दिनभरिको थकान मेट्न पिएकै हो हजुर
पसिनाको फल पनि लिएकै हो हजुर
परिवारमा रुवाबासी रित्तो आकाश धर्ती
लाज छोप्ने एउटा टालो सिएकै हो हजुर
कस्तो दुखी कर्म लिई जन्मिएछ यहाँ
संगालेको माया सबलाई दिएकै हो हजुर
घाम डुब्यो, बत्ति छैन, अन्धकार सबै
हिजो मात्रै किनेको मैन खिएकै हो हजुर
पैतालामा रगत धारा हातमा फुस्रो माटो
संघर्षशील जीवन मैले जिएकै हो हजुर
बागेश्वरी गजल अङ्क २०६२, चितवन