विविध-विधा

आजभोलि यस्तो लाग्छ, झुकेको छ देश मेरो
परदेशीको दिलमा पनि, दुखेको छ देश मेरो

हाम्रो गौरव गाथा के हो? धेरै लाई थाहै छैन
सगरमाथा हाम्रो आफ्नै, लुकेको छ देश मेरो

बिक्न तयार नेताहरू होलसेलमा भेटिन्छन्
देशै लुट्न खोज्नेसित हेलमेलमा भेटिन्छन्

नेता हुने योग्यताको मापदण्ड यहाँ छ
गुण्डा थुने महानेता जेलजेलमा भेटिन्छन्

ए जनता ! न्याय खोज्न सिंहदरवार नजाऊ
कुर्सी खोस्ने बह्रैमासे खेलाखेलमा भेटिन्छन्

१)

विपत्तिको अर्को ताण्डव नृत्य नाचेर गइस्
फेरि पनि अर्को कालो ईतिहास रचेर गइस्
मानव मनको वस्तीमा तेरो प्रवेश निषेध थियो
तर आइस् र कोमल मन मस्तिष्क भाँचेर गइस् ।

चादनी छर्ने चन्द्रमा पनि बादलु भित्र लुकेको देखेँ
शितलता दिने रुख पनि शिशिर याममा सुकेको देखेँ

मिलन बिछोड यस्तै रहेछ कहिले हास्ने कहिले रुने
मुस्कान दिदै हासेता पनि मुटुमा कति दुखेको देखेँ

आफ्नै प्यारो घर पनि काल बनेको छ
हजारौंको हत्यारा यो साल बनेको छ ।

प्रकृतिको लिला के हो बुझ्नै नसकिने
कतै रगत कतै आँसु ताल बनेको छ ।

महल ढले ओत लाग्ने झुप्रो पनि ढले
आश्रयको बिकल्प त्यै पाल बनेको छ ।

फूल हुन फुल्नैपर्छ भन्ने पनि छैन
थुङ्गा बनी झुल्नैपर्छ भन्ने पनि छैन
कति नफुलेरै पनि फूल बनेको छ
स्वाङ पार्दै खुल्नैपर्छ भन्ने पनि छैन

किन आजकल पिरतीको अर्कै गन्ध छ
यता दिल बेचैन हुँदा त्यता आनन्द छ

के सोधेथें हिजो उसलाई ‘उस’ को बारेमा
आज फेरि उसको मेरो बोलचाल बन्द छ

योवनको उज्यालोले झिलिमिली हुन्थ्यो सहर
पिरतीको दीप आजकल मन्द मन्द छ

त्यो रुपले के–के गरे के–के गरे शहरमा
चारैतिर उन्कै मात्र चर्चा छ रे शहरमा

जताततै हंगामा छ उनको जवानीको
नचिन्ने उन्लाई कोही छैन अरे शहरमा

नपाउनेमा लगाव किन ?
व्यर्थको तनाव किन ?

तिरस्कार गर्दा पनि
उसैमा झुकाव किन ?

१)

यो अनिकालमा गहुको पिठो चारो छ
आउँछ हल्लाउछ खुशी साच्न गार्हो छ
तिमी सेल्फी खिचेर टहल्छौ रोज मित्र!
दिन नलागोस् पालमुनि बाच्न सार्हो छ।

विदेशमा काम गर्छु घरमा पैसा पठाउनु छ
विपतको आलो घाउ मलम दली घटाउनु छ

स्वर्ग जस्तो सुन्दर घर भताभुङ्ग भएपछि
एकै पालमा संयौ जना मिलिजुली अटाउनु छ

दैव आई सारा खुशी लुट्दा कति रोयौ होला
ती हातका राताचुरा, फुट्दा कति रोयौ होला

जीवनभर सगै रम्ने मनमा धोको हजार हुँदा
साराखुशी सिसासरि टुट्दा कति रोयौ होला