तोरण राई

जनता खेपिरहेछन् मार देश कसरी उभो लाग्छ ?
एक चोटी होइन बारबार देश कसरी उभो लाग्छ ?

एमाले ढल्यो भर्खर् मावावादी जीत मनाइरहेछ
कांग्रेश कस्दै छ सुरसार देश कसरी उभो लाग्छ ?

दिलको लौरी भाचेर मायाले
भनी खुचिङ नाचेर मायाले

रक्सी मलाई अमृत बन्यो
अन्तै नाता गासेर मायाले

हरियाली बनमा छु आनन्दमा छु
चौपाया चरनमा छु आनन्दमा छु

गुन्द्रुक ढिडो सिस्नु मकै के भो र
सन्तुष्टी मनमा छु आनन्दमा छु

घरिघरी बिफल योजनाहरू
अनि यसैले दिए बेदनाहरू

आफ्नो भन्ने हुँदा मात्रै हो
दु:ख पर्दा शुभ-कामनाहरू

सपनाहरू सबैको पूरा हुदैन
हुनु नै पर्छ यस्तो कुरा हुदैन

पीडितनै दोषी कस्तो न्याय
काटिने खर्भुजा नै छुरा हुदैन

यो झुप्रे पराले माटोको घर
सम्पन्न छु चाहिदैन शहर

माटोमा सुन मेहनत भए
बेकामको छ बिदेशी लहर

अरुलाई नै बढी उस्ले मन गरेको
त्यसैले हेम्खेम अब बन गरेको

औधी बद्लीएछिन ऊ त! अहिले
संगीहरूले पनि समर्थन गरेको

अदक्षलाई पुरस्कार गलत भैरा’छ नि
दिनहु जसो बलत्कार गलत भैरा’छ नि

करडौको घर, जग्गा सालभरमै नेताको
अकस्मिक चमत्कार गलत भैरा’छ नि

भ्रष्टचारी भा नोट दिन्थे त्यो पनि होइनौ
ढुङ्गे मुटु भा चोट दिन्थे त्यो पनि होइनौ

कुरा चै गर्छौ मिठो मिठो हो, हुन्छ भनी
नेताजी भा भोट दिन्थे त्यो पनि होइनौ

पुर्खादेखि आयो रिवाज बद्लाउन त सक्दिन
पथ्थर जस्तै कट्टर छ, पग्लाउन त सक्दिन

भन्दा नै “चार जात छत्तिस बर्ण” भन्यो
कसरी सम्भब अब एकै, सग्लाउन त सक्दिन

ओड तिमी ओड्यौ भने फल्छ जीवन
तोड तिमी तोड्यौ भने फल्छ जीवन

तीस दिने महिना तेत्तिस दिने पर्ब
छोड तिमी छोड्यौ भने फल्छ जीवन

बन पाखाबाट हुँदैहुदै उड्यो एक हुल चराहरू
बासस्थान छोडी रुदैदुदै उड्यो एक हुल चराहरू

कोही पखेटा भाँचिएका कोही खुट्टा भाँचिएका
छातीमा रगत चुदैचुदै उड्यो एक हुल चराहरू

बिना प्रकाशको नै बल्छन, गलत भैरा’छ नि
अगुणस्तर नै बढी चल्छन, गलत भैरा’छ नि

बाँदर विकास हामी बाँदरमा जाति स्तर कहाँ
रुखमा जोडीसँगै फल्छन, गलत भैरा’छ नि

माया गर्छु भनेको, के ढुकढुक गर्छौ
हुन्छ या हुन्न भन के झुकझुक गर्छौ

हास्न बोल्न छाड्यौ प्रस्ताब गरे यता
बधाइ अरु नै भए के सुकसुक गर्छौ

सु-बिचार फैलियोस । नब बर्षको शुभकामना !
कु-बिचार मैलियोस । नब बर्षको शुभकामना !

कुच्रिएका दु:ख सबै एक-एक गर्दै सूख बनी
पोका-पोका थैलियोस । नब बर्षको शुभकामना !

बिल्दै जावोस दुर्ब्यबाहार निर्धो माथी सधैं हुने
सभ्य भाषा सैलियोस । नब बर्षको शुभकामना !

कत्ति यसै तुइयो होला अभाब मा रहर हरू
यसै पाली बैलियोस । नब बर्षको शुभकामना !

कता ? के ? कुन ? भबिस्यको अन्योल्तामा
सहि मार्ग पैलियोस । नब बर्षको शुभकामना !

खिच्चा तानी को जित नभए हुन्छ
रुढीबाद ले ग्रस्त रित नभए हुन्छ

मान्छे उही नाउ परिवर्तन भएछ
स्थान उही गाउ परिवर्तन भएछ

साग काउली मुली उस्तै बिहीबारे
मूल्य बढेर भाउ परिवर्तन भएछ