भावना सुब्बा

स्काउटले परोपकारी बन्न सिकाउछ
जहाँ जे पर्छ त्यहाँ स्काउट झिकाउछ

निस्वार्थ, नम्र, दयावान, सिप विकास गर्दै
पर्या बेला आफ्नो मिठो बोली विकाउछ

कुनै न कुनै रुपमा स्वार्थी हुन्छ मान्छे
आफ्नै मुलुकमा नी शरणार्थी हुन्छ मान्छे
अथाह हुन्छ ज्ञानको सागर सिकेर सकिन्न
जीवनको अन्त सम्म विद्यार्थी हुन्छ मान्छे ।।१।।

असर हैन प्रभाव पार्न सके पो राम्रो
भतेरमा कवाव पार्न सके पो राम्रो
कुकुर बिरालो झै लडेर के हुन्छ र यहाँ
संविधान लेख्न दवाव पार्न सके पो राम्रो ।।२।

सवालः लक्की तारा

धेरै खुशी लागेको छ साथी पाएको छु
जीवन जिउने बहानामा माया लाएको छु
बाधाहरू आइपर्दा दुवै मिली पार गर्दै
सुख दुःख साथ दिने कसम खाएको छु ।

सीमा ननाघ्नु
अन्यायले कहिल्यै
सामान्ती भई
र्फकने बाटो राख
टेक्ने माटो राख्दैनौ ?

२०६९-९-१९

सवालः लक्की तारा

आफ्नै गाउँ पनि आज नौलो लाग्न थाल्यो
शायद यो ठाउँमा तिम्रो अभाव जाग्न थाल्यो
खै कस्तो के-के हुन्छ मनै बुझ्दैन
जे जे र्हेछु सबैले नै तिम्लाई माग्न थाल्यो ।

जाड रक्सी कस्ले जन्मायो होला
स्नेहले पुकारेर कस्ले अन्मायो होला
उत्सुकता जागेको छ उर्लिएको भेल भै
सबैभन्दा पहिले कस्ले अप्नायो होला ।।१।।

१)
सदैव हुने
बलात्कृत यो मन
दिवा सप्नामा ।

२)
बाटो काट्यौ
बिरालाले जस्तो पो
मतलबी भै ।

न घरको न घाटको जिन्दगी
न भुईको न खाटको जिन्दगी

भीरको चिण्डो उधो न उभो
न ढाटको न आँटको जिन्दगी

बज्दैन ताली
एक हातले साथी
दोषी नदेखी
नियाल्नु कमजोरी
कहाँ के के मा भयो ।

अटाएको छ लाखौ लाख
तिम्रो न्यानो काखमा
तिम्रै प्रतिविम्वको स्वरुप
बसेको छ सबैको नयनहरूमा
संसारले चिनेको छ सगरमाथाको देश भनी
अनि त मन पराउछन् आगनतुकहरूले
यहाँको भाषा र भेष पनि

गुम्सिएर सधैंभरि नबस है नारी
आफनै नजरबाट नखस है नारी

एउटीको प्रगतिमा अर्की रमाऔं
व्यर्थको लालचमा नफस है नारी

ब्यूँझ नारी तिमी ब्यूँझ
चुप नबस समय छ भनेर अझ
पाउन आफ्नो अधिकार नहट पछि
नत्र पर्नेछौ जालमा परेको झै माछी
निर्वल, असक्षम सम्झनेहरू नारीलाई
शोषण गरी दबाउने छन् फेरि फेरि
त्यसैले ब्यूँझ नारी तिमी ब्यूँझ

मेरो क्यानभासमा तिमी
नौलो आभाषमा तिमी

औंसीको रात जुनकिरीको
मधुरो त्यो प्रकाशमा तिमी

पाएँ मैले मेरो नाममा एउटा चिठ्ठी
चिठ्ठीको प्रेषक वेनामी
जाग्यो उत्सुकता अति तिव्र भएर
हतार च्याते खामको छेउ
तिमीले पठाएकी रहिछौ
दोहोर्याएर पढे
भूले केही क्षण आफैलाई

जे गर्दा फाइदा हुन्छ त्यही गर्नु पर्छ
हारपछि जीत हुन्छ मुस्कान छर्नु पर्छ

काने खुशी गर्दै कुरा काट्दा नडर्नु है
रुवाइ पछि हाँसो आउछ अघि सर्नु पर्छ

बाहिर देख्दा राम्रो फर्सी भित्र कुहेको छ
देख्छौ होला हासी खुसी मन रुएको छ

घमण्डले फुल्लिनु नपरोस कोही पनि
आकाश छेड्छु भन्ने बास नुहेको छ

१.
आफ्नो छाडी पराई मन्त्र जप्दै बस्न नपरोस
विकृतीको आगोमा घ्यु थप्दै बस्न नपरोस
धर्ति संज्ञा पाएको छ भन्दैमा नारीले सदा
सबै अन्याय अत्याचार खप्दै बस्न नपरोस ।

राजनितीका कुरा जान्नु बुझ्नु सकिन
गंगा सम्झीएर त्यसमा रुझ्नु सकिन
मानसपटल भरि विकार साँची बोकी
मन्दिर धाइ मैले देवता पुज्नु सकिन ।१।

१.
कति छल्न सक्छ नियतिले छलोस
जति चल्न सक्छ कृतिम हावा चलोस
जे जे हुन्छ परि आउछ भोगी बाँच्नु छ
केही गर्ने चाहानाको दिगो दीपक बलोस ।