विविध-विधा

आखिर अन्तिम उन्मुक्ति कहाँ कुबेरको धन रहेछ
मानौ कि भगवान बस्ने मन्दिर हैन आफ्नै मन रहेछ

आखिर अस्पताल रहेछ
अनि आफ्नै घर रहेछ
अन्तिममा जाने त
खोलाको बगर रहेछ

म तोडेर हेर्न चाहन्छु कि यी मान्छेहरुको मन कस्तो छ?
ती गरिब मजदुरहरुलाई सधा बाधिरहने बन्धन कस्तो छ?

ट्क्कर सहदा सहदै  प्रेम हाम्रो बिशाल भो ।
दुनियाँले मानन्नै पर्ने माया हाम्रो मिशाल भो।

उचालने पछार्ने आगो लगाउने भेटियो  मायामा
तर पनि कसैले हल्लाउन नसकने हिमाल भो  ।

आएका थिए तोड्नेहरु फरक फरक भेषधरी
बिश्वसलेनै उचालियो माया हाम्रो कमाल भो ।

लुछिएको छ आज यो देश यसरी लुटिएको छ
मानौ कि जसरी सुन्दरिको सिन्दुर पुछिएको छ

त्यो गिद्द सिनो खाएर बडादशैं मनाइरहेछ
गरिबको गोजीमा त रगडा पनि गनाइरहेछ

यो मुला मजदुरलाई
कुन हो दसै कुन हो चाड तिहार?
यो देशको बहादुरलाई
कुन हो दसै कुन हो चाड तिहार ?
आज एका बिहानै बनको बाघ आएर
मेरो आगनमा भन्यो
“जाबो त्यो कुकुरलाई
कुन हो दसै कुन हो चाड तिहार?
त्यो मुला मजदुरलाई”

म अब समय बनाउँछु
अनि घडी बनाउँछु
पैला यो देश बनाउँछु
अनि जिन्दगी बनाउँछु

अहङ्गकार गर्दागर्दै त्यो तिम्रो अनुहार बिग्रियो
तिमी भन्छौ यार मेरो त सारा संसार बिग्रियो

यो जिन्दगी नसामा पिएरै सकियो
उङ्को यादमा जिन्दगी जिएरै सकियो

ऊ संसार बदल्छु भन्थ्यो
अफ्सोच ऊ आज पागल भैदियो
सारा-सपना उढेर गए अनि
आकाशमा कालो बादल भैदियो

त्यो नरपशु ! जनावारलाई मारेर खान कुकुरलाई देऊ
बलात्कृत बुने भन्छे अनि दण्ड जेछ त्यो मलाई देऊ

आएर आफ्नो हाजिर जनाएर गइन्
थोरै खुशी, धेरै पीडा, खनाएर गइन्

नासो उनी अर्कैको, थाहा हुँदाहुँदै
मेरो मनमा वर्षे बिदा, मनाएर गइन्

नयनमा नशा कस्तो,अधरमा जादु
न त मर्नु न त बाँच्नु, बनाएर गइन्

म कमजोर भएँ, समय शक्तिशाली भयो
हेर अभगी निधार यो साल पनि खाली भयो

मखमली रोप्छे, गोड्छे र फुलाउँछे मेरी बहिनी
फूलको ब्यापारीलाई मात्र हालीमुहाली भयो

यो बडादशैं सर्वहारा
सबैलाई बराबर होस
त्यो भूकम्प पीडितहरुको पनि
यहाँ घर होस
म पाचतल्ला मुन्तिर तिम्रो सफा
सहरमा देउसी भैलो भट्याइरहे
म जस्तै गरेर तिम्लाई पनि
मेरो गन्धे गाउँ आउने रहर होस !!

तिम्रो ताजमा त आज
बडादशैं कस्तो सुहाएको छ

शहर रित्तिएको छ गाउँ घर भरिएको छ
यार दशैं तिहार फेरि पनि फर्किएको छ