यहाँ मातृभूमि त्यागि दिनप्रतिदिन विदेशीनेको लहर भेटिन्छ
मेलापाखा गर्नै त्यो विरे नि आजभोलि गाऊँ छोडि शहर भेटिन्छ
रुँदै छोरा कुर्दै एक्लै बुढेसकाल कटाइरहेकि बुढि आमा
मर्नू भन्दा पहिले छोरोको अनुहार हेर्न पाऊँ भन्ने प्रहर भेटिन्छ
कसको के नै विश्वास गर्नु छ र यो स्वार्थी दुनियाँमा
अमृत पिलाउछु भन्ने कै ब्यवहारमा जहर भेटिन्छ
पाप पखाल्न मठ,मन्दिर,तीर्थ धाउने धनीहरू,जाउ पखाल पाप
उ पर त्यो गरिब को दैलो मा पाप पखाल्ने नहर भेटिन्छ
✍️ यज्ञ राज खनाल
प्रदेश नं ७, धनगढी कैलाली
सम्बन्ध नै तोड्नभन्दा बाटो मोडेको जाति
संगै हिड्न सकिन्न त साथ छोडेको जाति
एकअर्काको बोझ भइ सधै उचालिनुभन्दा
राजिखुसि एकअर्कालाई हात जोडेको जाति
कल्पना र बास्तबिकता कसको एउटै हुन्छ
यथार्थको कलमले आफैं भाग्य कोरेको जाति
सम्बन्धको मिठास एक अर्काको खुसीमा छ
मायाको बगैचा त दुवैले मिलि गोडेको जाति
बिश्वाश पनि शिशाझैं हो तोडेसी जोडिन्न
मिठो झूठ भन्दा तितो सत्य ओडेको जाति
पाँच मुक्तकहरुः
१
केही छोटाछोटा वस्त्र हाल्न पाए हुने
केही नग्न फोटा हाल्न पाए हुने
दरबारको सोच यो छ अनि गाउँको धनेको सोच
फाटेकै केही भोटा हाल्न पाए हुने ।
२
गुनगुनाउने गलो रोकिएकै हो कि
अन्तिम समय तोकिएकै हो कि
मेरो प्रिय गायक मलाई विश्वास ता छैन तर
असमयमै जिब्रो टोकिएकै हो कि ।
३
रावणै रावण भएको ठाउमा रामको के काम
अँधेरै अँधेरोको माग भएकोमा घामको के काम
मृतात्माहरुलाई सधैं धरामा लट्काइरहने
अविवेकी र पक्षपाती मुक्ति धामको के काम ।
४
सत्य खोजेर अब के भेट्न सकिएला र मित्र
देशभक्तिगीतमा अब सारङ्गी के रेट्न सकिएला र मित्र
सौगात के दिउ खै हरजन्म राख्न तिमीलाई
सौगात के दिउ खै हरजन्म बाँच्न तिमीलाई।।१।।
लेखेर सरसर्ती कोरेर मेरा भावना मनका सबै
सौगात के दिउ खै हरजन्म साँच्न तिमीलाई।।२।।
अमिर छौ म भन्दा तिमी हार दिन सक्तिन
सौगात के दिउ खै हरजन्म डाक्न तिमीलाई।।३।।
शिशिर लिन्छु म जिवनको वसन्त लैजाउ है
सौगात के दिउ खै हरजन्म टाँस्न तिमीलाई।।४।।
जिवनभर भलो होस् उत्तरोत्तर प्रगति अमिट
सौगात के दिउ खै हरजन्म हाँस्न तिमीलाई।।५।।
आपद् विपद् पर्दा पनि बाटो छोडिएन
सम्झन्छु उनैको प्रीत मिठो
अचेल तिम्रो यादले दिग्दार बनाएको छ
कोभिड गुरु
उबेलाको बम अँझै पड्किदैछन
मजदुरहरू सीमानामा फसेको देखेनौ र
१. ब्रम्हाण्ड पो हौं