विविध-विधा
आफ्नैसँग अपरिचित शहर भेटेँ मैलेसेखासेख हुँदैनथ्यो
कहाँ हुनु देखादेख हजुरको र मेरो
कता हुनु लेखालेख हजुरको र मेरो ।।
नदेखेझैं गरी हिंड्थें सधैं एउटै बाटो
रेखारेख हुँदैनथ्यो हजुरको र मेरो ।।
एकार्कामा हिंडेका थ्यौं आफ्नो लक्ष्य बोकी
हुँदैनथ्यो छेकाछेक हजुरको र मेरो ।।
फागु खेल्ने बहानामा रङ्गका लोलाहरु
हुँदैनथ्यो फेंकाफेंक हजुरको र मेरो ।।
आज हामी एकार्काका पूरक जस्ता भयौं
रहेन त्यो सेखासेख हजुरको र मेरो ।।
थियौ घनिष्ट मित्र, याद आयौफर्केर आऊ
भयो दूर प्यारी नजाऊ नजाऊ
उही प्रेम सम्झेर फर्केर आऊ ।।
थियौं एक जस्ता कसो के भएर
छ दूरी बढेको तुरुन्तै हटाऊ ।।
सके फर्क बाचाहरु सम्झिएर
नफिर्ने भए हाल सम्मन् सुनाऊ ।।
भयो जिन्दगी भेलको पात मेरो
मलाई प्रिये लौ किनारा लगाऊ ।।
बसेकै छु यो प्रेमको दीप बाली
छ कस्तो त्यहाँ हाल केही बताऊ ।।
सबै भोक तिर्खा कहाँ पूर्ण होलान्
सके ओठमा ओठ मात्रै छुवाऊ ।।
चिठी एक लेख्यौ त्यसैमा खुसी छु
बसेको छ खाटो सुकेको छ घाउ ।।
कहिले वारि देखियो कहिले पारी देखियो