Skip to content

भावना सुब्बा

तिम्रो कुरा त

सुर्ति जस्तो कोक्याउने तिम्रो कुरा त
अरुलाई साह्रै होच्याउने तिम्रो कुरा त
ताग परे तिवारी नत्र गोतामे भन्या झै
आफ्रनो दुनो सो झ्रयाउने तिम्रो कुरा त ।।१।।

चार मुक्तक

जेथाको नाममा तिम्रो माया छ
आफ्नो भन्नु तिम्रो छाँया छ
मेरो साहस, उर्जा हौ र त
तिमीमा नै मेरो काया छ ।।१।।

सुन्दर कविताको धनि
स्वच्छ विचार बनि
वहि दियौ इन्द्रावति झै
मेरो जीवनमा पनि ।।२।।

मिठो छुरा धस्यो

अचानक आयो नयनमा बस्यो
थाहा नपाइ मेरो मनमा पस्यो

जब जब ओझेल पर्छ ऊ तब
सम्झनामा आँशु बनी खस्यो

पूर्ण विश्वास दिलाएर मलाई
चोखो मायाको डोरीले कस्यो

तिमी जस्तो म

तिमी जस्तो म,म जस्तो तिमी हुन सक्दैनौ
अशान्तिमा आपसको मनमेटाव धुन सक्दैनौ
कि वारि कि त पारी भएको जाती हुन्थ्यो
मझधारमा रुमलिई हाँस्न अनि रुन सक्दैनौ ।।१।।

जस्ले देख्यो नराम्रो उसलाई भन्नु केही छैन
जस्तो बोल्यो त्यस्तै बोल्ने कदापि बन्नु छैन
ज्ञात नभएको हैन परिन्छ कुनै दिन आफै
जानाजानी पुर्न नसकिने खाडल खन्नु छैन ।।२।।

फटाहा की फटाइ ?

एउटा फोटोकपी पसलमा नागरिकता लिएर ग्राहक आउनु भयो ।

ग्राहकः नचिनीने कालो बनाएर फोटोकपी गरिदिनुस, NTC को सिमकार्ड झिक्नुछ, नागरिकता अर्कैको छ फाराम भर्दा टाँसिने फोटो अर्कैको छ त्यसैले ।

(पसल्नी दिदीले ग्राहकको अनुरोध अनुसार फोटोकपी निकाली दिइन)

ग्राहकः कति पैसा हो ?

शुभ कामना

शुभकामना छ आएको नयाँ सालको
जरैदेखि ढलुन वृक्ष विकृत चालको

उन्नति प्रगतिपथमा लम्किरहुन
चालेका प्रत्येक पाइलाहरू हालको

सकौं सुविचार पाल्न अधम त्यागी
पूर्ण सदुपयोग गरी भएको कालको

दुरी

तिमी र म बीच दुरी छ
जुन दुरीको जन्म हुन
कसले, कैले गर्भ बोक्यो
थाहा छैन मलाई
नजन्मनुथ्यो जन्मियो
कत्रो आकारको छ र
कति गहिरो, लम्बाई, चौडाइ

परिक्षा मानी साँचो नतिजा खोजें मैले

परिबन्धमा परी सजाय भोगें मैले
आफ्नो मनको कुराहरू पोखें मैले

बाँच्न सकिदैन थाहा छ लेखेर यहाँ
आत्मसात् गरी लेखन क्षेत्र रोजें मैले

आरोप र लान्छनाले सताएर बारम्बार
नराम्रा असरहरू बाध्यताले बोकें मैले

तीन मुक्तक (आफ्नै खुशीले हिड्यौ)

भन्छन नेपालको कानून दैव जानून
भनसुनले हैन दक्ष क्ष्यमताले छानून
जसको शक्ति उसैको भक्ती हुन्छ सधै
सबैलाई एउटै नियम कानूनमा बाधुन ।।१।।

कतिपय कुरा यस्ता हुन्छन कहनु पर्दैन
एउटा कुरा बोकी नदी झै बहनु पर्दैन
अनावश्यक हुन्छन भने त्यसको बोझ
कोही कसैले जिन्दगीमा सहनु पर्दैन ।।२।।

आफूलाई नहेरी अरु पोल्न जानिन

मुखभरि चिल्लो घसी बोल्न जानिन
तिम्रो मनमा मेरो माया घोल्न जानिन

जति गर्यौ प्रयास मैले पनि गरेकीथे
देखे सपना साकार पार्न कोरल्न जानिन

BhawanaSubba-10

तिम्रै खुशी चाहेकी छु

जे जस्तो छु ठिकै छु
तिम्रै खुशी चाहेकी छु
कुनै पिर,चिन्ता नगर
छोड्न आटेकाछौ गाउँघर
अचानक परदेशी बन्ने भयौ
यो र्निणय एक्लैले गर्यौ
मेरो भन्नु केही छैन
शायद ठिकै सोच्यौ

चरित्रको खुनी भयौ

म सरल अभिमन्यु तिमी सकुनी भयौ
के विराएकी थिए चरित्रको खुनी भयौ

काम गर्ने हनुमान नाम कमाउने ढेडु
आफन्त इष्ट मित्र सामु अति गुनी भयौ

सपनाको संसार

मेरो आँगन
हरीयाली भएर
ढुक्क छ मन
तिम्रो साथ भएर
सदा छायाँ रहेर ।।१।।

आँखाको ताल
तरङ्ग उठदछ
शिखर पुग्न
कल्पनाको सागर
सपनाको संसार ।।२।।

फरक मात्र माध्यम हो

उनी आइन मेरो छेउ
र भनिन लामो श्वास फेर्दै
के नपुग्या हो कुन्नि
जति गर्दा नि भएन
भनेको मानेकी हुँ
अह्राएको नि गरेकी हुँ
सके जति आवश्यकता पुरा गरेकी हुँ
जति सक्या छु त्यति खुसी पार्न खोज्या हुँ

आयाम थपिएको छ तिम्रो समिप परेपछि

हेरिरह्यौ तिम्ले लाज लाग्यो मलाई
बितेका ती दिन आज लाग्यो मलाई
वारि छु जानु छ पारी तिमी आयौ
सवारी गर्ने जहाज लाग्यो मलाई ।।१।।

साथ दिने हात छुट्यो झर्यो जिन्दगी

आजभोलि दोधारमा पर्यो जिन्दगी
खै के कुराले हो भर्यो जिन्दगी

आँधी हुरी चली बाढी पैरो गइरहँदा
कैले वारि कैले पारी सर्यो जिन्दगी