कला/साहित्य समाचार

सन २०११ अक्टोबर २९ तारिखका दिन अन्तराष्ट्रिय नेपाली साहित्य समाज (अनेसास) इजरायल च्याप्टरको आयोजनामा इजरायलको तेलअभिव शहर स्थित माल्का वेवीकेयरको हलमा १०२औँ देवकोटा जयन्ती तथा इजरायली भूमिमा रहेर नेपाली साहित्य लेखनमा लागिरहनु भएकी सक्रिय साहित्यानुरागी तथा अनेसास इजरायल च्याप्टरकी कार्यकारी सदस्य श्रीमती सुमित्रा पौडेलको दोश्रो कृति गीति कवितासङ्ग्रह “ममताको आँचल” अनेसास इजरायल च्याप्टरका अध्यक्ष कृष्णपक्ष थापा, अनेसास केन्द्रीय सचिव हरि मानन्धर, सर्जक सुमित्रा पौडेल, अनेसास इजरायल च्याप्टरकी सदस्य श्रीमती दिप्स शाहद्वारा संयुक्त रूपमा विमोचन गरियो ।

अन्तराष्ट्रिय नेपाली साहित्य समाज (अनेसास) इजरायल च्याप्टरको आयोजनामा २२ अक्टुबरका दिन अनेसास इजरायल च्याप्टरको आफ्नै साझा कृति “इजरायली भूमिमा नेपाली कलमहरू” को आज बिशेष समारोहका साथ तेल अभिवको लेबेन्स्की पार्कमा बिमोचन गरिएको छ ।

तामाङ साहित्यलाई निरन्तर रुपमा उत्थान, जगेर्ना एवं विकासका हेतु संचालित तामाङ डाजाङको नियमित गोष्ठीको १०१ औं शृखला मिति २०६८ आश्विन २८ गते शनिबार आर आर क्याम्पस प्रदर्शनीमार्गमा सम्पन्न भएको छ।

अन्तराष्ट्रिय नेपाली साहित्य समाज (अनेसास) कोलोराडो च्याप्टरले नियमित संचालन गर्दै आईरहेको “साहित्य सँगम”मासिक कार्यक्रम यो पटक (सेप्टेम्बर अंक) श्रीसमीर आचार्य तथा वहाँकी श्रीमती नुजु आचार्यको आतिथ्यमा वहाँहरूको निवासमा भब्यताको साथ सम्पन्न भयो ।

बिगत दश वर्षदेखि नियमित रुपमा प्रत्येक महिनाको अन्तिम शनिबार सन्चालन हुँदै आएको तामाङ डाजाङको साहित्यिक गोष्ठीले १०० औं शृंखला पार गरेको छ ।

भदौ ३१ गते शनिबारका दिन राजधानिको वाल्मिकी क्याम्पसमा एक विशेष कार्यक्रमको बिच शयौं शृंखला विशेष रुपमा सम्पन्न भएको हो ।

रुद्र मिश्र, क्वालालम्पुर
२८ अगस्त २०११

अनाम-मन्डली मलेसियाको आयोजनामा आज मलेसियाको क्वाललम्पुर स्थित चौतारी रेस्टुरेन्टको हलमा नेपाली गजलका प्रणेता एवम् युवाकवि मोतीराम भट्टको १४५ औ जन्मजयन्ती सम्पन्न भएको छ ।

कार्यक्रमका प्रमूख अथिति साहित्यकार मनि राई गोठाले र अध्यक्ष श्रीजनश्रीका साथै अन्य अतिथिहरूले मोतीराम भट्टको तस्विरमा माल्यार्पण गर्दै कार्यक्रमको समुद्घाटन गर्नुभएको थियो ।

आचार्य प्रभा/ डेन्भर, कोलोराडो, अमेरिका ।
अगस्त २९, २०११

अन्तराष्ट्रिय नेपाली साहित्य समाज (अनेसास) कोलोराडो च्याप्टरको नियमित साहित्यिक कार्यक्रम “कोलोराडो साहित्य संगम”को अगस्त महिनाको कवि गोष्ठी कार्यक्रम कवि कपिल सुबेदी तथा श्रीमती देवी आचार्यको आतिथ्यमा सफलतापूर्वक सम्पन्न भयो ।

प्रवासी नेपाली साहित्य समाजले प्रवासी प्रभात पुरस्कार २०६७ वरिष्ठ साहित्यकार गणेस रसिक र प्रवासी सम्मान २०६७ डी वी बमजनलाई प्रदान गरेको छ । आइतबार राजधानीमा आयोजित एक विशेष कार्यक्रमकाबीच रसिक र बमजनलाई सम्मान गरेको हो ।

काठमाडौ ।

नेपाल प्रज्ञा प्रतिष्ठानका कुलपति तिलविक्रम नेम्बाङ (बैरागी काइला)ले नेपाली भाषासाहित्य र कलासंस्कृतिको प्रवर्द्धन र विस्तारका लागि नयाँ प्रविधि प्रयोगमा जोड दिनुपर्ने बताउनुभएको छ ।

विश्व नेपाली साहित्य महासंघले काठमाडौमा गरेको नेपाली साहित्यमा डायास्पोराको भूमिका विषयक अन्तरकृया तथा पुरस्कार वितरण कार्यक्रममा बोल्दै कुलपति नेम्बाङले नेपालीहरू नेपालबाट बाहिरिँदा एक्लै हुने भए पनि बाहिर पुगेर संगठित हुने क्रम बढेकाले विश्वभरका नेपालीलाई समेट्न नयाँ प्रविधि प्रयोग गर्नुपर्ने बताउनुभएको हो ।

अन्तराष्ट्रिय नेपाली साहित्य समाज (अनेसास) कोलोराडो च्यापटरद्वारा संचालित मासिक कवि गोष्ठी कार्यक्रम यो पटक कवि तथा बरिष्ठ साहित्यकार शैलेन्द्र साकार र वहाँका सुपुत्र अनुरक्त श्रेष्ठको आतिथ्यमा सफलतापूर्वक वहाँहरूकै निवास फोर्थ कोलिनमा सम्पन्न भयो ।

१९७ औं भानुभक्त जन्म जयन्ती समारोह कार्यक्रमको रुपरेखा

सोनादा साहित्य संस्थान्
सोनादा, दार्जीलिंग
प० सं० – एस०/१ एल०/७४७५८

मिति १३ जुलाई २०११ समय बिहान १०३० बजे

१. समारोह अध्यक्ष
श्रीउदय सुब्बा ‘गोर्खा’

२. प्रमुख अतिथि
श्रीके० बि० मुखिया

३. बिशिष्ट अतिथि
श्रीदेवकुमार प्रधान
श्रीकुमार चौहान
श्रीअशोक छेत्री
श्रीपी० ‘अभाव’
श्रीआर० एम० राई

४. भानुभक्तको तस्वीरमा दीप प्रज्वलन एवं श्रद्धा आर्पण
अध्यक्ष एवं प्रमुख अतिथि साथै अन्यन्यका तर्फबाट

५. स्वागत भाषण
मूलसचिव राजेन्द्र ‘पासा’

६. रामायण पाठ
श्रीरामप्रसाद खनाल

७. भानुभक्त बारे केहि शब्द

नेपाली भाषा साहित्यका आदिकवि भानुभक्त आचार्यको १ सय ९८औं जन्मजयन्ती जापानको टोक्योमा आइतबार भानु जयन्ती बिशेष कार्यक्रमको आयोजना गरी मनाइयो ।

आचार्य प्रभा
जुलाई १८, २०११ डेन्भर (कोलोराडो)

स्व. आदिकवि भानुभक्त आचार्यको १९८ औं जन्मजयन्ती र अन्तर्राष्ट्रिय नेपाली साहित्य समाज (अनेसास)को २० औं बार्षिक उत्सवको उपलक्षमा अनेससास कोलोराडो च्याप्टरले गत जुलाई १५/१६/१७ तारिकका दिन बिभिन्न कार्यक्रम बिभिन्न स्थानबाट पाल्नु हुने महानुभावहरूको आतिथ्यका साथ सफलता पूर्वक सम्पन्न गर्‍यो ।

जुलाई १५ तारिकका साँझ प्रथम चरणमा साँस्कृतिक कार्यक्रम र प्रशिद्ध लोक दोहोरी गायक रामप्रसाद खनालको एकल दोहोरी गायन थियो भने कार्यक्रमको समुद्घाटन अनेसासका संस्थापक अध्यक्ष होमनाथ सुबेदीबाट गरियो ।

तामाङ भाषामा ९८ औं साहित्यिक श्रृखला सम्पन्न भएको छ ।

तामाङ डाजाङको सकृयतामा बिगत १० वर्षदेखि प्रत्येक महिनाको अन्तिम शनिबार सन्चालित साहित्यिक कार्यक्रम ग्योइकाई गेताङको ९८ औ अंक आज राजधानीको प्रर्दशनीमार्ग स्थित मानविकी क्याम्पसमा सम्पन्न भएको हो ।

कार्यक्रममा तामाङ भाषामा लेखिएका दुई दर्जनभन्दा बढी विविध विधाका रचनाहरू बाचन भएका थिए ।