विविध-विधा

तिमी समीप आइदिंदा तिमीसँगै बसौं जस्तो
तिमी ओझेल हुन लाग्दा भिरबाट खसौं जस्तो

कल्पना मै डुबिसके तिमी अन्तै धाउने गर्छौ
पाउन अब तिमीलाई लाग्छ कम्मर कसौं जस्तो

अपवित्र रैछ यो मन फेरि पनि धुन्न नानु
गाह्रो रैछ पवित्र मन भाको मान्छे चुन्न नानु

बोली पनि अपवित्र लाग्छ क्यारे तिमीलाई मेरो
तिम्रै निम्ति गाएँ गजल एक्कै पल्ट सुन्न नानु

बिकास गर्न सबले पाइला चाल्नै पर्छ अब
भ्रष्टचारी बस्ने कुर्सी बाल्नै पर्छ अब

कुर्सीकै आड लिई जनता दमन गर्नेहरू
तिमीलाई लगी त्रिशुलीमा फाल्नै पर्छ अब

राम्रो उपनाम तिम्रो लागि अबदेखि घोक्दिन म
तिम्रै यादमा जाँड रक्सी कहिल्यै पनि धोक्दिन म

कोठाभित्र छिर्नु अघि खोक्ने गर्नु भन्थ्यौ तिमी
कोठा भित्र छिर्छु सिधै बाहिरबाट खोक्दिन म

जीवन मैले सुख ठाने दु:ख मात्र हात लाग्यो
राम्रै नाता जोडन खोज्दा दुनियाँको बात लाग्यो

सोचे जस्तै हुन्न रैछ चेतनशिल मान्छे पनि
मान्छे नभै पशु भन्दा तलको त्यो जात लाग्यो

दिलको घरमा उज्यालो बत्ती बाल्नेलाई खोज्दै छु
सँघर्ष जीवन भनेर कदम चाल्नेलाई खोज्दैछु

दुखमा आँसु सुखमा हासोँ बाडेर जीवनभर
सिएर सँधै दुखको पर्दा टाल्नेलाई खोज्दैछु

खुला आकाश
साँझ, तारा र जून
टोलाउँदै म ।

आँखाको तीर
झुकेका यी नयन
मन् छ घायल ।

चोखो माया दिउँला भनी मुटु मेरो छुन्छ्यौ किन?
यत्तिका यी मान्छेबाट मलाई मात्रै चुन्छ्यौ किन?

तिम्रै लागि जन्मिएकी संसारम म त भन्थ्यौ
तर आजभोलि तिमी अर्कै सँग हुन्छ्यौ किन?

उनका तिखा नयन बाण मुटु वारपार भए
छिया छिया भएन मुटु मात्र टुक्रा चार भए

कसलाइ पो माया गर्नु टुक्री एक मुटु लिई
उनकै लागि पनि आज म त ठुलै भार भए

बिदेशीको चक्रब्युहमा फसी रा’छ नेता
जनताको यो नजरबाट खसी रा’छ नेता

भन्ने गर्छ नेपाली म सगरमाथा शिर मेरो
आमालाई, तर हरदम डसी रा’छ नेता

तिमीले घरजम गरौं भन्दा आटेन त के पो भयो ?
धेरै धेरै बाट तिमीलाई छाटेन त के पो भयो ?

भन्ने गर्थ्यौ म त तिम्रै तिमी मेरो हुनै पर्छ
तर तिमीसँग मुटु साटेन त के पो भयो ?

पारपाचुके गरौ बरु तिमी माइतै बस्छेउ भने
मेरो भन्नु केही छैन शड्यन्त्र मा फस्छेउ भने

लोग्ने श्वासनी झगडा त परालको आगो भन्छन
सानो तिनो कुरामा नि माइती घर पस्छेउ भने

छेउमा आई बसै भने मात लाग्ला जस्तो हुन्छ
टाडा कतै जाऊ भने घात लाग्ला जस्तो हुन्छ

नजर नै नसालू छन नसा पीए बराबरका
अंगालोमा बेरू भने बात लाग्ला जस्तो हुन्छ

पहिले पहिले हजुर कै शरणमा पर्छु भन्थिन ।
तिम्री हुन पाएन भने झुन्डिएर मर्छु भन्थिन ।
धेरै भयो नभेटेको मरिन भनि छाक बारे
आज भेटे अर्कै सँग उतै बिहे गर्छु भन्थिन ।

काला पानी लागि सक्यो अब सुस्ता लान्छु भन्छ
यसै गरी पुरै नेपाल उतै तिर तान्छु भन्छ

तिश्टा अनि काकाडा त एका देश को कथा भयो
जुन भुमी राम्रो लाग्यो त्यो म आँफै छान्छु भन्छ

कहिलै नभाको कुरा जिवनमा आज भयो
मेरी आफ्नै प्रेमिकामा अर्कैको पो राज भयो

सजाएर राखी रहे मुटु भित्र उनि लाई
मुटु बाटै चोरी लाने कुन मोरा पो बाज भयो

मेरो संसार तिमी नै हौ भन्ने गीत गाउथिन उनि

अर्कैसँग रमाई रात काट्या छैन नानु
तिमीलाई मैले केही कुरा ढाँट्या छैन नानु

नदेखेको होइन मैले अर्कैसँग तिमीलाई
तर तिम्रो जस्तै यो मन फाट्या छैन नानु

सँग सँगै हिडौ भन्दा, डरायौकी मेरी सानु?
आज भोली देख्दिन खै, हरायौकी मेरी सानु?

तिमीलाई भेट्न जादा मैले, कोठा बन्द भाको पाए
पहिले बस्ने कोठा अन्तै, सरायौकी मेरी सानु?

नाता नभै पनि तिमीलाई मैले आफ्नै मान्न थाले
तिम्रै हुने सपना बोकी मैले जिवन धान्न थाले

म त तिमीलाई आज सम्म विरानो नै लग्छु क्यारे
स्वयम भगवान पनि मलाई पराइ किन ठान्न थाले

कहिले काँही त मिठो बोल झर्किएर हुन्न सँधै
दुनियाँले ताली पिट्छन् तर्किएर हुन्न सँधै

सँकल्प गरिसक्यौं यो यात्रा सँगै गर्ने
सम्झौता ‘नि गर्नु पर्छ दर्किएर हुन्न सँधै