prakashpoudel

मिलनको झिनो आश

मिलनको झिनो आश गर्नु व्यर्थ किन
आघात पछी जँघार यो तर्नु व्यर्थ किन ?

सम्बन्धमा आगो बाल्दै उपेक्षाको खेति गर्यौ
बेमौसमी बिउ अब छर्नु व्यर्थ किन ?

  •  
  •  
  •  
  •  
  •  
  •  
  •  

नियति भो दुख कष्ट

नियति भो दुख कष्ट अनि पीरका कुरा
कति बोक्नु डोको नाम्लो, अनि भीरका कुरा

राष्ट्रियताका नाराहरू धेरै पल्ट चुलिए यहाँ
अति भयो काठमाडौं, गर डोटीतिरका कुरा

आपसमा बेमेल हुँदा, आफैं दुख खेपी राख्दा
अझै किन सोच्दैनौ, यी नेपाली शिरका कुरा

  •  
  •  
  •  
  •  
  •  
  •  
  •  

मायाको चिनो (हाइकु)

मायाको चिनो
जाइफूल फक्रेछ
तृष्णा मेटियो

विशुद्ध माया
आगलागी हुर्कदै
टालो फाटेछ

कालो चियामा
ओठको लाली झर्यो
स्वादको झट्का

  •  
  •  
  •  
  •  
  •  
  •  
  •  

पागल प्रेमी

तिम्रो सिउदो मेरै हातले भर्न तयार छु
हात समाई संगै खोला तर्न तयार छु
हामि बीचको दुरी अझै कम गर्न चाहन्छु
इसारा देउ मात्रै तिमि तिरै सर्न तयार छु

जुवा हार्ने अभागीलाइ नि माल आउदो रैछ

  •  
  •  
  •  
  •  
  •  
  •  
  •  

पराइको मायाभन्दा

पराइको माया भन्दा घरायसी कल मिठो
काचो र कट्मेरो आफ्नै खेतको फल मिठो

भो कुरा नगरौ ब्रम्हापुत्र र मिसिसिपीको
दुर्गन्धित नै भए पनि बागमतीको जल मिठो

पार्टी वर्ग राजनीति बर्षौदेखि भोगिरा’छौ
लाग्यो मलाई सबैभन्दा साहित्यिक दल मिठो

  •  
  •  
  •  
  •  
  •  
  •  
  •  

दिनभरिको थकान

दिनभरिको थकान मेट्न पिएकै हो हजुर
पसिनाको फल पनि लिएकै हो हजुर

परिवारमा रुवाबासी रित्तो आकाश धर्ती
लाज छोप्ने एउटा टालो सिएकै हो हजुर

कस्तो दुखी कर्म लिई जन्मिएछ यहाँ
संगालेको माया सबलाई दिएकै हो हजुर

  •  
  •  
  •  
  •  
  •  
  •  
  •  

नजरको तीर हान्दै

नजरको तीर हान्दै मायाजालमा पार्छ्यौ ठुली
सहमतिका हातहरू किन पर सार्छ्यौ ठुली

मनमा बत्तीतनमा शक्ति शिरमा सगरमाथा
जित्नुपर्ने यो बेलामा झट्टै किन हार्छ्यौ ठुली

भताभुङ्ग मन हुदा सम्हालिन सक्ने तिमी
नारायणीको रित्तो डुंगा कतिन्जेल तार्छ्यौ ठुली

  •  
  •  
  •  
  •  
  •  
  •  
  •  

फक्रेको फूल:चम्किलो नक्षेत्र

हाम्रा विकल
बसन्ती पालुवा हुन्
राम्रा विकल

शीत नसुक्दै
क्षितिज नरंगिदै
विकल देखे

  •  
  •  
  •  
  •  
  •  
  •  
  •  

हाइकु

परेली भाका
प्रतिक्षाको आखाले
समय छेक्यो

साहसी नाम्लो
चिनो साटीरहेछ
दियोको ताप

पछ्यौरी भित्र
बैश छोप्ने प्रयाश
हावाको बेग

गुन्जनगर ४, चितवन

  •  
  •  
  •  
  •  
  •  
  •  
  •  

मृगतृष्णा

दुरुस्तै देखाउने दर्पण फोड्न सिकिछौ
बाचा गरि आफै बचन तोड्न सिकिछौ
डुङ्गा चढाई समुद्रको गन्तव्यमा पुगे भन्दै
समुद्र को बिचै बाट मोड्न सिकिछौ

गुन्जनगर ४ चितवन

  •  
  •  
  •  
  •  
  •  
  •  
  •  

मोफसलः पीडा र रचनाशक्ति

माटोको सुगन्ध बोक्ने सिर्जना आयातीत नारा र विदेशी नक्कलभन्दा धरै शक्तिशाली हुन्छ, यस्तो साहित्य यथार्थका भोगाइहरूबीच फस्टाउँछ । ढुङ्गा फोरेर हुर्कने पीपलजस्तै यस्ता साहित्यले फस्टाउन अरूको सहारा लिनुपर्दैन । यो आफ्नै सामर्थ्यमा हुर्कन्छ, फस्टाउँछ र मूलधारमा समाहित भएर इतिहासमा आफ्नो स्थान आफैँ बनाउन सक्षम हुन्छ । मोफसललाई न त राजधानीको थाँक्रोको चढ्नुपर्छ, न कुनै समालोचक र अखबारी स्तम्भकारहरूको गुटगत चर्चाको अशीर्वादकै आवश्यकता रहन्छ । शक्तिशाली कलमहरू मोफसलमा रहेर पनि आफ्नै रचना शक्तिमा स्थापित हुँदै आएका छन्, रचनाशक्ति नहुनेहरू राजधानीमै रहेर पनि पानीको फोकाझैँ अस्तित्वबोध हुन नपाउँदै बिलाएका पनि छन् । मोफसलमा रहेर निरन्तर सक्रिय कलमहरूले यसको दृष्टान्त दिई नै रहेका छन्, राष्ट्रिय मूलधारको साहित्यलाई चुनौती दिँदै आफ्नो स्थान बनाइ नै रहेका छन्, बनाइरहने छन् ।

  •  
  •  
  •  
  •  
  •  
  •  
  •  

कविताको कमाल

हेर्नोस्, सबै रोगको अचूक औषधि भनेजस्तै हो कविता ! क्रान्ति गर्नेदेखि शान्ति भर्ने काम कविताले गर्छ । नपत्याए हेर्नोस् कविताको कमाल ।

कहाँको बहुलट्ठी कुरो गर्छ भन्नु होला बहुदलमा एकलठ्ठी भए त अधिनायक भइहाल्यो नि ! बहुलठ्ठी भए पो एउटाले लठ्ठी चलायो कि अरू लठ्ठी लठ्ठक बन्दैनन् र उस्तै परे लठ्ठीको झट्टी वर्षन बेर हुन्न । यही लठ्ठी अर्थात् पौरुष्यमा पट्टी पठ्ठासँग लठ्ठी कट्टी प्रदर्शनमा पछि पर्दैनन् । नपत्याए डान्सका डनसँग सोध्नोस् । पठ्ठा पनि ठट्टै ठट्टामा चट्टीको झट्टीको भय नआउने भए पठ्ठीसँग लठ्ठी लट्टपिट्ट िपार्न बेर हुन्न ।

  •  
  •  
  •  
  •  
  •  
  •  
  •  

अनेसासको ईजरायल च्याप्टर गठन

अनेसासको ईजरायल च्याप्टर गठन
समुद्रपारि डट कम सम्बाददाता –

३ जनवरी, ०९ । इजरायलको तेलअभिभमा लेखक साहित्यकार तथा साहित्यप्रेमीहरुको शुक्रबार भएको एक भेलाले नेपाली भाषा साहित्यको प्रचारप्रसार गर्दै विश्वसामू चिनाउनुकासाथै प्रवासमा रहेर नेपाली साहित्यमा थप योगदान पुरयाउने उद्देश्यका साथ अन्तर्राष्ट्रिय नेपाली साहित्य समाज इजरायल च्याप्टर गठन गरिएको छ ।

  •  
  •  
  •  
  •  
  •  
  •  
  •  

अनेसास जापानले सहित्य शृंखला तथा शोक सभाको आयोजना गर्ने

अन्तर्राष्ट्रिय नेपाली साहित्य समाज (अनेसास) जापान च्याप्टरद्वारा ११ जनवरी, २००९ आईतवारका दिन ५ औं सहित्य सृन्खला तथा शोक सभाको आयोजना गरिने जानकारी प्राप्त भएको छ । अनेसास जापानले गत बर्षदेखि प्रारम्भ गरेको कार्यक्रम साहित्य शृंखला- साहित्यिक रचना र सन्स्मरण सुन्ने-सुनाउने चौतारीको रुपमा स्थापित हुँदै गएको छ ।

  •  
  •  
  •  
  •  
  •  
  •  
  •