विविध-विधा

गजल
लुकी लुकी हेरौं लाग्छ,तिम्रो जोबन ‘फुले’ देख्दा,
हिमाल झैं तिम्रो ज्यानमा,खै के हो त्यो ‘चुले’ देख्दा !

डुलाउँ डुलाउँ लाग्छ सधै,तिम्रै वरी परि,
एकै तालमा ढालाउँ लाग्छ,अरुई ‘डुले’ देख्दा !!

कति उठ्छ मनमा चाहना,भनि साध्य छैन,
आफै देखि रिस नि उठ्छ,आफैलाई ‘भुले’ देख्दा !!

राजेश रुम्बा लामा “अतृप्त”

पुर्बी दिशा लाली छायो,अब घाम लाग्छ कि,
देशमा भाको कालो बादल,अब भाग्छ कि !

श्रम गर्ने मजदुर वर्ग,खाने अरु नै,
अब भने मज्दुरकोमा,खान पाक्छ कि !!

सामन्तीले दावा बोल्यो,गरिब जनता माथि,
गल्ति महशुस गर्दै अब,माफी माग्छ कि !!

गर्नु सम्म गर्यो बेज्यत,बिस्व सामो हाम्रो,
कुरी कुरी महसुस गरि,लाज ढाकछ कि !!

राजेश रुम्बा लामा “अतृप्त”

छैन तिम्रो मायाँ मारेको
चोखो मायाँ अन्त सारेको!

त्यसै शंकालु आँखा नतर
छैन तिम्लाई एक्लो पारेको !

अर्कैसित हिंडे नि बाटोमा
छैन उल्लाई खोली तारेको!

हिजो जस्तो आज पनि उस्तै छ रे मेरो देशमा
राजनीतिका बेइमानले चुस्तै छ रे मेरो देशमा ।

सुस्त र कालापानी, लिम्पिया अनि जताततै
छिमेकीले हेपी हेपी लुस्तै छ रे मेरो देशमा ।

दाजुभाइई लडाएर आपसमा, फाइदा लिन
काठ खाने धमिरा झैं घुस्तै छ रे मेरो देशमा ।

प्रकृतिले लुगा खोल्यो, न्यानो तातो लाऊ है छोरा
अगेनीमा बसेकी छु, राप सेक्न आऊ है छोरा

गरीबीको सिरक डस्ना, भयो एउटै अगेना
रापसँगै ताप लिन, काखतिर छाऊ है छोरा

मेरो कान्छा सानै देख्थे, आज भयो परदेशी
उराठिला बगरमा, राष्ट्र लोक गाऊ है छोरा

चोक्टा सकेर झोलको लडाईं छ
सिरक सकेर खोलको लडाईं छ

टकराब केही होइन मात्रै ब्यक्तित्वको
आफ्नू आफ्नै मोलको लडाईं छ

गजल (यात्री म) तिम्रै बस्तीमा रोमाली हिंड्ने,’यात्री’ म, जुन हराएको अन्धकार,’रात्री’ म ! फूल बिहिन… Read More »गजल (यात्री म)

आफ्नै बाटो हिडौं भन्छु छेकिदिन्छन कोही आई
नानाभाँती कुरा काट्छन छिमेकीका जोइ आई

आफू भलो जगत भलो केही अशुभ सोचिएन
धरो धर्म भन्छु हजुर मनको मन्दिर छोई आई

जति शुभ गरे पनि टिको लाग्छ कलंकको
चोखो हुनु कसरी हो कुन गंगामा धोई आई

प्रियसीलाई सपनीमा देख्छु म त हिजो आज
उनकै नाम हातभरि लेख्छु म त हिजो आज

उनी मेरै स्वागतमा पर्खिनछिन् रे जुनसँगै
थाहै नदिई मनको संघार टेक्छु म त हिजो आज

बिपनामा तस्बिर कोर्छु एकान्तमा टोलाउँदै
दुनियाँको नजरलाई छेक्छु म त हिजो आज

बाध्य छु बाँच्नलाई, भित्र आत्मा मरे पनि,
सुवास छर्नुपर्ने छ, सुकी भुईंमा झरे पनि

कर गर्दिन सोल्टिनी, हुन्न भने नाई भन,
छुन्नै हुन्न भन्छौ भने, अबदेखि दाइ भन

हुन त हरेक कुरा, मैले भन्दा जानेकी छौ,
लाज लागे दाइ भन्न, हुन्छ नि त भाइ भन

आशा मात्रै देखाउँछौ, नजिक पनि पर्दैनौ
सधैं यसो गर्छौ भने, सदालाई बाइ भन

दुनियाँको नजरमा, सरम् भयो भन्या’ ।
नटासिऊ न हपहपी, गरम् भयो भन्या’ ।

रित्तिएथ्यो सिसी सबै, भरी देखेपछि
अलिकति गिलासमा, भरम् भयो भन्या’ ।

हिजो जाडो भो
आज भने चिसो छ
भोलि ठण्डी कि?

लाखौ तारा फुल्ने आकाश,मै माथि खस्न खोस्छ,
कुर्लिएर बग्ने कोशी,मेरै बस्ति पस्न खोस्छ !