विविध-विधा

असमर्थ भएर बजाएनौ, मौनताको त्यो ताली मिठो लाग्यो,
रिसाएर उस्तै भुन्भुनियाऊ, मनमनैको त्यो गाली मिठो लाग्यो ।

जेलभित्रै गोली चल्छ, गजब छ देश
कारबाही भोलि चल्छ, गजब छ देश

सज्जन जस्तै लाग्छन, साला जालीहरू
सुम्सुम्याउदै भाच्छन, कोमल डालीहरू

यी माग्ने नेतालाई, झोली देऊ न जनता
कति मात्रै सहने हो, बोली देऊ न जनता

भारी बोक्न जानलाई, एउटा पासपोर्ट दिन्न राज्य
जनधनको जिम्मेबारी, कही कतै लिन्न राज्य

बकवाद धेर गर्छौ यो नीचता देखाई
भन लौ मुलुक भरीमा किन गडबडी मचायौ

स्वर्णिम छन् यी रात प्रिया
जूनमा छन् यी मात प्रिया

नसर्माउ भो आऊ यता
मृदुमुस्कान साथ प्रिया

नमस्कार है नेताज्यू गाउँमा फर्की आउनुभो?
परारदेखि बिर्सिएको ठाउँमा फर्की आउनुभो?

महङ्गी त खुब बढ्याथ्यो काठमाण्डौंमा पसेपछि
केलाई हो यति सस्तो भाउमा फर्की आउनुभो?

जाली रहेछौ मन रैछ कालो
सद्प्रेमको बन्धन रैछ कालो

धुर्त्याइॅले ग्रस्त भयौ छिमेकी
धोका दियौ चिन्तन रैछ कालो

१)
जुनेली मलाई त्यो रातमा नखोज्नु
मेरो माया अर्काको साथमा नखोज्नु
जिउदै जलाएर खरानी बनाएपछि,
केही छैन बाँकी मसानघाटमा नखोज्नु

नजरैले वाँड अनी हान्छौ किन गोली
हरदम सुनीरहु लाग्छ ललीते ती बोली!

बेचैन यो दिल हुन्छ कुनै पल टाढा हुदा
तुरुन्तै भेटन आउने गर नभनन भोली!

यसै राम्रो जिउडाल अनी मगमगाउने बस्त्र
हरकोही कामुक हुन्छ देखेर तिम्रो कसीलोे चोली!

संयमताले सीमा नाघ्यो रम्नु छ तिम्रो काखमा
अझै कती बाच्नु छ मैलै अन्तर आत्मा पोली पोली!

तिम्लाइ पाउन आत्तुर छु जे गर्ननी तैयार
भिक्षु बनी समीप आउछु भरीदेउन झोली!

कलीयुग हो नगर्ने रहेछन एकतृप्त प्यार
खै कसरी सम्हाल्ने छन यिनले घरबार!

नग्नतानै आधुनिकता,भिरेरहीडछन टालो
खै कसरी लाग्छ यिनको जिन्दगीको पार!

एउटा छाडी अर्को अनी अर्को छाडी अर्को
दर्जनौ बदलीयपनी मान्दैनन यिनले हार!

पतीपत्नीले एकअर्का लाइ दिन मधुमासरातमा
सम्हालेर राखेका हुदैनन कुनै नौलो उपहार!

सन्दिप आचार्य
नवलपरासी

जिन्दगीले अधीक चोट दियपनी केही पल त हँसाउछ,
जस्तो कठोर चट्टान पनी एकदीन अवस्य रसाउछ!

कठोर दिल रैछ भन्दै लत्याउनु गलत हो,
कोपीलामा हैन फुल फुलेपछी बसाउछ!

सफलता प्राप्ती मा धैर्य गर हतार गर्नु गलत हो,
समय अनी अवधीमा रुखलेनी आफै फल खसाउछ!

#नवलपरासी
सन्दिप आचार्य
नवलपरासी

जिबन आफै चलाउन बोक्छ आफै भारी,
किसानहो छ संन्तुुष्ट खोज्दैन कसैको छहारी!

किसानीनै जिवन जिउने आधार उ ठान्छ
कठीन चुनौतीमा पनी बढछ अघी नहारी!

परिश्रम गर्न हरदम तत्पर संयमी हुन्छ,
निस्वार्थी छ मेहनत गर्छ भर्छ आफ्नै भकारी!

सन्दीप आचार्य
नवलपरासी

जथाभाबी खेलीने मायाको खेल रैछ
सपनाको घर उजाडनेे बर्षाको भेल रैछ

झुटो रैछ आभास भइ तैरीन खोज्दा
झनझन भित्र तान्ने समुन्द्री छाल रैछ

संसारै तिमी भन्नेहरु क्षणमै बदलीन्छन
आत्माको मेल हैन तनको मेल रैछ

एक हैन दुइचारलाइ एकैसाथ लठ्याउने
स्वार्थ पुरा गर्ने अनौठो जालझेल रैछ!

सन्दीप आचार्य
नवलपरासी

सपनाहरू
आँखामा र मनमा
हँसिलो चन्द्र !

चन्द्र उज्यालो
हावा सितल चिसो
यात्रा जिन्दगी !

आफू जल्दाजल्दै गर्दा पीडा आफैलाई हुने
लाग्छ खरानी बनेपछि हावासँगै मिलन हुने
लाख सपनाहरू मनमा सजाउनु व्यर्थ रै छ
अरूको आश आकाशको फल जस्तो हुने ।

यस्तो त्यस्तो कस्तो कस्तो
बोली पनि रैछ सस्तो

चिठी पनि प्राप्त भयो
बिदा वादी भए जस्तो