उडाइदिनु यादहरू सिमलको भुवासँगै

लेखेका ती गीतहरू च्यातिदिनु धुवासँगै
साचेका ती प्रीतहरू पुरिदिनु कुवासँगै
पाइलाका डोबहरू आलै होलान अँझै पनि
कतै सुने हल्लाहरू बगाइदिनु गङ्गासँगै

उकाली र ओरालीले जिस्क्याउलान कहिलेकाहीं
आँखा तरी हेरिदिनु काडा हाँसे फूलसँगै
लेखेका ती गीतहरू च्यातिदिनु धुवासँगै
उडाइदिनु यादहरू सिमलको भुवासँगै

तौलिएका माया प्रीति खहरेको खोलासँगै
बगी गए सपना ती एक नम्बरी तोलासँगै
वारिपारि न्याउलीले मेरो बारे सोधे भने
बाटो मोड्नु कान थुनी अगाडिको घुम्तीसँगै

लेखेका ती गीतहरू च्यातिदिनु धुवासँगै
उडाइदिनु यादहरू सिमलको भुवा सँगै