एक
वकिल-न्यायालयले पनि निर्धैलाई पेल्छन्
बुख्याँचाहरू जनताका सपनासँग खेल्छन्
देशको कानून दैव जानून् उसै भन्या होइन
मान्छे मार्ने उन्मुक्त छन् गोरु मार्ने जेलछन्
दुई
मिलेर जिन्दगीमा दु:ख सहनुको मज्जै बेग्लै छ ।
तिमी मेरो र म तिम्रो भइरहनुको मज्जै बेग्लै छ।
वहन दिऔं न प्रेमको यो, सुगन्धित हावालाई
वास्ना छरेर ! वरिपरि, वहनुको मज्जै बेग्लै छ ।
तीन
जोवन ! चलेकै हो, तन चलेकै हो ।
रुपैयाँ,पैसा,दौलत, धन चलेकै हो ।
आऊ-नआऊ त्यो,तिम्रो विचार हो
तिमी नहुँदा पनि,जीवन चलेकै हो ।
✍️ सूर्य चेम्जोङ