गीता थापा (दोषी)

मेरो पहिचान

सडकमै जन्मिएँ, सडकमै हुर्किएँ
सडक नै हो मेरो पहिचान
सडक नै हो मेरो संसार ।

सडक वरिपरि
सबै अघाई फालिएका
तिनै हुन मेरो भोक मेटाउने आहार ।

  •  
  •  
  •  
  •  
  •  
  •  
  •  

पोलेको यो छातीमा

पोलेको यो छातीमा नुन-चूक घसेर नजाऊप्रिया
राम राम जप्दै पिँठमा छुरा धसेर नजाऊ प्रिया

क्षणभरको रमाइलो हैन जिन्दगी धेरै लामो छ
सोच्तै नसोचीकन जताततै बसेर नजाऊ प्रिया

पीर-चिन्ताको शिखर अग्ल्याएर हृदयको माझमा
निरासाको गहिरो कुण्डभित्र पसेर नजाऊ प्रिया

यो मेरो मनको सुन्दर बाग उजाड छ तिमी बिना
विश्वाशघाति नजरहरूमा फसेर नजाऊ प्रिया

  •  
  •  
  •  
  •  
  •  
  •  
  •  

अरु-मर्दा भने श्रद्धाञ्जली

अरु-मर्दा भने श्रद्धाञ्जलि दिएर टार्छु म
तिमी मर्दा भने जीवनभर आँसु झार्छु म

आँसुले मात्र तिम्रो गुन चुकाएर सकिन्न
त्यसैले तेह्र तेह्र दिन नून तेल बार्छु म

  •  
  •  
  •  
  •  
  •  
  •  
  •  

म दु:खको सागरमा डुब्दा (दुई मुक्तक)

म दु:खको सागरमा डुब्दा तिमी थिएनौ
मेरो पीडा-व्यथामा तिमीले भाग लिएनौ
आँसुको नदीबाट जसोतसो उतारें जिन्दगी
बीचैमा छोडेर गयौ जुनिभर साथ दिएनौ

  •  
  •  
  •  
  •  
  •  
  •  
  •  

साथ दिन्छु भन्नेले’नै छोडी गएपछि

साथ दिन्छु भन्नेले’नै छोडी गएपछि
फूल जस्तो मेरो माया काँडा भएपछि

रात दिन रोइरहें छोडी जानेको यादमा
सातैजुनि आफ्नो भनी ठानेको यादमा

  •  
  •  
  •  
  •  
  •  
  •  
  •  

पाँच मुक्तक (सुखमा सँगसँगै थियौ)

-१-
सुखमा सँगसँगै थियौं दु:खमा साथ छुट्यो
यो जिन्दगीलाई नियतिको आँधीहुरीले चुट्यो
रैपनि हिम्मत थियो हाँसी खुसी जिउँछु भन्ने
आफन्तीलेनै भने तेरो भाग्य आजबाट फुट्यो

  •  
  •  
  •  
  •  
  •  
  •  
  •  

नजाने पनि जानेकोझैं

नजाने पनि जानेकोझैं गर्नुमा छ मज्जा
बेरंग जिन्दगीमा रंग भर्नुमा छ मज्जा

जताततै दलदल छ डुब्छ यो जिन्दगी
डुबेको जिन्दगी तानेर तर्नुमा छ मज्जा

  •  
  •  
  •  
  •  
  •  
  •  
  •  

बादलुमा जूनतारा लुक्न

बादलुमा जूनतारा लुक्न थालेपछि अचेल
डरलाग्छ कुकुरहरू भुक्न थालेपछि अचेल

हिँडिसक्नु छैन दायाँ वायाँ वनजंगल एक्लै
पशुहरू बाटो बाटोमा ढुक्न थालेपछि अचेल

  •  
  •  
  •  
  •  
  •  
  •  
  •  

आखिर हामी एउटै फुलबारीका फूल हौं (पाँच मुक्तक)

-१-
आखिर हामी एउटै फुलबारीका फूल हौं
आमाबाउका सुख र आनन्दका भूल हौं
कामी दमाई राई लिम्बू बाहुन छेत्री जे भए नि
विर नेपाली जातिका शानमान कूल हौं

  •  
  •  
  •  
  •  
  •  
  •  
  •  

सुखै सुखले मात्र जेलिएको

सुखै-सुखले मात्र जेलिएको हुन्न जीवन गाथा
सास हुञ्जेल झेल्नुपर्छ दु:ख-कष्ट ऐया-आत्था

सुखभन्दा दु:खको परिभाषा जान्नुपर्छ हाम्ले
दु:खलाई अघि बढ्ने अवसर ठान्नुपर्छ हाम्ले

  •  
  •  
  •  
  •  
  •  
  •  
  •  

पुगिसरी आ’को भए को

पुगिसरी आ’को भए को छोड्थ्यो घरदेश?
बाध्यता नभई कसलाई राम्रो लाग्छ परदेश

कतारको दुर्दसा दर्साउँछ टेलिभिजनको पर्दा
कुन मन नरोला यौटा नेपालीको छोरो मर्दा

  •  
  •  
  •  
  •  
  •  
  •  
  •  

म भोक रोग ओढेर शोक

-१-
म भोक रोग ओढेर शोक पचाउने देशकी मान्छे
आफू मरेर देश बेच्नेलाई बचाउने देशकी मान्छे
मेरो परिचय न खोज म आवेशमा आउन सक्छु
आफू अग्लिन अनेक लीला रचाउने देशकी मान्छे

  •  
  •  
  •  
  •  
  •  
  •  
  •  

तिमीलाई सुन्दरताको प्रशंसा गर्ने

तिमीलाई सुन्दरताको प्रशंसा गर्ने त्यत्रो शौख भए
क्रिम पाउडर र लिपिष्टिकले आफ्नो सम्पूर्ण
कुरुप्ता छोपेर सुन्दरताको परिभाषालाई असुन्दरतामा बदल्ने
ती स्त्रीको होइन

तिनको गर

जहाँका स्त्रीले पाउडरको नाममा खरानी र कोदोको पिठो
मात्र देखेका छन् क्रिमको नाममा नौनीसँग मात्र परिचित छन्
लिपिष्टीकको नाममा सिन्दुरलाई मात्र चिन्दछन्

  •  
  •  
  •  
  •  
  •  
  •  
  •  

दुनियाले ममाथि कुदृष्‍टि लाउदा

दुनियाले ममाथि कुदृष्‍टि लाउदा कहाँ थियौ तिमी
बिना कसुर मैले दु:ख पाउदा कहाँ थियौ तिमी

एक्लै हिँड्न सक्छु अब गन्तव्य पहिल्याई सकें
आँखा अघिल्तिर अँध्यारो छाउदा कहाँ थियौ तिमी

  •  
  •  
  •  
  •  
  •  
  •  
  •  

म आफ्नै उजाड जीवनमा रंग भर्दैछु

म आफ्नै उजाड जीवनमा रंग भर्दैछु
जीवन के हो बुझ्ने कोसिस गर्दैछु

नबोलाऊ तिमी मेरो एकाग्र भंग-हुन्छ
सबैको जिउने आ-आफ्नै ढंग-हुन्छ

  •  
  •  
  •  
  •  
  •  
  •  
  •  

भुल जोसुकैबाट हुन्छ

भुल जोसुकैबाट हुन्छ तिमीबाट घात भयो
हाँस्दो खेल्दो मेरो सुखी संसार बर्वाद भयो

मायाबाट आवादी मिल्छ भन्नु भुल थियो
तिम्रो माया पलाँस मेरो माया फूल थियो

  •  
  •  
  •  
  •  
  •  
  •  
  •  

भन्नेहरूको मुख थुन्न

भन्नेहरूको मुख थुन्न जानेको छ मैले पनि
आफ्नो लागि खुसी चुन्न जानेको छ मैले पनि

कैले घाम कैले छाया जिन्दगीको रीत यस्तै
दु:खमा सपना बुन्न जानेको छ मैले पनि

  •  
  •  
  •  
  •  
  •  
  •  
  •  

जहाँ प्रकृतिको आशिर्वाद त्यहाँ उम्रेको जल हुन्छ

जहाँ प्रकृतिको आशिर्वाद त्यहाँ उम्रेको जल हुन्छ
जुन रुखले स्याहार पाउछ त्यही रुखमा फल हुन्छ

मीठो र नमिठो खाने बीचमा केको भेदभाव गर्नु?
जति मीठो मसिनो खाए पनि आखिरमा मल हुन्छ

  •  
  •  
  •  
  •  
  •  
  •  
  •  

रिस उठेको घरको पानी बारेकी छु मैले पनि

रिस उठेको घरको पानी बारेकी छु मैले पनि
ज्याला मजदुर गरेर छाक टारेकी छु मैले पनि

अन्याय र अत्याचार विरुद्ध आवाज उठाउदा
ज्यान जाने डरले बसाइँ सारेकी छु मैले पनि

  •  
  •  
  •  
  •  
  •  
  •  
  •  

सपना छ र पो जिन्दगीको यति धेरै महत्त्व छ

सपना छ र पो जिन्दगीको यति धेरै महत्त्व छ
सपना बिनाको जिन्दगी आँसुभन्दा सस्तो छ

दु:खको अग्निपरिक्षामा आफूलाई डडाउनुपर्छ
आजको मेहनतले भोलिको भविष्य ठडाउनुपर्छ

  •  
  •  
  •  
  •  
  •  
  •  
  •