अन्तर्राष्ट्रिय नेपाली साहित्य समाज (अनेसास) क्यालिफोर्निया च्याप्टरले जुन २५, २०१७ आईतवार सॉँझ “अनेसास आठौं काव्य गोष्ठी शृंखला “अनेसास लसएन्जलस च्याप्टरका अध्यक्ष डन कार्कीको निवासमा सम्पन्न गरेको छ ।
सो काव्य गोष्ठीमा साहित्यकार महानन्द सापकोटालाई स्मरण गर्दै श्रष्टाहरुले आफ्नो रचनाहरू वाचन गरेका थिए।
1, फलैंचा माथी
निर्धक्क अजिङ्गर
देश आतंक
2,मुखमा राम
बगलीभित्र छुरा
जटायु वली
3, ढलेको सोच
तात्तो न छारो भयो
आफ्नु यो देश
4, प्रभुको लिला
चोरलाई चौतारी
साधु शुलिमा
5, मति हरायो
अल्मलियो डगर
प्रचण्ड गर्मी
6, सबै जोगी यी
कानै कान चिरेका
छ सय एक
7, बालुवाटारमा
मादक रमाइलो
खाडीको लाश
8, ताली र गाली
सत्यनै पो रहेछ
गणेशमान जी
9, जन पिरलो
कमिशनको खेल
जंगली राज
10, सेता परेवा
रगतको बगर
तर्साउने भूत
11, कस्तो नौटंकी
जाली झेली मिलेर
गोदाम रित्तो
कसरी दिउँ शुभकामना तिमीलाई
धरहरा अझै उठेको छैन
शीतलहरमा छोपिएको मधेश
कुहिरो अझै फाटेको छैन
कसरी दिउँ शुभकामना तिमीलाई
किचिएको लास अझै उठेको छैन
लमतन्न ओछ्याएर सांगुरोमा
अभावहरुको मृदंग बजेको बेला
कसरी दिउँ शुभकामना तिमीलाई
ढलेको घर उठेको छैन
शिशिरहरु आकाश ओढेर बिते
सिरेटोमा सिरक छैन
कसरी दिउँ शुभकामना तिमीलाई
वादल अझै हटेको छैन
आकाश अझै खुलेको छैन
कसरी दिउँ शुभकामना तिमीलाई
रगत अझै सुकेको छैन
बत्ति बाल्दा चिम बल्दैन
मनहरु कतै संगलिएकै छैन
कसरी दिउँ शुभकामना तिमीलाई
पुर्व अझै खुलेको छैन
तिम्रो रथारोहणको शुभकामना
चाकडी बजाउन सक्दिन म
आमाले जन्माउदा ती जुम्ल्याहरूको रंग केही फरक थियो ….. ।
बाले जमानामा जंगलामुलुक फाँडेर ओरालो भिरालो, समथर जोडेर कुलो पैनी खनेर एउटा ठुलो खेत तयार पार्नुभएको थियो, आमैले धेरै दुख: गरेर दुई भाइ जुम्ल्यहा दाजुभाइलाई हुर्काउनु भो बढाउनु भो पढाउनु भो, सारै मिल्थे दुवै जना । शत्रु उनीहरूको एकता देखेर सिर ठाडो गर्न सक्दैन थिए ! शत्रुहरू इर्श्या र डाहा गर्थे उनीहरूको एकताको मिशालनै थियो उनीहरूको कारणले त्यो गाउँमा शान्ति अमन चयन र न्याय थियो । कसैले पनि अनाहकमा दुख:पाउदैन थिए सारै सभ्य गाउँ थियो त्यो ।
