मुक्तक

१)
तिम्रो मनलाई धर्मशाला बनाएछौ
साच्चै नै आफ्नो जात जनाएछौ
आफुमा निहित कमीकमजोरीहरू
र्निधक्क भइ अरुमाथि खनाएछौ ।

(१)
कालो बादलमा चाँदीको घेरा हुन्छ रे
समयको सदुपयोग नगरे खेरा हुन्छ रे
असम्भवताको बिचमा पनि साँच्चै
सम्भवताको सुन्दर सुन्दर डेरा हुन्छ रे

हात खुट्टा सग्लो भए गरिब हुन्न कोही
जस्तो ज्ञानी भए पनि सरिफ हुन्न कोही
आफ्नो भाग्य भोग्नै पर्छ दरिलो बन्नु सधै,
खुशी लिन्छ दू:ख बाड्न सरिक हुन्न कोही ।

(१)
सानो मेरो मनबाट ठुलै आश गर्यौ
फूल बनी हुर्किएर दिलमा बास गर्यौ
पलाउँदै थियो बल्ल मायाको त्यो मुना
हतारैमा कुल्ची तिम्ले त्यसै नाश गर्यौ

१)
मेरो नाम बेचेर हिड्यौ सुने
आफन्तको कुरा गिड्यौ सुने
पानीमाथिको ओभानो हुन
शब्द शब्दमा भिड्यौ सुने ।

१)
सपना बोकेर आइदिने रातहरूलाई एउटा सलाम
सपना खोसेर लैजाने प्रभातलाई पनि सलाम
सजिलैसित जिउने एउटा मीठो निहुँ पाइएको छ
रक्सी बनाइदिने पहिलो स्रष्टालाई अर्को सलाम ।

(१)
तिम्ले भेट्न चाह्यौ भने फेरि भेट होला
बोलाएमा आउँछु साँच्चै त्यही गेट होला
नकारेर मेरा माया पर सर्यौ भने तिम्ले
तिम्लाई सम्झी जिन्दगीको चङ्गा चेट होला ।

१)
आँखामा आँसु छल्किरहेछ
मुटूमा आगो सल्किरहेछ
सोचे जस्तो भएन कहिले
व्यर्थमा जीवन ढल्किरहेछ ।

तिम्रो यौवनको फूल फुले जस्तो देख्छु
हिजोभन्दा आज अझै खुले जस्तो देख्छु,
मनको ईच्छा मनभित्रै गुम्सी रह्यो सदा,
फुलबारीमा अर्कै माली डुले जस्तो देख्छु।

Copyright@–मोहन बिहानी

1
कालो गए गोरो आउँछ, बेकारको चिन्ता किन
खुट्टा भए जुक्ता पाउँछ, बेकारको चिन्ता किन

# छेस्का एक – १
अलिकति हलचल हुन्छ
अलिकति छलफल हुन्छ

फसी हेर्नुस् प्रेममा हजुर
सम्झना त पलपल हुन्छ

सवाल – भावना सुब्बा

सुल्ला आकाशको खोजीमा छु
शीतल बतासको खोजीमा छु
अध्यारोमा कति बसौ म
त्यसैले प्रकाशको खोजीमा छु

१)
अरु केही छैन तर मसँग एउटा मन छ
परिआउँदा बैरीसँग लड्ने एउटा तन छ
मारकाट गर जे जे गर्न सक्छौ गर तिमी
झुक्नै नसक्ने मसँग नेपाली एउटा पन छ