारो झैं उसले अवश्य रङ्ग त बदल्नु पर्छ

  •  
  •  
  •  
  •  
  •  
  •  
  •  

अनि बन्छ क्याडेट

हौशला उंचो हुनुपर्छ अनि बन्छ क्याडेट
उद्देश्यले जून छुनुपर्छ अनि बन्छ क्याडेट

तिमि र म जस्तो लरतरो कहां हो र?
रगतले मन धुनुपर्छ अनि बन्छ क्याडेट

माता भक्त पिता भक्त देश भक्त हुनुपर्छ
उज्जवल सपना बुन्नुपर्छ अनि बन्छ क्याडेट

अनुशासित वफादार स्वावलंबी हुनुपर्छ
हीरा मोती चुन्नुपर्छ अनि बन्छ क्याडेट

जनताको सेवा साथै सीमानाको रक्षा गर्छ
शत्रु सबै थुन्नुपर्छ अनि बन्छ क्याडेट

  •  
  •  
  •  
  •  
  •  
  •  
  •  

म मरें

जीवन बल्नकै लागि म मरें
मृत्यु छल्नकै लागि म मरें

तिम्रो मुस्कान छल्किरहोस
नौनी मल्नकै लागि म मरें

  •  
  •  
  •  
  •  
  •  
  •  
  •  

झुकेको स्वाभिमान

कालापानी लिपुलेक अनि लिम्पिया धुरामा
स्वाभिमान झुकेको छ सीमानाको कुरामा

केचनाकवल मर्चवारी दशगजा र सुस्तामा
कूटनीति चुकेको छ जहाँ आश्वासन र पुरामा

  •  
  •  
  •  
  •  
  •  
  •  
  •  

मुक्तक हरु

कुकुर भुकेका छन् बिस्तारै आउनु
नजर झुकेका छन् बिस्तारै आउनु
सास रोकेर तिमीलाई कुरिरहेको छु
यमदूत ढुकेका छन् बिस्तारै आउनु

  •  
  •  
  •  
  •  
  •  
  •  
  •  

देखाउने दाँत

खाने पेटमा छन् हाँस्दा देखाउने दाँत न हुन्
औषधि छैन जसको उनले गरेका घात न हुन्

आश गरे भर परे सपना पनि उनकै देखें
हाँसी हाँसी सहें मैले उनले हानेका लात न हुन्

मैले सम्झिने केवल ती रंगीन रात न हुन्
हर कदममा डगमगाउने जवानीका मात न हुन्

मायाको आडमा मेरो आत्माको बलात्कार गरे
शरीरभरी सल्बलाउने उनका पवित्र हात न हुन्

खुकुरीले थाहा पायो न त्यो पीर अचानोले
टुक्रा भयो मेरो मुटु उनका हलुका बात न हुन्

बढार्नै नपर्ने वतासले उडाउने ती झारपात न हुन्
जरा गहिरै गडेछन् क्यारे यी त उनकै गात न हुन्

  •  
  •  
  •  
  •  
  •  
  •  
  •  

जय नेपाल

देशभक्त नेपालीले किन भनेनन् जय नेपाल ?
जय देश गरे किन गरेनन् जय नेपाल ?

गाह्रो गरी भन्छन् यहाँ जय मातृभूमि
जय राष्ट्र बोल्छन् किन बोलेनन् जय नेपाल ?

  •  
  •  
  •  
  •  
  •  
  •  
  •  

के के ले सजाउँ ?

पाखामा सजाउँ कि आँखामा सजाउँ
धनले सजाउँ कि मनले सजाउँ
भन सुवा ! तिमिलाई के के ले सजाउँ ?

मुहार तिम्रो पूर्णेको जून जस्तो
यौवन तिम्रो अकबरे सून जस्तो
तूलमा सजाउँ कि फूलमा सजाउँ
सूनले सजाउँ कि जूनले सजाउँ
भन सुवा ! तिमिलाई के के ले सजाउँ ?

मृग नयनी तिमि रेशमी केश छन्
तिम्रा सामु कुन अप्सरा शेष छन्
पारामा सजाउँ कि तारामा सजाउँ
चुराले सजाउँ कि कुराले सजाउँ
भन सुवा ! तिमिलाई के के ले सजाउँ ?

मयुरी चालमा बजेका मृदंग छन्
सुनकेस्रा ओठ तिम्रा सुकोमल अंग छन्
गहनामा सजाउँ कि चाहनामा सजाउँ
हातले सजाउँ कि मातले सजाउँ
भन सुवा ! तिमिलाई के के ले सजाउँ ?

  •  
  •  
  •  
  •  
  •  
  •  
  •  

रात परेपछि आउनु

मन पैंचो दिउंला रात परेपछि आउनु
फाटेछ भने सिउंला रात परेपछि आउनु

अप्सरा हौ कि तिमि हौ कुनै मधुशाला
तिम्रै अधरले पिउंला रात परेपछि आउनु

रातमै खुल्छ क्यारे मीठो प्रेमको पाठशाला
अंगालोमा कसि दिउंला रात परेपछि आउनु

रित्ति सकेछ क्यारे हाम्रो प्रणयको भण्डार
बेसाहा गरेरै जिउंला रात परेपछि आउनु

प्रेमको अंगेनामा पकाई भावनाका परिकारहरु
प्रेमरसमा डुबाएर लिउंला रात परेपछि आउनु

  •  
  •  
  •  
  •  
  •  
  •  
  •  

बोल्न सकेन

बोल्न सकेन उसले मुख खोल्न सकेन
जिम्मा लियो तर कसैलाई पोल्न सकेन

लाला वाला अनि प्रेयसीलाई सम्झ्यो
राज सबै थाहा पाएपनि खोल्न सकेन

रानोको इशारामा झम्टिन (अरिंगाल) तयार थिए
थाहा पाएरै होला उसले विथोल्न सकेन

न आमा सुरक्षित यहां न त दिदीबहिनी
आफ्नै छोरी सम्झ्यो उसले गिजोल्न सकेन

शंख बजायो न उसले मशाल जलायो
सुनचाँदी संग ईमान पनि तोल्न सकेन

  •  
  •  
  •  
  •  
  •  
  •  
  •  

धूमकेतु बज्रिन्छ रे !

खगोल शास्त्रीय अध्ययनले संकेत ग-यो
धूमकेतु पृथ्वी तर्फ सोझिएको छ
टक्रिने सम्भावना छ

प्रमुख सन्चार माध्यमहरुको मुख्य समाचार बन्यो
अलि तोडियो केही मोडियो

त्रिकालदर्शी काली बाबा गर्जे
प्रलय हुन्छ
वनदेवी माताले भनिन्
तहस नहस हुन्छ
पृथ्वीको आयु समाप्त हुने भयो
सुगाले पनि सोही खाम छान्यो

सरकारी आह्वान भयो
धैर्य धारण गर्नु

सबै मान्छे स्तब्ध र त्रसित
सबै सशंकित र हतारमा
एक आपसमा पनि बोल्दैनन्
शुरू गरेका काम सकाउने चटारो
बजार भरी डढेलो लागेसरी हल्ला छ
केही दिनमै धूमकेतु आइपुग्छ रे !

लेकमा खर्क स्याहार्ने ठागु
वेशीको खेत चाहार्ने माइला
लाहुर गएका गजे र दोर्जे
खाडीका चन्द्रे र काली
अमेरिका पुगेका सैम र डलि
सबै यो हल्लाले अत्तालिएका छन्
सबै आफ्नो परिवारमा एकत्र हुन आतुर छन्
हप्ता दिनमै धूमकेतु ठोक्किन्छ रे !

भर्खरै प्रेम विवाह गरेर डिपेन्डेन्सी भिसा लागेकि चमेली
आज मात्रै आमा बुवा भएका रामसीता र जन्मेको बालक
लोकसेवा पास गरी नियुक्ति पत्र लिएका शम्भूनाथ
चुनाव जितेर मन्त्री हुने दौडमा रहेका बिरजु दादा
नाम निकालेका छात्रवृत्ति पर्खेका डक्टर र इन्जीनियर
सबैको सपनामा तुषारापात हुने भयो
भोलीनै धूमकेतु बज्रिन्छ रे !

जता हे-यो उतै घुइंचो
सबै अस्त व्यस्त
फर्कने जहाजको टिकट पाउन मुश्किल
बसहरु खचाखच
पुल पुलेसा सडक सबैतिर
ट्राफिक जाम

फर्कने जहाजको पांग्रा निस्केन
लाहुरेहरुले विदा पाएनन्
ठागु र माइला बाढीपहिरोमा परे
शहर बजारमा भागदौड मच्चियो
कति लुटिए कति मारिए
कति बलात्कृत भए
आतंकले राज ग-यो

कति परिवारमा एकत्र भए
कति अलपत्र परे

एकत्र परिवारजनले रुंदै अंकमाल गरे
डर मिश्रित खुशी व्यक्त गरे
एकत्र हुन नसकेका परिवारजनको सम्झना गरे
र सामूहिक प्रार्थना गरे
सबैले संगै अन्तिम भोज गरे
आज रातीनै धूमकेतु बज्रिन्छ रे !

दु:ख सुखका कुरा गरे
गल्तीका लागी क्षमा मागे र दिए
आफ्ना पाप कर्मको फेहरिस्त लगाए
ईश्वरलाई साक्षी राखी सबैको सामुन्ने
गल्ती स्वीकार गरे
आत्मालोचना र आत्मग्लानी गरे
सबै खुलस्त भए र हल्का महसूस गरे
सबले एक अर्कालाई राम्ररी चिने
केही बेरमै धूमकेतु बज्रिन्छ रे !

कति नाता सत्य रहेनछन्
कति आफ्ना आफ्ना रहेनछन्
कति अपरिचित पनि आफ्ना रहेछन्
अनुहार मिले पनि साइनो कायम नभएका
अनुहार नमिले पनि सहोदर रहेछन्
सबै धूमकेतुको पर्खाइमा छन्
कुन बेला बज्रिन्छ र तहस नहस हुन्छ पृथ्वी
सबैको स्वीकारोक्ती पश्चात धेरैले मनमनै प्रार्थना गरे
हे भगवान ! त्रिकालदर्शी काली बाबाको भविष्य वाणी सत्य होस

रात गयो बात गयो
तर केही भएन

धूमकेतु पृथ्वी नजिकैबाट गुज्र्यो
खगोल शास्त्रीहरू अचम्ममा परे
अध्ययन गलत भएकोमा
एक अर्कालाई बधाई दिए
सन्चार माध्यमहरुले शुभ समाचार दिए
सबैले भगवानलाई धन्यवाद दिए
र विजयी मुस्कान छोडे
सबै स्तब्ध त्रसित मान्छे
सबै पुन: सबल मान्छे बने

धूमकेतु बज्रेन हल्लामा सीमित रह्यो
तर, उक्त हल्लाले कैयौंको मस्तिष्क विस्फोट भयो
कैयौंको सुन्दर बगैंचामा धूमकेतु बज्र्यो
सबैले पुन: सुन्दर बगैंचा बनाउने वाचा गरे
तर, सबल मान्छेकै शैली र आदर्श अनुसरण गरे
तैपनि, बगैंचा सुन्दर र रंगीन हुने कल्पना समेत गरे
हल्ला मत्थर भयो धूमकेतु पनि हुन्छ भन्ने बिर्सिए
दुनिया यथावत चल्यो

कालान्तरमा फेरी एक दिन
पुन: धूमकेतु पृथ्वी तर्फ सोझियो
मान्छेको संसार पुन: पहिले जस्तै स्तब्ध भयो
तर, मान्छे बाहेकको संसार यथावत
आफ्नो दिनचर्यामा तल्लीन रह्यो

धूमकेतु पृथ्वीमै बज्रिन्छ रे !

(पृथ्वी बाट चन्द्रमाको उत्पत्ति र तत्पश्चात डायनोसोरको
लोप जस्ता प्रलयंकारी घटनाहरु विशाल धूमकेतुहरु
पृथ्वीमा टक्रे पछि भएका हुन्)

  •  
  •  
  •  
  •  
  •  
  •  
  •  

धूमकेतु

झरेको छ तारा कहिं धूमकेतु त होइन?
संसारै त्रस्त छ कहिं धूमकेतु त होइन?

देशभक्त त्यागी उनी ठूला नेता हुन रे
ज्यूंदो नक्षत्र भन्छन् कहिं राहु केतु त होइन?

भूंडी ठूलो छ तिनी बडा हाकिम हुन् रे
अड्डामै भनौंला कहिं घूसकेतु त होइन?

कुरा ठूला छन् दर्शन पनि ठूलो छ
तथास्तु भनेकाछन् कहिं फूसकेतु त होइन?

मीठो छ बोली रसिलो छ व्यवहार
तीरै नजरको छ कहिं रूपकेतु त होइन?

(पृथ्वी बाट चन्द्रमाको उत्पत्ति र तत्पश्चात डायनोसोरको
लोप जस्ता प्रलयंकारी घटनाहरु विशाल धूमकेतुहरु
पृथ्वीमा टक्रे पछि भएका हुन्)

  •  
  •  
  •  
  •  
  •  
  •  
  •  

चानो आफ्नो बन्छ

(सम्पूर्ण सैनिक/ सुरक्षाकर्मीहरु लाई समर्पित)

तानो मानो सरकारी चानो आफ्नो बन्छ
दु:ख जिलो गरे पछि दानो आफ्नो बन्छ

अनुशासन वफादारी देखाउँ देशभक्ति
उन्नति र प्रगतिको पानो आफ्नो बन्छ

ज्यानको बाजी लाउनु पर्छ धोका दिनु हुन्न
बूट जोडले बजारेछि रानो आफ्नो बन्छ

देश जनताको सुरक्षा नै एक मूल मन्त्र
त्यस पछि सुरक्षित घर सानो आफ्नो बन्छ

छानी छानी गिंड्नु पर्छ गोली ठोक्नु पर्छ
आफु सबल भए शत्रु कानो आफ्नो बन्छ

(तानो – कपडा, मानो – खाना, चानो – निधार,भाग्य,
दानो – पारिवारिक भरण, पोषण, पानो – अभिलेख,
रानो – नेतृत्व, कानो – काम नलाग्ने, कमजोर)

  •  
  •  
  •  
  •  
  •  
  •  
  •  

हतार नगर सानी

ढोका नलाई वत्ती निभाउन हतार नगर सानी
मात्तिएं म ओछ्यान मिलाउन हतार नगर सानी

बीसौं वर्ष लाग्न सक्छ दूध पानी छुट्टयाउन
पहिलो भेटमै धीत मराउन हतार नगर सानी

रस चाख्दै भुन भुनाउने जाली भमरा हो
लट्ठ परी मग मगाउन हतार नगर सानी

व्यापारी हो सपनाको ललाई फकाई गर्ला
सो-ह श्रृंगार सजाउन हतार नगर सानी

श्रृजनाको फूल फुल्ने रितु आ को छैन
छोरो पेटमै कन्दनी समाउन हतार नगर सानी

  •  
  •  
  •  
  •  
  •  
  •  
  •  

हुनु पर्छ

भाषण जस्तो भए पनि ताली दमदार हुनु पर्छ
उसलाई उसले गर्ने गाली दमदार हुनु पर्छ

उम्मेदवार तगड़ा छन् भीडन्त जोडदार हुनु पर्छ
आफ्नालाई मात्र छिराउने जाली दमदार हुनु पर्छ

सत्यको सिंगौरी होइन लडाई आरपार हुनु पर्छ
झूटकै खेती गरे पनि बाली दमदार हुनु पर्छ

दोष व्यर्थै नलाउ साथी तिमि ईमानदार हुनु पर्छ
व्यापार इमानकै भए पनि थाली दमदार हुनु पर्छ

गुदी जस्तो भए पनि बोक्रा चमकदार हुनु पर्छ
बोली वचन जे भए नि काली दमदार हुनु पर्छ

  •  
  •  
  •  
  •  
  •  
  •  
  •  

सिकाएनौ गुरू बा

छली ढाँटी चोरी गर्न सिकाएनौ गुरू बा
इमान जमान तल पर्न सिकाएनौ गुरू बा

जन सेवा देशभक्ति यही मूल मंत्र भन्यौ
आफ्नो लागि भाइ मार्न सिकाएनौ गुरू बा

  •  
  •  
  •  
  •  
  •  
  •  
  •  

एउटै गति

प्रकाश होस कि चञ्चल मनको एउटै गति
असी कटे पछि तन तनको एउटै गति

कोही रोडपति त कोही करोड़पति हुन्छन्
भुंइचालो झुल्के पछि जन जनको एउटै गति

कल कल झरना वग्ने हराभरा उपवन हुने
उजाड भए पछि वन वनको एउटै गति

मायामा उडीरहुं प्रेममा डुबीरहुं लाग्ने
विरक्त लागे पछि मन मनको एउटै गति

सात सुरको सुरीलो संगीत हुन्छ भन्छन्
बहिरो भए पछि सबै छम छमको एउटै गति

  •  
  •  
  •  
  •  
  •  
  •  
  •  

भरम

भरम हो भरम हो भरम हो
यो जिन्दगानी एउटा भरम हो

आलो पालो गर्नु पर्ने
ऐंचो पैंचो तिर्नु पर्ने
गर्नु पर्ने तिर्नु पर्ने
यो जिन्दगानी एउटा परम हो
परम हो परम हो परम हो
यो जिन्दगानी एउटा भरम हो

दिन रात खट्नु पर्ने
मरी मेटी जुट्नु पर्ने
खट्नु पर्ने जुट्नु पर्ने
यो जिन्दगानी एउटा करम हो
करम हो करम हो करम हो
यो जिन्दगानी एउटा भरम हो

सफल मात्रै हुनु पर्ने
नाफा मात्रै लिनु पर्ने
हुनु पर्ने लिनु पर्ने
यो जिन्दगानी एउटा चरम हो
चरम हो चरम हो चरम हो
यो जिन्दगानी एउटा भरम हो

आफु पहिलो हुनै पर्ने
जीत आफ्नो हुनै पर्ने
हुनै पर्ने हुनै पर्ने

  •  
  •  
  •  
  •  
  •  
  •  
  •