आधुनिक गीत

फैलियो माया दुबो सरी कहिल्यै घटेन
कहाँ राखुँ तिम्रो याद यो दिलमा अटेन

चोली राम्रो पाल्पाली ढाकाको
हेराइ राम्रो मायालु आँखाको
झिल्के मजुर
ख्याल माया लाग्दैन हो तिम्रै हजुर

हजार जुनीसम्म
खोजिरहें तिमीलाई
माया मेरो युगयुगसम्म
तिमीलाई दिएँ तिमीलाई

धेरै दिन भो तिम्रो झझल्को
यो मनमा आउन छोडेको
कतै तिमीले माया मार्यौ कि
मलाई साँच्चै नै भुलिदियौ कि

यस्तै रहेछ यहाँको चलन
हार्नेको आँसु जित्नेको हाँसो
मेरो छैन केही तिमीलाई गुनासो

सफल तिम्रो त्यो जिन्दगीलाई
यो दुखीको बधाइ छ
परिवर्तन भयौ के कारण तिमी
यही नै मेरो सोधाइ छ

तिमीलाई अचेल कहॉ भेटुँ
पहरामा भेटुँ या छहरामा भेटुँ
कि दिल हर्ने त्यो फूलको लहरामा भेटुँ

बादल बनाइदेऊ आकार बदल्न सकुँ
क्षमता दिलाइदेऊ जिउँदै म जल्न सकुँ

तिम्रो हर प्रश्नको जवाफ
मेरो चिठीहरुमा खोज्नू
यदि चित्त तिमीलाई बुझ्दैन भने
मेरो सामुन्ने आएर सोध्नू

गरुँ कि मिठो भूल छोउँ छोउँ लाग्यो मलाई
अँगालोमा बाधिराखुँ कि
यो बैँसको फूल टिपुँ टिपुँ लाग्यो मलाई
मनको फुलदानीमा सजाउँ कि

पूर्णिमाको रात पनि औंसीको झैं लाग्न थाल्यो
मेरो जीवन तिम्रो सिउँदो कुन पापीले रगांइहाल्यो

प्रतीक्षा गर मेरी मायालु
समयले मानिसलाई कहाँ कहाँ पुराउँछ
कहिले हसाँउछ कहिले रुवाउँछ
आँसु र हाँसोको संगम पनि गराउँछ