विविध-विधा

परदेशतिर होइन अब म स्वदेशमै आउँछु साथी
त्यही नेपाली पाउको टीका निधारमा लाउँछु साथी

परदेश पनि उही त रहेछ खेती किसान भेडा बाख्रा
यो कामभन्दा मेरै गाउँको टारी खेत धाउँछु साथी

बाँचेरै पनि यहाँ, मर्ने हजार छन्
मरेर पनि केही, गर्ने हजार छन्

राम्रो नराम्रो, दुबैको नाम चल्छ
बाँडिएर दुईतिर, पर्ने हजार छन्

हिमाल हाँसेको देखेर आकास खुलेको कति राम्रो
हिमचुलीको माथि माथि डाफे डुलेको कति राम्रो

पहाड देखि झर्छन् नदी बगाउँदै मलिलो माटो
तराईका फाँटमा पहेंलै धान झुलेको कति राम्रो

दुख्यो देश ज्यादै दुराचार बढ्दा
झर्यो आँसु द्रोही र गद्दार बढ्दा ll

भुली बन्धु कोही मिले शत्रु सङ्ग
मर्यो भाइचारा कुलङ्घार बढ्दा ll

यो जिन्दगी दोधार भो तिम्रो कारण
पानी बारा बार भो तिम्रो कारण”

बाँकी केनै रयोर स्वार्थी यो सन्सारमा
साथी पनि जार भो तिम्रो कारण”

घामछाया यो जिन्दगीको डुलेको देखिन्छ
मधेसबाट हेर हिमाल खुलेको देखिन्छ

झर्दै आउनू पहाडबाट नदी संगसंगै-
हिउँबेसीमा धानका बाला झुलेको देखिन्छ

बाटैबाट भिरफूलहरुलाई हेरी दिए पुग्छ
दु:खहरुको बिचमा जीवन फुलेको देखिन्छ

यै आँसुको घर आउनू तगारो खोलेर
घरबारीको माया मुटुमा घुलेको देखिन्छ

हेर्छु तिमीलाई म संसार देख्छु
बार बार जिउने आधार देख्छु

अरु दुनियाँमा के छ र त्यस्तो
तिमी मै त्यो अपरम्पार देख्छु

१)
मैले बस्ने शीतल, छायाँ तिमी भए
अक्सर मैले गर्ने, माया तिमी भए
जस्तोसुकै बाधा नि पन्छ्याउँथे,
सधैं मेरो, दायाँ-बायाँ तिमी भए

पवित्र मेरो प्रेमपनि खेल बन्यो त्यति बेला
निर्दोष मेरा आँसुहरू भेल बन्यो त्यति बेला

आफ्नैदेखि तृरष्कृत भएपछि मेरो प्यार
मेरो लागि अँझ कठोर जेल बन्यो त्यति बेला

बुवासँग छोरा बसी जाँड पार्टी चलायो
उखालेर खावाँहरू वास आफ्नै जलायो ।।

बनेकी छ छोरी मुमासँग पार्लर् छिचोल्ने
हुँदा भेट गुण्डो सितै चट्ट माया पलायो ।।

जिन्दगीभर आश मनभित्र बाँचेको हुन्छ
रहर मान्छेहरूका आकाश छुने हुन्छ
धर्तीमा बसेर पनि चन्द्र सूर्यसम्म डुलेर
निराश बन्नु मान्छेहरूको स्वभाव हुन्छ ।

१)
उदार सोचमा सदा हुन्छ झेल जिन्दगीमा
कहिलेसम्म खेलौं हार्दै खेल जिन्दगीमा
चाहनाको बलि चढाई बित्यो उमेर प्रवासमै
बगिरहन्छन आसुँका यी भेल जिन्दगीमा

१)
आएको थिए म, उनलाई भनेर
लाए थिए माया, उनलाई भनेर
सारा देवी देवता नै साँक्षी राखी,
खाएथे नि कसम, उनलाई भनेर

यै राष्ट्रको भलो हुने सधैं गीत गाउँछु म त
यै राष्ट्रको माटोसँग माया प्रीति लाउँछु म त

मिहिनेत गर्यौ भने हिरा मोती यही फल्छ
शुभ्- सन्देश सुनाउदै पूर्व पश्चिम धाउँछु म त

बिदेशिको मोहमनै भौतारिनु छैन मलाई
जस्तो हुन्छ यै देशमा आत्मा शान्ति पाउँछु म त

आयो अनि संसार सारा लडाएर गयो
सपनामा आगो लगाइ डडाएर गयो

कुनै बेला गुलियो थ्यो सख्खर जस्तो जिन्दगी यो
आजभोलि रिङ्ग्याउने चक्कर जस्तो जिन्दगी यो

देख्छु पर क्षितिजमा लक्ष्य मेरो झुण्डेको छ
भेट्छु भनी हिड्दा लाग्ने ठक्कर जस्तो जिन्दगी यो