bluesky

१)
साउने झरी
झरझर झरेर
ताण्डव नृत्य

२)
कुनै सपना
सपनाविहीन छ
मध्ये-दिनमा ।

हरेक साल
अर्थात आजैको दिन
एउटा दिन बनेर आउछ
जोड घटाउको सन्दर्भमा
समयको समीक्षागर्न
चाना चाना पारेर केक
बलेको मैन बत्ती निभाउदै
जिन्दगी बाकी लक्ष अध्यारो पारेर
फेरी
अर्को जन्म उत्सव सम्म
पौष१८

बुई चढेर माथी पुग्ने तालो छ कि हेर्दै गर।
तिम्रोपनि मन्त्रि हुने पालो छ कि हेर्दै गर।

नाताबाद र क्रिपाबाद छदै छ नेपालमा।
दाजु भाइ ससुराली सालो छ कि हेर्दै गर।

को को कस्तो रैछ भनी चियाएर हेर्नलाई
तिम्रो अघी आँखिझ्यालमा जालो छ कि हेर्दै गर।

हाम्रो सिँह दरबारमा कस्तो रङ चाहियो त
रातो सेतो हरियो कालो छ कि हेर्दै गर।

देशको बिकास पर्दैन नेता पालो हुँदा हुन्छ
अब आउने छालो भालो ठालो छ कि हेर्दै गर।।

१.
प्रचण्ड घाम
बादल कता गयो
मौषम यस्तै।
२.
साँझमा जुन
दिनमा घाम अरे
पालै पालो छ।
३.
चर्खा घुमे झै
घुमी रहने गाँठे
प्रिथिबिपनि।

१.
बादलु घुम्टो
क्षितिज तल माथि
प्यासी यौवन
छताछूल्ल पोखिन्छ
तल धर्तीमा

तिम्रो तस्विर तिम्रो याद आशुसँगै बगाई
तिमी आउने सपनीको बाटोनि छुन्न अब

मैले पनि अतित तिमीले जस्तै भूलिदिन्छु
तिम्रो झल्को दिने कुरा छाडिदिए सुन्न अब

यी मान्छेहरूको लस्कर सम्झेर
रोकिन्छ पाइला सफर सम्झेर

झरी परेपछि मन पोल्न थाल्छ
शित चुहिने गाउको घर सम्झेर

कतै शहरसँग डर लाग्छ
तिम्रो रहरसँग डर लाग्छ

आउन त मन लाग्छ समीप
तिम्रो घरसँग डर लाग्छ

जति समीप आत्मीयताको
त्यो स्वार्थी भरसँग डर लाग्छ

१)

तिहार आयो
मखमली फूलेन
क्षितिज पारी
२)

काग तिहार
बेलको रूख छेउ
काग करौछ

लोकतन्त्रमै
देखेका त्यो सपना
उन्यूफूल झै

झर्दैछ फूल
पलाउँदैछ मुना
फेरिँदा पात्रो !

★★★

सपना हजार हुन्छ
नयनको नजर हुन्छ

रहर मौलायो भने
स्वार्थको शहर हुन्छ

टेक्दै जाऊ सफलता
गगन चुम्बी रहर हुन्छ

जित इतिहाशलाइ
नाम अजर अमर हुन्छ

खोज पहीचान आफै
जात अनी थर हुन्छ

जुदायौ आखा बुझ्न थाले मनको भावना
ए परदेशी नलेखी देउ अनाम ठेगाना

हासौ की बोलौ लाग्ने मनको तिर्सना
गारो पर्दो रहेछ सजिलाई बिर्सन
बढ्न थाल्यो ढुकढुकी मनको चाहना
ए परदेशी नलेखी देउ अनाम ठेगाना

हात देउ संगै जिन्दगीको पहाड चढौला
एकै गन्तव्यमा जीवनको यात्रा गरौला
जुराई देउ देउराली यो मनको लहना
ए परदेशी नलेखी देउ अनाम ठेगाना

१) याम चटारो
गैरी खेतमा छाउ
धान काटदै

२) रानी पोखरी
प्रतिविम्बित गर्दै
कुरूपताको

कथाले मागे पछि
आदेश आयो –
खोल दिलको ढोका भनेर
खुरुक हाजिर भएर
पाले जस्तै –
ध्यार तानी दिए ढोका
प्रवेश गर्यो

सत्यको जित झुटको अवस्य हार हुन्छ
एक दिन अवस्य खुशीको वहार हुन्छ
मखमली नओएलाए ,विहान हुने छ
मनाएर दिपावली एक दिन तिहार हुन्छ

आँखामा आँखा जुधाएर हेर
मेरो गीतमा भाका मिलाएर हेर

धुजा धुजा भएको छ मन
मायाको डोरिले सिलाएर हेर

मुर्दा नि ब्युझन्थ्यो कि कतै
मायाको नशा पिलाएर हेर !

तिम्रो दिलको कुनामा लुक्ने धेरै हुन्छन
पर्खाईमा तिम्रो बाटो ढुक्ने धेरै हुन्छन

चलन पुरानै हो जुनतारा दिन्छु भनी
तिम्रोसामु घुडाँटेकि झुक्ने धेरै हुन्छन