विविध-विधा

एक
वकिल-न्यायालयले पनि निर्धैलाई पेल्छन्
बुख्याँचाहरू जनताका सपनासँग खेल्छन्
देशको कानून दैव जानून् उसै भन्या होइन
मान्छे मार्ने उन्मुक्त छन् गोरु मार्ने जेलछन्

डुबिरहेछ डुङ्गा सुतिरहेछ माझी हारगुहार के गर्नु?
जति नै चिच्याए पनि यहाँ हुँदै हुदैन उद्दार, के गर्नु ?

(१)
जिन्दगीभरि
खोजेर परिचय
बाँचेको छ ऊ

सपनी नै देखेँ कि वा देखेँ बिपनी
आफूलाई कहाँ कम लाग्छु म पनि
जसो भन जसो भन सहेकै ता हो
तिमी नै हौ मरो मनको सदा जपनी ।।

(१)
नदी उर्लन्छ
र हतारमा मिल्छ
शान्त सिन्धुमा

१)
जसरी खाली र फोहोर जमिनमा झार उम्रिन्छ
उसै गरी दुषित दिमाखमा खराब विचार उम्रिन्छ
पैला चट्टानमा खियाऊ आफूलाई काममा लगाऊ
तिमी फलाम हौ, र तिमीमा आफै धार उम्रिन्छ

कति मान्छेहरू भेटिए, छुटिए मान्छेकै बजार छ
कैयो हराएको छ यहा, कोही सम्झनामा हजार छ

(१)
नदी उर्लन्छ
र हतारमा मिल्छ
शान्त सिन्धुमा

भोको पेट बन्द छ मुख आय गुमाएसी
पत्ता लाग्छ कोरोनाको काय गुमाएसी
सर्कार काँछ यता जन्ता रोगभोक, शोकले
कोठा भित्रै मर्न बाध्य उपाय गुमाएसी

जब म हिड्छु तब कतै रुक्दिन ।
आँधी सुनामी क्यैसँग कबै झुक्दिन ।।

शिर निहुराई आत्मसमर्पण गर्दिन,
खुलेआम हिँड्छु त त्यसैले कतै लुक्दिन ।

सम्झिएर विगत दर खाएपछि आँसु बग्छ
तीजको लहर लहरिदै आएपछि आँसु बग्छ

तीजको रमझम आएपछि सम्झिएर रुन्छु बहिनी
प्रेमपूर्ण विगत सम्झि पागल जस्तै हुन्छु बहिनी

१)
देशमा खुब हाजिरी जवाफ प्रतियोगिता चलेको छ
चेसमा प्युसा अगाडि बढाएर आफू पछि सरेको छ
संघ संस्था र नेता च्याउ उम्रे झै उमृएको छ देशमा
तपाई हैन मपाई पुरस्कृत आफैमा हात जोडेको छ ।

प्रेम पाप होइन तर किन रुनुपर्छ
मायामा धोका प्रतिबन्धित हुनुपर्छ

ढुकुरका जोडी त गुँडैमा रमझम
आफ्नो त प्यार आँसुले किन धुनुपर्छ

बुहारीलाई काममा कसरी दलाऊँ जस्तो हुन्छ शुरुशुरुमा
सासूको खटन आफ्नो पो कसरी पारु जस्तो हुन्छ शुरुशुरुमा

राजतन्त्र जस्तो थियो गणतन्त्र नि त्यस्तै नै छ यहाँ हजुर
आमूल परिवर्तन नै आउँछ होला जस्तो हुन्छ शुरुशुरुमा