रमेश अर्याल

RameshAryal

वर्ष दिनको तीजमा पनि

वर्ष दिनको तीजमा पनि लिन आउने हैनस् बाबु
जान्छु बिदेश् भन्थिस् भन्न कि घरमा छैनस् बाबु

तीज तिहार् पोहोर् पनि यै घरमा बित्यो बरै
यो तीज नि नजिकियो अब आउने भैनस् बाबु

मैले त मन् बुझाउँथे कान्छी कति रोई होला
लेककी त्यो बैनी पनि किन लिन गैनस् बाबु

  •  
  •  
  •  
  •  
  •  
  •  
  •  

पर्खिदैछू बिहे गर्न

पर्खिदैछू बिहे गर्न तर्किएर नजानुस् है
आएपछि फेरि बिदेश् फर्किएर नजानुस् है

सँगसँगै जिउने रहर जिन्दगीका हर प्रहर
मेरो हजुर शिरमा सिन्दुर् छर्किएर नजानुस् है

अजम्बरी माया रैछ धन कैले हुन्न रैछ
सम्पत्ति कै पछि पछि लर्किएर नजानुस् है

  •  
  •  
  •  
  •  
  •  
  •  
  •  

पिरतीका मनका कुरा

  • by

पिरतीका मनका कुरा लुकाएर बस्छ्यौ कति
आफू हाँसी पिरतीलाई रुवाएर बस्छ्यौ कति

तिम्रै घरको बाटो पर्‍यो आउदा जादा देख्छु सधैं
एकदिन् हैन सधैं भरी लजाएर बस्छ्यौ कति

केही खोज्छन् ती परेली फक्रेको छ जवानी झन्
सारा चाह यौवनका दबाएर बस्छ्यौ कति

  •  
  •  
  •  
  •  
  •  
  •  
  •  

कोही भन्छ यो गाउमा

  • by

कोही भन्छ यो गाउमा धेरै थोकको अभाव छ
कसम् सुन्छु झुटो भए यी गीताको किताब छ

पिरतीको परिभाषा तपाई नै दिनुहोस !
यौटा हातमा गुलाव त अर्को हातमा सराब छ

चोकचोक्बाट भट्टीहरू हटाइनु पर्छ अब
रक्सीले नै कयौ यहाँ घरबारमा तनाब छ

  •  
  •  
  •  
  •  
  •  
  •  
  •  

चमत्कारी विज्ञानलाई

  • by

चमत्कारी विज्ञानलाई बनाउछ मान्छे
फेरि उही बिज्ञानले सताउछ मान्छे

ढुङ्गा झर्छ हावा उड्छ पानी बग्छ किन
सबै चासो समाधान गराउछ मान्छे

युग हो यो शास्त्र भन्थ्यो शताब्दी भो अहिले
लौ हेर्नुस समयालाई नचाउछ मान्छे

  •  
  •  
  •  
  •  
  •  
  •  
  •  

लौ है आयो प्रेम् दिवस

  • by

लौ है आयो प्रेम् दिवस प्रेम् प्रस्ताब् राख्दै गर्नु
सफल होस् प्रेम् भन्दै देवी देउता भाक्दै गर्नु

जोडीहरू कयौँ खुशी काहीँ कतै खट्पट् पनि
लंका जल्छ त्यो शँकाले रिस राग फ्याक्दै गर्नु

ईच्छा नै हो सफलता सङर्शमा उत्रेपछि
एक्लो यात्रा पुर्ती गर्न कसैको हात् माग्दै गर्नु

तिम्ले ढोग्ने देउता जस्तै बिस्वाश् गर पिरतीलाई
प्रेम त यो जिन्दगीको प्रसाद हो चाख्दै गर्नु

रमेश प्रसाद अर्याल (स्याङ्जालि रमेश)
अर्जुनचौपारी ४
हाल-मरुभूमिको छाती बाट

  •  
  •  
  •  
  •  
  •  
  •  
  •  

माया जालमा कसैलाई पार्नेछु

  • by

माया जालमा कसैलाई पार्नेछु म चौधै गते
पिरतीले जिन्दगीलाई बार्नेछु म चौधै गते

धरै नै छन् माया गरी दोधारमा पार्नेहरू
प्रेम् प्रस्ताब आफै अघि सार्नेछू म चौधै गते

बुझेपछि माया प्रेम बदलियो सोच बिचार
पैलो चोटी उन्को सामु हार्नेछू म चौधै गते

  •  
  •  
  •  
  •  
  •  
  •  
  •  

बजार जाऊ साहुले भाउ बढेको कुरा गर्छन्

  • by

बजार जाऊ साहुले भाउ बढेको कुरा गर्छन्
श्रीमतीले घर भोकै बसेको कुरा गर्छन

फुर्सदमा कैले काही निस्कन्छु गाउँतिर
नसुनेको गाउँलेहरू देखेको कुरा गर्छन्

छोराछोरी पढ्न जान खोज्छन स्कुलतिर
फिस नतिर्दा शिक्षकले पिटेको कुरा गर्छन्

  •  
  •  
  •  
  •  
  •  
  •  
  •  

मेरी आमा मेलापातकै संसारमा

  • by

मेरी आमा मेलापातकै संसारमा देखे
बाबा फेरि छाक टार्ने हतारमा देखे

बुढ्यौलीले सतायो नि हजुरबाको चिन्ता
हजुरआमा जिन्दगीकै किनारमा देखे

जता हेरूँ खिचातानी चल्दै छ नि अचेल
गाउलेहरू आफ्ना आफ्नै बिचारमा देखे

  •  
  •  
  •  
  •  
  •  
  •  
  •  

दिनपछि सधैं यहाँ साँझ पर्ने

दिनपछि सधैं यहाँ साँझ पर्ने किन हो बा ?
अँध्यारो भै प्रकृतिले घात गर्ने किन हो बा ?

थाकेका छौ आज धेरै चुप्चाप छौ त्यसैले त
भोकै सुत्छौ मेरो चाहिँ पेट भर्ने किन हो बा ?

  •  
  •  
  •  
  •  
  •  
  •  
  •  

जिन्दगीले आफैसँग ढाटेपछि लेखेँ गजल

  • by

जिन्दगीले आफैसँग ढाटेपछि लेखेँ गजल
आफ्नै छातीभित्रैदेखi फाटेपछि लेखेँ गजल

भोक प्यास हराउदा निन्द्राले नि दिएन साथ
छट्पटिदै रुँदै रात काटेपछि लेखेँ गजल

  •  
  •  
  •  
  •  
  •  
  •  
  •  

असार लाग्यो

  • by

असार लाग्यो हलो बोकी बेँसीतिर झर्न पाए
आँधीखोला हात समाई उनीसँगै तर्न पाए

सिम्सिम् पानी ओरालीमा हुन्थिन् होला उनी सँगै
जानाजान चिप्लिएर त्यो काखमा पर्न पाए

  •  
  •  
  •  
  •  
  •  
  •  
  •  

पौरखी भै खेत रोपौँ

  • by

पौरखी भै खेत रोपौँ खोरिया त्यो फाड्दै जाऔँ
मल हुन्छ झारपात त्यही हिलोमा गाड्दै जाऔँ

राम्रो बाली पक्कै हुन्छ बिज राम्रो रोपेदेखि
हर्लक्कको बिज रोपी सानो तिनो झाट्दै जाऔँ

  •  
  •  
  •  
  •  
  •  
  •  
  •  

तिमीबिना सुन्य लाग्ने शहरसँगै रोएँ

  • by

तिमीबिना सुन्य लाग्ने शहरसँगै रोएँ
सम्झनका मिठा मिठा लहरसँगै रोएँ

दिन कट्थे जसो तसो साँझ हुन्थ्योँ गाह्रो
झस्किने ती हर रातका प्रहरसँगै रोएँ

  •  
  •  
  •  
  •  
  •  
  •  
  •  

सारा दिन तिम्रै बाटो पर्खिएर रोएँ

सारा दिन तिम्रै बाटो पर्खिएर रोएँ
आईनौ त साँझ झनै चर्किएर रोएँ

अनिदोमै गल्यो रात तिमी बिना मेरो
बिछ्यौनामा यता उता फर्किएर रोएँ

  •  
  •  
  •  
  •  
  •  
  •  
  •  

दुःख पीडा दर्शन गर्दै जीवन-रोटी बेल्दै आएँ

  • by

दुःख पीडा दर्शन गर्दै जीवन-रोटी बेल्दै आएँ
संसारमञ्च नाटककारकै इशारामा खेल्दै आएँ

हिँड्दा हिँड्दै गोडेटो त्यो टुङ्गिए झैँ लाग्दा पनि
एक्लो यात्रा थाकेँ तर बलैसँग ठेल्दै आएँ

  •  
  •  
  •  
  •  
  •  
  •  
  •  

जिन्दगी यो चिन्दै छु म

  • by

जिन्दगी यो चिन्दै छु म डुब्न लाग्या’ घाम रैछ
सुख भन्दा दु:ख धेरै झेल्ने यस्को काम रैछ

यता जाउँ ठेस लाग्छ उता हेरुँ मुटु दुखी
तड्पाई मै खुशी हुन लाग्नु पर्ने लाम रैछ

  •  
  •  
  •  
  •  
  •  
  •  
  •  

गोर्खाली भै हिजो आज झुकेको छ मेरो देश

  • by

गोर्खाली भै हिजो आज झुकेको छ मेरो देश
शान्ति शान्ति भन्दै कठै भुकेको छ मेरो देश

आतंकले खुट्टा तान्दा पर्गती र उन्नतिमा
बिश्व सामु चिनिन नै चुकेको छ मेरो देश

  •  
  •  
  •  
  •  
  •  
  •  
  •  

आहा ! हाम्रो माया बस्या अँधेरीको रात प्यारो

  • by

आहा ! हाम्रो माया बस्या अँधेरीको रात प्यारो
बेहोसिन बाध्य पार्ने तिम्रो उही मात प्यारो

नजरको ईशारामै लट्ठ पर्दा झनै तिम्रो
ललिते त्यो मिठो बोली फसाउने बात प्यारो

  •  
  •  
  •  
  •  
  •  
  •  
  •