विविध-विधा

लुकेर त माया लाउन सक्दिन म तिमी सँग,
झुकेर त माया लाउन सक्दिन म तिमी सँग ।

चर्किएको मान्छेलाई फुटाउनै खोज्छौ तिमी,
फुटेर त माया लाउन सक्दिन म तिमी सँग ।

आफ्नै हात नि काट्छ छुराले बलियो दापमा नपरे
चेत आउदो रछ र कहाँ जिन्दगी धापमा नपरे

स्वच्छ हराभरा यो धरा सुगन्धले कि दुर्गन्धले
कुन्ठित बिरुवा हुर्केलान के घाम्को तापमा नपरे

ब्यर्थै हामी छुट्टीएछौ रात अझै बाँकी थियो,
भन्नै लाज लाग्ने एउटा, बात अझै बाँकी थियो ।

फूलको बोट् र तिमीलाई उस्तै उस्तै देखे मैले,
थुँगाहरु छोए पनि, पात अझै बाँकी थियो ।
भन्नै लाज लाग्ने एउटा, बात अझै बाँकी थियो ।

तिम्रो रुप रंग सँग सरोकार गर्दिन म,
असल मित्र भन्दा अर्को व्यबहार गर्दिन म ।

ढुक्कभए हुन्छ तिमी, सधैं मान सम्मान गर्छु,
गैर कानुनको कुनै करोबार गर्दिन म ।

बहकिने मनको पनि बह फरक भएपछि,
बराबर हुन्न आँसु गह फरक भएपछि ।

देख्दिन म कोही पनि पुर्णिमाको चकोर झैँ,
कस्ले हेर्छ ? जुनेलीलाई चह फरक भएपछि ।

समझदारीमा छाको मन्दी हटेर जावोस
आपसी तिक्तताको तुँवालो फटेर जावोस

आफ्नो पनमा दुख्दा पनि कति तमासा हेर्छौ
बैरी को छ आफ्नै घरको कटुता कटेर जावोस

१। असिको बूढो
तरुनीको छ आस
हे बदमास ।

२। भर नै हुन्न
आजकालको नेता
एता न उता ।

कसैले नरुचाउने नमीठो गन्ध भएको छु
सवैबाट लुकाई आफैमा बन्द भएको छु

सबैले ताप्छन् यहाँ बलिरहेकै आगो
म विना रापको आगो मन्द भएको छु ।

बहकिने मनको पनि बह फरक भएपछि,
बराबर हुन्न आँसु गह फरक भएपछि ।

देख्दिन म कोही पनि पुर्णिमाको चकोर झैँ,
कस्ले हेर्छ ? जुनेलीलाई चह फरक भएपछि ।

हराएको मेरो मान्छे देख्नु भयो भने कतै,
मलाई खबर गर्नुहोला भेट्नु भयो भने कतै ।

खोज्नु होला शहरको भिडहरु छिचोलेर,
नेपालबन्द गरी बाटो छेक्नु भयो भने कतै ।

भित्र तिमी कठोर छौ,बाहिर आसुँ चुहाए’नि,
तिम्लाई चोखो मन्दिन म सातै गंगा नुहाए’नि।

संसार सारा जिते पनि,सक्ने छैनौ मलाई जित्न,
पर्ने छैन तिम्रो जालमा मिठो मिठो खुवाए’नि ।

तिमी रिसाउनुको कारण सोच्दै बित्यो रात पनि,
फूलले पनि बताएन, मौन भयो पात पनि ।

सारा संसार भरी खोजे, छितिज पारी पनि पुगे,
तर जवाफ भेटिएन, रित्तै फर्किए हात पनि ।

पिरतीको चिहानमा एउटा फूल सार्छु मैले,
यदि माया मार्यौ भने साच्चै नुन बार्छु मैले ।

कहिल्यै धोका दिने छैन यदि विश्वाश गर्छौ भने,
आफु बगी गए पनि तिमीलाई खोला तार्छु मैले ।
यदि माया मार्यौ भने साच्चै नुन बार्छु मैले ।

युद्ध हुन्छ दिन-दिन रातै पिच्छे युद्ध हुन्छ,
हेर्दै जाउ देशमा अब, छाकै पिच्छे युद्ध हुन्छ ।

जो सँग छ टन्न पैसा त्यही मात्रै बाँच्न सक्छन्,
धनी गरीब भन्ने एउटा, नातै पिच्छे युद्ध हुन्छ ।

गाँस,बास र अलिकती कपास देउ जवानीलाई,
जिउँदो लाश नबनाउ, सास देउ जवानीलाई ।

सधैं चोली भित्र कती बाँधी राख्छौ ? खुम्च्याएर,
कहिले काँही चोली खोली,आकश देउ जवानीलाई ।

मुण्ड-मुण्ड बुद्धी हुन्छ, कुण्ड-कुण्ड पानी हजुर,
अझै पनि सुध्रिएको छैन उन्को बानी हजुर ।

घरजमको कुरै छैन, उमेर पाखा लागिसक्यो,
अझै पनि हिँडेकी छन् बैँश छानी छानी हजुर ।

१
चतुर नेता
बहादुर सैनिक
निरीह जन्ता
२
ईश्‍वरहरु
रक्त बलीले तृप्त
ढुङ्गा आकृति
३
दशैंको टीका
राजा या राष्ट्रपति
राताको रातै

अरु को छ र ! भन्दिए हुन्थ्यो नि ।
तिम्रै हो भर भन्दिए हुन्थ्यो नि ।

काट्नेले जतिसुकै कुरा काटुन् ।
मान्दिन डर भन्दिए हुन्थ्यो नि ।