हरि मोहन थापा

म बग्दै गए

HariThapaUAE

बार्दलीबाट ठेलमठेल गरेर
कालो मुलायम केशलाई सुनौलो देखाइदिने
ती एक अम्खोरा प्रकाशका किरणहरुलाई हेर्छु
अनि
निला गगनमा चन्द्रमा टिप्न उडेका एक हुल चराका बथान देख्छु

Read More »म बग्दै गए
  •  
  •  
  •  
  •  
  •  
  •  
  •  

मेरो मायाको हिसाब स्वर्गमा दिनु छ

म केवल चिच्याउदिन
मेरा अन्तरङ्गहरू थर्थराइरहेछ्न
विश्वास अनि मौनता
लगाव अनि झुकाव
वायु पङ्खी घोडाको रेश जस्तोRead More »मेरो मायाको हिसाब स्वर्गमा दिनु छ

  • 2
  •  
  •  
  •  
  •  
  •  
  •  
    2
    Shares
20200921_161920

म जीवन चढाउछु

नजरमा झुकेको दिललाइ गुलाब चढाउछु
आए सररर सपनाहरु म सगरमाथा चढाउछु

झरेका केशराशी कानमा लजाउदै सिउरिदा
यो आखाको चौतारी म विश्राम चढाउछु

  • 2
  •  
  •  
  •  
  •  
  •  
  •  
    2
    Shares
20200921_161920

आधा भए म रित्तो भए

आधा भए म रित्तो भए
आकाश जस्तै शुन्य भए
म थुतिएको फुल भए

वर्षा भए म भेल भए
मन नपरेको एउटा खेल भए
आज म भत्किएको मुर्ती भए

आधा भए म रित्तो भए

राग भए म गजल भए
मन नपरेको लय भए
हेर म चर्किएको ऐना भए

गाली भए नबज्ने ताली भए
सबको नजरमा जाली भए

  •  
  •  
  •  
  •  
  •  
  •  
  •  

बैशालु जवानिले शहर किनिदिन्छु

पाउजु र चुरा छ्न छ्न बजाउदै
सबैको मनमा, बस्छु लजाउदै
मिलेको फिगर , दुनिया दिवाना
हेरेको मात्रै पनि , लिन्छु हर्जाना

आगोको झिल्को हु म ज्वाला बनी दिन्छु
ओठको मुस्कानले शहर किनि दिन्छु

कानैमा मुन्द्रा गाजल आखामा
सन्सारै गुलाम मेरो मेरै आखामा
रमाइलो गरौ आउ सराबि साझ
दुनियाँ को नियम कानुन तोडिदिउ आज

आगोको झिल्को हु म, ज्वाला बनिदिन्छु
आखाको इशाराले शहर किनिदिन्छु

गोल्डेन मेहेन्दी कालो केशैमा
भ्रमरा आउछ्न खेल्न मेरो बैशैमा
नाम मेरो काली मन पनि खाली
दुनियाँ फिदा पार्ने सबकी दिलवालि

आगोको झिल्को हु म , ज्वाला बनिदिन्छु
बैसालु जवानिले शहर किनि दिन्छु

  •  
  •  
  •  
  •  
  •  
  •  
  •  

यसै गरी मिलोस तिम्रो माया

चन्द्रमाको शीतल वादल वर पीपलको छाया
सधैंभरि यसै गरी मिलोस तिम्रो माया

अजम्बरी नाता हाम्रो हिमनदीको पानी
तिम्रै काखमा हासी खुसी बितोस जिन्दगानी

  •  
  •  
  •  
  •  
  •  
  •  
  •  

यम बुद्ध प्रती श्रद्धाञ्जली

उ मरेर पनि बाचेर गयो
जीवन देखि मृत्यु हारेर गयो
धुवाको लप्को यो अन्तरिक्ष लाई
मण्डालाकार जीवन अर्पेर गयो
उ कुलतलाई याद सुम्पिइ सारा
बाच्ने हौसला दिई फेरि बिलय भएर गयो
साथी सङ्गी अनि नाम चारै तिर छाडि
उसका आवाज अनि अगि बढ्ने प्रोत्साहन दिएर गयो
कायर भयौ तिमी सायद
तर कायर भयौ तिमी सायद
तिम्रा बिबशताले जीवन चुडेर गयो
श्रद्धाञ्जली अर्पण शब्द निशब्द छ्न आज
एउटा फुल फक्रीदैथ्यो आज त्यो नि ओइलाएर गयो
शोक मनाए शुन्यता भो यो नौलो सङ्गित
आज फेरि एउटा बुद्ध उदाहरण भएर गयो

उ मरेर पनि बाचेर गयो
अर्को बुद्ध फेरि उदाहरण भएर गयो

  •  
  •  
  •  
  •  
  •  
  •  
  •  

सुन भन्दा चुन टल्किने रैछ

टुक्रेको मुटु दुखेको छाती के सुनाउ ए साथी
सुन भन्दा चुन टल्किने रैछ के सुनाउ ए साथी

सुर्य लाई निलि जुनलाइ पिइ सागर तर्याथ्यौ
अन्धकार भयो बिजुली चम्की के सुनाउ ए साथी

सम्झिने मुटु बल्झिन्छ झन झन दिन भन्दा रातैमा
काटेको घाउमा नुन चुक छर्कि के सुनाउ ए साथी

बलुन्जेल आगो तापेर बसि स्वार्थ को खेलैमा
बन जङ्गल डढ्दा पग्लेन ढुङ्गा के सुनाउ ए साथी

एक तर्फि माया सारै नै गारो न चिन्नै सकिने
मुखमा राम राम बगलमा छुरा के सुनाउ ए साथी

टुक्रेको मुटु दुखेको छाती के सुनाउ ए साथी
सुन भन्दा चुन टल्किने रैछ के सुनाउ ए साथी

  •  
  •  
  •  
  •  
  •  
  •  
  •  

नेपाली राजनीति र छताछुल्ल हामी

चुनावी शिलशिलामा मान्य नेताहरूज्यू भोट माग्दै माग्दै गाउँ गाउँ टोल टोल हिड्न थाल्नुभएछ । उहाका कार्यकर्ताहरू अघि-अघि पछि-पछि, यो गर्छौं त्यो गर्छौं, हामीलाई भोट दिएर जिताउनुस, सबैको दुख को निवारण गर्छौ भन्दै नारा लाउदै घर घर हिड्दै रहेछ्न ।

त्यसैमध्येका एकजना नेता पनि आफ्ना कार्यकर्ताहरुका जत्थाकासाथ जनताकै उत्थानका लागि देशैको लागि मैले जेल नेल खाएर गरीब दुखी असहायहरुको लडिरहेको छु कृपया हाम्रो पार्टीलाई यानेकि मलाई भोट दिएर जिताउनुस भन्दै घर घर दैलो दैलो हिडिरहेका रहेछ्न ।

  •  
  •  
  •  
  •  
  •  
  •  
  •  

सावधान देउरालीवासी

उफ्फ़ …………..
सुस्केरा ले धकेलेको पवन को प्रबेगलाई
न दाज्न सक्छु म…………….
उठेका प्रत्येक मानवीयताका पाईलाहरुमा
विश्व हाक्ने अधुरा सपना हरु बोकी
अनेकन सिद्धान्त र त्यस्का  का अनुयायी हरु
वर्षा ऋतु को झम झम झरी मा
गाऊ गाऊ शहर शहर चारैतिर फैलिएको भयानक डढेलो संगै
भ्यागुता हरुको महाप्रलयको उदघोश जस्तै
नतमस्तक लोलाएका यी मेरा दिवा स्वप्नहरु
…………………………
हरेक दिन औसी को कालरात झैँ कम्पायमान
उर्लिदो खहरे को उचाई सरि
हरपल त्रसित यो मानसपटल मा
मानव जगत को भिषण आगलागी
न छ त्यहाँ कुनै दमकल
न छ कुनै संयन्त्र …………

  •  
  •  
  •  
  •  
  •  
  •  
  •  

म के गरौ ?

म मेरो मातृत्व अनि आज को परिवेश
सुक्ष्म सुक्ष्म गरि खण्डिकृत मेरो मौलिकता
आत्मियता सद्भाव अनि नया युगको पुनर्जीवन
हाइ यी मेरा सामाजिक कुण्ठाले फेरि घाटि निचोर्न आइपुग्छ्न
चार जात छत्तीस वर्ण परिवर्तन भैसक्यो
प्रतिगामी भइन्छ त्यो कुरा गरे
अब भन दाजै म के गरौ ?

बोल्ने मे रो सास र सामर्थ्य निरीह
हराउदै गरेका घरका खम्बाहरु
छिमेकीको धुर्बे हात्ती आतंक
मतलब नै छैन याहा कसैलाइ
छ त केवल युद्ध निम्त्याउने जातिय पहिचान को
अब भन दाजै
नेपालै नरहे हामी कुन प्रदेशका रहौला र !!

तिम्रा जोस जागर र भासण
साचै मान्छे उचाल्ने बिरोधाभाष
तेइ माटोको लागि दुई शब्द बोलिदेउ दाजै

  •  
  •  
  •  
  •  
  •  
  •  
  •  

कास्टमाण्डपका गुट्खा अनि मेरा सपना

थुकेर थुक र
फोहोर र धुलोको शृङ्गार अनि
पान पराग र गुट्खाको रातो कलरले
अबिरमय बनाएको रहेछ तिमिलाइ
उफ्फ सत्ते होला मैले झन्नै चिन्नै सकिन
ठूलो भयो भन्ने ठानौला
मरिजाम तिम्रा काटिएका पखेटाले तिमी बिरुप भएछौ
किन किन तिम्रा नजरमा मैले देख्ने प्यार
अहिले त केवल प्यारप्यार मात्रै देखे
बैरागिएको जोगि जस्तै अस्त ब्यस्त तिम्रो अनुहारमा
बिगतका सुन्दरता खोजेर म आजित भए
भत्किएका हरेक गोरेटोले मलाइ आत्मिय ठानेछ्न
भत्किएका हरेक सपनाले मलाइ आफ्नो ठानेछ्न
लाग्छ उनिहरु आफ्ना बेदना पोख्न आतुर थिए
तर विवस म उनिहरुको चीत्कार सुन्न असमर्थ भए
घृणित परायतन्त्रको पार्दर्शिता छताछुल्ल रहेछ

  •  
  •  
  •  
  •  
  •  
  •  
  •  

भट्टि खोलेको छु

चिउरा भुजा बियर सबै जम्मा मैले गरि सके
हिस्सि काली डिम्पलवालि क्यासियर नि राखी सके
ब्रोइलर रागा भेडो खसी, त्यो नि सारा खोजी सके
तीन पाने र चार पाने नि खोजी घैलो भरिसके
गल्ली भित्र अध्यारोमा छाप्रो मैले हालेको छु
कर्याकर्ता येतै आउन भट्टि मैले खोलेको छु

जो नै आउन काङ्ग्रेस कम्निस्ट मेरो भट्टि चल्नु पर्यो
बेरोजगारी बढेको छ भत्ता बाढ्न आउनु पर्यो
भेस्ट सारै कमसल भयो अलि टिक्ने बाड्न पर्यो
नेपाल बन्द आन्दोलन ले सडक फेरि तात्नु पर्यो
नया बाइक किन्नलाइ पुरानो साइकल बेची सके
येतै आउन कार्यकर्ता भट्टि मैले खोलि सके

तपाइ हाम्रै हामी तपाइकै कसलाइ केको पिर परो

  • 3
  •  
  •  
  •  
  •  
  •  
  •  
    3
    Shares

रेगिस्तानबाट साथीलाई चिट्ठी

आऊ साथी यहाँ के छैन सब थोक छ
रोग छ शोक छ अनि वियोग छ
पैसा छ ऐश छ अनि सकिएको वैंश छ
सुन्दरीको ताती छ सेकिएको छाती छ
अँध्यारो नहुने रात छ दुई तलाको खाट छ
ओहो साथी यहाँ के छैन सब थोक छ

  •  
  •  
  •  
  •  
  •  
  •  
  •  

जुनि काटौ सङ्ग सङ्गै हासेर

तारे भिरमा गोरु जोते ह ह माले ह ह
आउन सानू माया गासौ ह ह तारे ह ह
नौमती बाजा बजाउदै
लैजाउला डोलिमा तिम्लाइ सजाउदै

हिउद गयो बर्खा लाग्यो पानी झम झम
भाच्देउ साइली फुर्के कम्मर नाच्दै छ्म छ्म
ट्याम्के भिरमा गुरास फुल्यो टिपि ल्याइ दिउला
बाचे सङ्गै मरे सङ्गै जोवन तिम्लाइ दिउला

डोरि राम्रो बाबियो बाटेर
जुनि काटौ सङ्ग सङ्गै हासेर

सिङ्गापुरको रातो सारि हङ्कङको सुन
तिमी मेरि तारा प्यारी म हु तिम्रो जुन
देउरालीका देवि देउता पिपलु र वर
म छु तिम्रो तिमी मेरि के लाइ मान्छेउ डर

बनै राम्रो मुनाल नाचेर
जुनि काटौ सङ्ग सङ्गै हासेर

  •  
  •  
  •  
  •  
  •  
  •  
  •  

शर्त बिचको अर्थ र जीवन

भाग्यले चुडालेको डोरिमा
चमेरो झै उल्टो झुन्निने
अमुर्त सपनाको तुच्छ उपासक
कल्पना र यथार्थ बिचका कोशे दुरिमा
आरोह र अवरोहका मृदुभासी सुस्केरा सङ्गै
लहरिदो छ बरालिदो छ
समयको मात चढ्दो छ उस्तै रफ्तारमा
त्यो बहाब अनि तेसबाट निस्केका माधुर्यता
ओहो !!कत्ति परिपुरक छन एक आपसमा
उ एक टक गन्दो छ आकाशका ताराहरु
कपोल्कल्पित सन्सारमा कहिले रात
औशी भुइचालो सुनामी त
बासै उठाउने बाढिले
बेला बेला झक्झक्याउछ्न उस्लाइ
पत्तै नपाए झै कति शान्त मलिन मुस्कुराइ रहन्छ
उनको सुगन्ध बोकेर आउने
नवीनम पवनका झोक्का हरुले
हिक्क हिक्क बाडुल्की लिदै
गिज्याउदै आफ्नै गोरेटोबाट दौडन्छ्न

  •  
  •  
  •  
  •  
  •  
  •  
  •  

हाम्रो सपना – केही गर्नु छ

साना साना नानि हामी फुलका कोपिला
देशलाइ बनाउनलाई बनौ जोसिला
बिगारेर भत्काएको बनाउनुछ हाम्ले
कुरा धेरै भए यहाँ देखाउनु छ कामले
आउन साथी वरि परि गरि हातेमालो
फाल्नु पर्छ सबै मिलि यो देशको जालो
देश तिम्रो देश हाम्रो पुर्खा को पौरख
भृकुटी र सीता बुद्ध यसैमा छ गौरव
सगरमाथा लुम्बिनी र कन्चनजंगा नामले
बिदेशमा चिनाउने छौ गरि येस्तो कामले
साना साना नानी हामी फुलका कोपिला
देशलाइ बनाउनलाइ बनौ जोशिला
बन्द हडताल विरुद्ध मा एक भइ जुटेर
उठ साथि झटटै अब हुदैन है सुतेर
पढिलेखी ठुलो मान्छे देशको लागि बन्नुछ
नेपालको नेपाली हौ गौरव गरि भन्नू छ
ता ता तु तु ते तै चरी चुच्चे च

  • 1
  •  
  •  
  •  
  •  
  •  
  •  
    1
    Share
20200921_161920

बिछोडको पिडा

कति खपु चोट व्यथा , जिन्दगी नै भार भयो
कसलाइ सुनाउ जीवनकथा , जीत पनि हार भयो

माया प्रेमले रुवाएर , आँसु पनि थाकिसके
जिन्दगानी शुन्य लाग्छ , आफै भित्र मरिसके

सङ्गै बाच्ने सङ्गै मर्ने , हाम्रा बाचा कसम हरु
बाटो तिमिले माग्या भए , मुटु झिकी दिन्थे बरु

छाडी जानै पर्ने भए , मलाइ मारी गए हुन्थ्यो
तिम्रै जस्तो यो मन पनि , ढुङ्गा सरि भए हुन्थ्यो

सक्दिन म धेरै बाच्न , विछोडको पीडा खपि
कति बसु पर्खाइमा , मृत्युको माला जपि

  •  
  •  
  •  
  •  
  •  
  •  
  •  
20200921_161920

मावो, भृकुटी र पृथ्वीनारायण

ए कोहि छ ?
तेसले नाक खुम्च्यायो
उसले मुन्टो बटार्यो
अर्कोले टाउको कन्यायो
छेवैको ले देखेन
देख्नेले नि हेरेन
हेर्ने ले नि देखेन
परकोले मोबाइल निकाल्यो
घोप्टिएको शिरले
सन्सार देख्यो नजिक देखेन
जे देख्यो त्यो लेखेन

तारामण्डलको छानो
सिमली परेका भित्ता
सिस्नोको फाडो
पुरानो बर्को
पुसको जाडो मा
एक कोसो केरा
दसजनाको सामुहिक तस्वीर
तस्विर देख्यो व्यथा देखेन
एक कोसो केराले जाडो छेकेन
जे खिच्यो त्यो लेखेन
जे लेखेन कसैले देखेन

ए हजुर कता
झण्डा नफेर्ने
पहिचान नफेर्ने
तिम्रो गुलामको ऋण चुकाउ
ती शोषकिका बङगारा फुकाउ
तिम्रो हक र अधिकार नलिने

  •  
  •  
  •  
  •  
  •  
  •  
  •  
20200921_161920

यथार्थका मुना मदन

रुदो हो वृक्ष फक्रेका फुल ओइलाइ जादा मा
हरिको जीवन कसरी बित्छ? मन ती छ राधा मा
बुझिदेउ राधा पर्खेर बसे म छिट्टै आउला
कमाइ धेरै खुसिका पोका घर अनि सजाउला

ए मेरा हरि जिन्दगी भरी यो प्राण हजुर को
बिना ती मन्दिर के अर्थ भो र सुन कै गजुर को
एक गाँस आधा बाडेर खाउला सङ्ग सङ्गै बसेर
कटाउला जीवन दुख र सुख सङ सङै हासेर

खोला को ढुङ्गा पुजिन्न राधा मन्दिर न आइ
फर्केर छिट्टै आउनेछु प्यारि आफ्नो केहि बनाइ
बुवालाई लाठी आमालाइ ढुङ्गरि तिमी लाई फरिया
कसेर ल्याउछु खुसी लाई बोकि बनाइ भरिया

चाहिन्न मलाइ ढुङ्री र सारि भैदिए छेवैमा
पौरख गरौ खियाइ नङ्ग्रा सुन फल्छ मेवैमा

  •  
  •  
  •  
  •  
  •  
  •  
  •