धेरै कामहरू भए
धेरै घामहरू गए
वर्षहरू बितिरहे
नयाँ नयाँ भइरहे
कति कुराहरू मोडिएका छन्
कति कुराहरू जोडिएका छन्
कति नमागी भेटिएका छन्
कति नभेटी मेटिएका छन्
यो यात्रामा
कतिले जोडेर गए
कतिले छोडेर गए
कतिले तोडेर गए
कतिले मोडेर गए
पाइलासँगै कति मेटिए
धेरै पाईतलाहरूसँगै भेटिए
कति रिसाए कति खुसाए
कतिलाई भेटन सकिएन
भेटिएका सबैलाई
यो मन भित्रबाट
मेटनै सकिएन
धेरै गल्ती भए होलान
केही सही भए होलान
विन्ती छ गल्तीलाई सच्याइदिनु होला
सहीलाई आत्मसात गरेर
२०१६लाई बिदा गरौँ
२०१७लाई स्वागत गरौँ
नयाँ आगमन आरम्भ
शुभारम्भ शुभागमन
हार्दिक हार्दिक शुभकामना
२०१७लाई शुभारम्भसँगै
शुभकामना, शुभकामना !
———–
शान्तिराम ढकाल
कोषाध्यक्ष अनेसास