विनीत ठाकुर

९७.
चंदन गाछ
चुनमुन चिड़ैया
ससरे साँप ।

९८.
धनुषा धाम
बहैत बाल गंगा
पवित्र भूमि ।

९३.
कारी महिस
घाँसक हरियरी
दूधक धार ।

९४.
खोँता सँ मैना
उड़ऽलेल आतुर
बाहर जाल ।

८९.
मुदुस्सा चिडै
दिन भरि आन्हर
साँझ मे तेज ।

९०.
बकुला ध्यान
नदी के किनार मे
हेले बुआरी ।

८५.
सिक्कैट पर
पाकल तिलकोर
खोदैय सुगा ।

८६.
कमल फूल
पर्शुराम कुण्ड मे
हेलैय सिल्ली ।

८१.
अपन रंग
बदले गिरगिट
मौसम संग ।

८२.
अँरिया खस्सी
देवीजी मन्दिर मे
चढ़ल भोग ।

७७.
सपनौर सँ
लड़ल गहुमन
खण्डित भेल ।

७८.
दू टा विवाह
कयलक मुसबा
अगहन मे ।

७३.
रातुक तारा
आकाशक दुलार
तृप्त नयन ।

७४.
सखुवा गाछ
चीर कऽ पासान के
परसे छाँही ।

६९.
चतुर नारी
खुजल बरद के
नाथत आब ।

७०.
पालल सुगा
पिँजरा सँ उडिते
भेल उदाम ।

६५.
चलैत लू मे
अकुलायल मोन
ठंढ़ा शर्बत ।

६६.
मगरमच्छ
दयालु साधू लग
बहाबे नोर ।

६१.
धानक बिया
मुसलधार वर्षा
खुशी किसान ।

६२.
तेज गर्मी मे
प्रचण्ड तूफान सँ
खसल गाछ ।

५७.
धानक शीश
मूसक बिहुर मे
अगहन छै ।

५८.
ग्रीष्म ऋतु मे
चढ़ल तापमान
किटाणु नष्ट ।

५३.
कारी भँवरा
सनई के फूल पऽ
करे मिलान ।

५४.
अस्त सुरुज
कमलक फूल मे
भँवरा बन्द ।

४९.
हऋण मस्त
अपन हिरणी मे
बाणक वर्षा ।

५०.
कचबचिया
करैया कचबच
पहर बोध ।

४५.
सर्द बसात
ठिठुरल गरीबी
चिता पऽ बूढ़ ।

४६.
गुलाब फूल
ओहने छै सुन्दर
जेहन भाव ।

४१.
जरैत दीप
चहुँ ओर इजोत
पेनी अन्हार ।

४२.
तेज चामुक
चलैय टमटम
हकमे घोडा ।

३७.
जीर्ण पोखरी
मुँह बावि सितुवा
उगले मोती ।

३८.
रातुक शेर
दिन मे लटकल
उन्टा बादुर ।

३३.
आन्हर साँप
मुँह मे छुछुन्नर
घोटत नहि ।

३४.
घोटि कऽ मृग
अजगर अचेत
पिबे बसात ।