Skip to content

मन पर्यो (तीजको कविता)


तिमीले
रातो साडीमा
हरियो पारीमा
घुम्टो ओढेको
त्यो पहिरनको
स्वभाव
मन पर्यो

तिमीले
हरियो अनि
रातो पोतेमा
तिलहरी
लगाएको
पोतेको रंग
अनि तिलहरीको
फ्युजन
मन पर्यो

त्यो पोतेको
पहेंलो रंग
त्यो रंगले
अँझै खुलेको
मन पर्यो

राता हरिया
चुराहरूसँगै
लगाएको
बाघमुखे
पहेंलो सुनको
त्यो चुरा
ती चुराहरू
सुहाएको
मन पर्यो

सिउँदोको सिन्दूर
निधारमा टीका
अनि घुम्टो
अँझ त्यो घुम्टो
अलिकति उठाएर
विनम्रताको त्यो
मुस्कान
त्यो मुस्कानको
सुन्दरता
मन पर्यो

हाँस्दा
शिर निहुराएर
अलिकति लजाएको
त्यो मायालु
स्वभाव
झनै मन पर्यो

आँखा छलेर
छड्के नजरले
हेरेको
त्यो हेराइ
त्यो भावुक हेराइको
गहनता
त्यो सुन्दरता
अतिनै मन पर्यो
—————————–
शुभ कामना तीज -२०१६
क्यालिफोर्निया,अमेरिका

Leave a Reply

Your email address will not be published. Required fields are marked *