बिकास गर्न सबले पाइला चाल्नै पर्छ अब
भ्रष्टचारी बस्ने कुर्सी बाल्नै पर्छ अब
कुर्सीकै आड लिई जनता दमन गर्नेहरू
तिमीलाई लगी त्रिशुलीमा फाल्नै पर्छ अब
जनताको त्यो कमाइमा मस्तसँग बस्यौ तिमी
बाँकी जीवन जेलामा तिमीलाई हल्नै पर्छ अब
महलभित्र बस्छ्यौ तिमी कसैलाई झुप्रो छैन
तिमीले बस्ने महल पनि ढाल्नै पर्छ अब
जति खाए पनि हुन्न सुगुर जस्तो बानी तिम्रो
घुस् खाने तिम्रो मुख टाल्नै पर्छ अब
थुप्रै थुपारेछौ धन भ्रष्टाचार गरी गरी
तिम्रो त्यही धनले गरीब पाल्नै पर्छ अब